XAKUTHAMI 10:6 - BAIBEL (BSI)

⁶ Itaghi Israilmi ye Baal ngo Astarot likhi kumono Siriya, Sidon, Muab, Amun eno Filistiya lhouqo mllau khaveno AMPEU zulo axine shikhave. Panonguno AMPEU pheveno pa mllamove.

Sumi Naga CL (Re-edited) Bible (BSI)

⁶ Itaghi Israelmi no Alhou zülo küsakügha shino Baal ngo Ashtaroth, Syriami, Sidonmi, Moabmi, Ammonmi, eno Philistiami lhouqo mllau khaveno Ampeu pheve no Pa huthu move.

XAKUTHAMI 10:6 Mawu Ofanana

KUKAMI ATUGHIU 11:33

Ino hishi akeuye Solomon no imiliveno inami lhou hipaqo mllaveke ghenguno: Sidonmi lhouliu Astarti, Muab lhou Khemos, Ammunmi lhou Milkom. Solomon ye igholumovae; pano mla pimi auve, papu David toi mono paye iyezahqo eno ahza kutsu pemovea.

KUKAMI ATUGHIU 11:5

Paye Sidonmi lhou liu Astarti eno aphi kumqhupu Ammunmi lhou Milkom ishi mllauve.

KUKAMI ATUGHIU 11:7

Jerusalem lono kipelau ato lakhilo Muabmino mllachekeu aphi kumqhupu lhou Khemos mllape nikeu a shitsu eno Ammunmino mlla chekeu lhou Milkom aghuthi kusupu mlla penikeu-a ghi kutotsu.

KUKAMI ATUGHIU 16:31

Akukau Jeroboam toi axine shivekeu likhi kumono tinguno alaughi paye Sidon lo akukau Ethbaal nga Jezebel sasu kulakupu shiveno Baal mllauve.

KUKAMI AKINIU 17:16

Panonguno AMPEU panongu Lhou yehza kumtsu hephoveno ayino amshitsu julho ghi shisupe qhi, ayepuqo mlla eno Baal lhou mllaukhave.

KUKAMI AKINIU 23:13

Josia no akukau Solomon no Jerusalem kipela kudau Oliv to chhiliu akumlla-a shikeu khipa-a lono aghuthikusu lhou Astarte, Sidonmi lhouliu, Khemos Muabmino mllachekeu lhou eno Amunmi lhou kumlla-a hipaqo kumtsu kughukughalei qhivetsu.

YEKIKITHI AKINIU 28:23

Pano Siriyami khunoqo pa shou toluve keno tipaqo lhou lau lhoxu heqhipe mllake. Pano ishi pi, “Siriya lhou qono Siriya kukami kuphutsu ke, tighenguno ino tipaqo lau lhoxu heqhi mlla aye nighi kuphu nani ke.” Hipauno pa shou eno pa shiayeh shou kutsakungo keu sughike.

LESHELE 106:36

Alhou wu timiqono ajulho shisukeu mllawuve eno tishikeu lono pano kutsalevekepu shive.

ISAIAH 23:4

Sidon phughi, noye kujomza kepu shivetsuae! Azughi eno azughi kije, akutho qono osalumokeu piani, “Niye anuli kuhae. Niye anu momu angaqo saputhu chemoe.”

JEREMIYA 2:13

kughengu iwu timiqono axine kini shivae: panonguye ni azu kuxu zupuki launo tsughusu chevae, eno panonguno atu tughuko chhu ani, ipovekeu tughuko loye azu mighepe puamla nanike.”

JEREMIYA 2:20

Akughushu AMPEU no pi, “Israil, puzuu nomu noye ikuka gha hebideke; Nono imlla nikeu eno igholu nikeu lo mopike. Naghuto qhemghai keu kumtsu eno asu minipho qholo nono lhoipeghi penikeu lhouqo mllake.

JEREMIYA 32:23

Ikemu kughou panonguno ayeghi hipaulo iloghi eno hipau amheghi shiluve keno, panonguye nono ahza tsukeu gholumove momu nono shikakeu kiqi lono xumove; nono panoqo pelo shipeniye ahza tsukeu panonguno kiumu shitsumoveke. Ikehu nono kutsakungokeu hipaqo kumtsu panoqo shou sughike.”

EZEKEL 27:16

Siriya lo kuamino onhemgha ngo nono mlaphekeu kutomo qhuluveke. Panonguno onhemgha ghenguno Emeral tu, aphi hughaikeu, ayeh shisukeu phi, phepheyikeu phikivi, korel ngo achiku ishi pesu otsuchileke.

ZAKINIU 13:6

“Othikuzuu, onu, onga momu nono kimiye chekeu nipu momu oshou kuchou namu tuqhouno ovilo kutau lhou mllanike ohakite aghiluvike, nongu eno nopuasuqono khilemu mlla chemo keu lhou mlla peniye shi aghiluvike.

ZAKINIU 13:8

Ikemu pa pelo ozuiza pekevilo; pa tsa initsu kevilo. Pa lau kimiyeqhiyi keu momu kupu keu piye kevilo eno pa susho kevilo.

ZAKINIU 31:16

AMPEU no Muse vilo pi, “Noye itheno thiniae eno nono thive kethiu timiqoye ilau amikucho shimove nani eno ino panoqo sasu puloshoqhi shikeu kuboleve nanike. Panonguye iqhiveno panonguno iloniye akeu yeghilo achine kutau lhouqo mllauve nanike.

ZAKINIU 31:17

Kughono tipau shini keno niye panoqo lau amlo ideve nani; ino panoqo qhiveno panonguye kutsaleve nani. Kutsakungo keu akumsapu kutomo panoqo shou ighi nani eno tithiuno panonguno kumsuchilelu nikeuno hipaqo panongu shou shikeuye ni pano Lhou ye panoqo gholo achemove ake ghenguno kena ipi ithi nani.

ZAKINIU 32:15

‘AMPEU wu timiqoye kinikulu shiuve ikemu hebideuve; Panonguye chhibochhilei eno achuqupuno shepichhi cheuve. Panonguno Alhou panoqo pulhokusuu qhiveno akughushu shi pano xakuluu peive.

JOSHUA 13:31

Gilead tuxa, Ashtarot ngo Edrei, Bashan lo Og kukau yehpeqhalo aphughiqo tipaqo kumtsu pe Manase nu Makhir polo kiqiqo wu shivetsu.

XAKUTHAMI 10:5

Jair ye thiveno Kamon lo qhove.

XAKUTHAMI 11:24

Ike noye tipau luchileve nishi anikeshea? No lhou Khemos no otsukeu yeghiye nono qhilu nani. Ikemu ni Lhou, AMPEU no ningu ghenguno ikhiphe tsukeuye nino kumtsu qhipua nani.

XAKUTHAMI 13:1

Israilmi ye ithaghi AMPEU lau axine shive, ikehu pano Filistiyami pelono panongu shou ampe lhobidi kutolo ayeh pecheuve peke.

XAKUTHAMI 16:23

Filistiyami kukamiqo kuqhano aghakishi kumlla kije lakhi shino panongu lhou Dagon mllanikeu shi. Panonguno hitoi phe , “Ningu lhou no nighumi Samson shou tokulu pesu ningu tsue!”

XAKUTHAMI 3:7

Israilmiye AMPEU panongu Lhou kumsumaveno pa lau axine shive puzu Baal eno Ashera lhou mllauve.

XAKUTHAMI 4:1

Ehud thiveke thiu Israilmiye itaghi AMPEU gizulo axine shive.

XAKUTHAMI 6:1

Itaghi Israilmiye AMPEU zulo axine shive, tighenguno pano Midiyami pelono ampe tsuni kutolo panongu shou ayeh peuve peke.

XAKUTHAMI 8:33

Gideon thive kethiu Israilmi ye Alhou lau amlo tsumoveno Baal mllauve. Panonguye Baal-Berit pesuno panongu lhou shiluve

SAMUEL ATUGHIU 5:2

achinekilo khile panongu lhou Dagon qhipua keno tipau phi ihjeghi qhive.