XAKUTHAMI 13:1 - BAIBEL (BSI)

¹ Israilmi ye ithaghi AMPEU lau axine shive, ikehu pano Filistiyami pelono panongu shou ampe lhobidi kutolo ayeh pecheuve peke.

Sumi Naga CL (Re-edited) Bible (BSI)

¹ Israelmi ye itaghi Ampeu zülo küsakügha shiuve, ikehu Ampeu no Philistiami pelo pano shou ampe lhobidi kutolo qhasüve pe.

XAKUTHAMI 13:1 Mawu Ofanana

JEREMIYA 13:23

Ethiopiamiye pa yiko tsubuikeu kililuve nani kesha, momu angushuno pa yikolo aye yetamghuyi keu shipuhalu nani kesha? Tishilu kepushiaye, nongu alhoksa likhi shichekemi ghi achipiu kiu keno shinikeu shikalu nanike.

Rommi 2:6

Kughengu pututano kiu mla puaghini keno tipa kiqi lono Alhou no asaxu tsuwo nani.

IBRIMI 11:32

Niye alaughi kiu pinia? Gideon, Barak, Samson, Jafta, David, Samuel eno tungkupmiqo ghili piakepushi anamu ighenguno adono kuhae.

XAKUTHAMI 10:6

Itaghi Israilmi ye Baal ngo Astarot likhi kumono Siriya, Sidon, Muab, Amun eno Filistiya lhouqo mllau khaveno AMPEU zulo axine shikhave. Panonguno AMPEU pheveno pa mllamove.

XAKUTHAMI 10:7

Tighenguno AMPEU no Israilmi shou ighono amlo ideveno Filistiyami ngo Amunmi pelono panongu shou qhasuluvepe.

XAKUTHAMI 12:15

Tishino paye thive eno pa kumoye Amalekmi ghasa toghilo Efraim lughilo Pirathon lo qhove.

XAKUTHAMI 14:4

AMPEU vechewono Samson pelono tipaqo qhuiniju apekeu pa puaza ye vethalumono ake, kughengu AMPEU ye Filistiyami sasu aghushi penikeu tuqhudo chheju ake. Hipa ghuloki lo Filistiyami no Israilmi shou ayeh pe ake.

XAKUTHAMI 15:11

Tileno Juda lo timi 3,000 no Etam tuxu lo atuki lo wuno Samson vilo pi, “Noye Filistiyamiye ningu shou ayehkipeu pi mthake shea? Noye ningu lau kiu mlavetsu akya?” Pano khochile, “Panonguno ilau mlakeu toi nighi tipau tho panongu lau mlave tsuae.”

XAKUTHAMI 15:20

Filistiyami no tipa ghakhu shou ayehpe cheke ghuloki lono Samson no ampe muku kutolo Israilmi sapheluke.

XAKUTHAMI 2:11

Tipathiu Israilmiye AMPEU zulo axine shiuveno Baal mllau khave.

XAKUTHAMI 3:7

Israilmiye AMPEU panongu Lhou kumsumaveno pa lau axine shive puzu Baal eno Ashera lhou mllauve.

XAKUTHAMI 4:1

Ehud thiveke thiu Israilmiye itaghi AMPEU gizulo axine shive.

XAKUTHAMI 6:1

Itaghi Israilmiye AMPEU zulo axine shive, tighenguno pano Midiyami pelono ampe tsuni kutolo panongu shou ayeh peuve peke.

SAMUEL ATUGHIU 12:9

Ikemu timiqono AMPEU panongu Lhou kumsumave, tighenguno pano Filistiyami eno Muab lo akukau eno Hazor phughilo ghushimi shou zatou Sisera ighino nongu puasuqo sasu aghushino panoqo shou tokulu shiluvepeke.

SAMUEL ATUGHIU 4:9

Filistiyami, amlo kuloghi shilulo! Kiptimi toi aghushilo tishimo aye ninguye Ibrimi qemi shiuveni cheni, puzuu panonguno ningu qemi shiche ketoiveni cheni. Tighenguno kiptimi toi kumjolo!”

SAMUEL ATUGHIU 7:13

Ike Filistiyamiye tileno theqhiluve eno AMPEU no Samuel no xuake tivilo Israil lughi le iloghi pemo nikeu shi lakhavetsu.