XAKUTHAMI 1:16 - BAIBEL (BSI)

¹⁶ Muse pangu kughuko lagha Kenimi ye Juda lo timi sasu Jerikho lo amsabo phughi ipi chekeu lono chesusu chhiliu qhaikeu Juda ghakhu lo Arad kutolo chewu. Tishino panongu ye tipa alo Amalekmi gholo kughuna kuqhaluve.

Sumi Naga CL (Re-edited) Bible (BSI)

¹⁶ Moses pangu Kenimi kughukomi ghi Judah timiqo gholono, Amsabo phughi lono Negeb lo Arad phivilo, Judah sayeqha kutolo iqho eno tilau küghünauve.

XAKUTHAMI 1:16 Mawu Ofanana

YEKIKITHI ATUGHIU 2:15

Ozem eno David.

YEKIKITHI ATUGHIU 2:55

(Alagha hipaqoye akiyelo eno pekikishe kaku yekide keulo shitsamiqoke eno panonguye Jabez taun lo ngoche: Tirathaimi, Shimeathaimi eno Sukathaimi, panonguye Kenaimi eno Rekhabaimi sasu kulakupu shikile chekemi qoke.)

YEKIKITHI AKINIU 28:16

Edommi no itaghi Juda lethuve eno akughumi shini ke kutomo kughaluve tsu ke ghenguno Akukau Ahaz no Asiriya kukatou Tiglat Pilaser vilo akukuphu khu puwu.

IPEKULU 18:1

Alhou no Muse ngo Israilmi sasu Ijip lono saipeghi kelo pano thwokha shikeu ghili kumtsu Muse pangu Mediami achineu Jethro no chilu khave.

IPEKULU 18:12

Tileno Jethro no akuchopu piti mllakeu ngo heqhi mllakeu kutau ngo ishi AMPEU mllanike sughi; Aron ngo Israilmi sakiphemi kumtsu pa gholo wupuzu mllakeu lakhi shighi akimthe libe chuke.

IPEKULU 18:27

Tithiu Muse no Jethro sasu ileno wolo pi kinive eno Jethro ye akilo idewove.

IPEKULU 18:7

ikehu Muse ye pa sasu kushonike ipeghi eno pa zulo itsaqi tsuno valuve. Pama lakhino lakhi vilo kiu toi akhani kela iniju kile puzu Muse phikilo ilo.

IPEKULU 3:1

Ghulo lakhi Muse ye pangu Jethro, Media lo achineu wu bheri ngo ane loji kheakelo pano asayeqha kathasusu akimthe naghuto Sinai lo ighi.

IPEKULU 4:18

Tithiu Muse no pangu Jethro lau idewo puzu pi, “Ipelo Ijip lo nisholokumi lau idewoju pelo eno panonguye xuaphi kemokeno julupelo.” Jethro no pulovetsu eno pa sasu kukhove.

JEREMIYA 35:2

“Rekhaba limiqo lau wulo eno panoqo putsalo. Tishino panoqo sasu Achineki chebo lakhilo sailoghi puzu atsayi ji pesu panoqo piyejulo.”

AKIKIHI 21:1

Kanan ghakhu apeu kudau Kananmi kukau Arad no Israilmiye Atharim laghi kudauno cheni pikeu chilukelo,pano panoqo leu eno panongu khamiye kughaluve.

MATTHEW 3:1

Tipa ghulokilo Johan Baptist no Judia lo timi kughunamokeu qhalo ighi eno asheshu ae.

ZAKINIU 34:3

Juda apeu akhila Zoar lono Jerikho kutolo amsabo toikeu subo akeu phughi.

ZAKINIU 34:4

Tile AMPEU no Muse vilo pi, “Ino Abraham, Isak eno Jakob vilo pano polo kughukomi tsunikeu shi tushoqhive keu yeghiye hike. Ino opelo juluve anipeke ikemu niye opelo tilau wupemo nanike.”

JOSHUA 18:21

Benjamin shiyeh bolomi wu aphughiye hipaqo: BethHogla, Emek Kiziz, Bet Aroba, Zemaraim, Bethel, Arim, Para, Ofra, Khefaramoni, Ofni eno Geba. Aphughi chighi kini gholo hokumxa taun qo kuqhaghi ae.

XAKUTHAMI 1:15

Lino khochile, “Niye azupuki hami lunishi ani. Kughengu nono ayeghi itsukeu ye qhaikeu yeghike.” Tighenguno Kaleb no lashou eno chhiliu azupuki akeu pesu li tsuve.

XAKUTHAMI 3:13

Eglon no Amunmi ngo Amalekmi gholo sukuqhano Israilmi sasu aghushi no toluve eno Jerikho amsabo phughi ipi chekeu leluvetsu,

XAKUTHAMI 4:11

Tishi akelono Kenimi Heber ipi keuno pa phiki Zananim lo aphisubo phivilo shipe qhilu. Ike paye Kenimi gholo no kajosusu wuveke, hi Kenimiye Muse ngukishiu Hobab polo kughukomi ke.

XAKUTHAMI 4:17

Ikemu Sisera ye posusu ighino Kenimi Heber nipu Jael phiki lo ilove, kughengu Hazar lo akukau Jabin ngo Heber lagha dolo kulakishi achekehu.

SAMUEL ATUGHIU 15:6

Tile Saul no Kenaimi vilo pi, “Chevelo, poluvelo, Amalekmi gholono kututa shi chhiliu poluvelo, mthano panongu gholono aqoshi nongu shipsa luve nosake; kughengu nonguno Israilmi no Ijip lono ipecheke ghulokilo kikimiye pephe tsupe puani.” Ike Kenaimiye Amalekmi launo kututa shiveno pokhave.

SAMUEL ATUGHIU 27:10

tile kuamino pa vilo ishi inijuche, “Noye ishiye khikudau lewuno ighi anikya?” ipi aye David no paye Juda yeghi apeu kudau momu Jerahmeel shiyeh qono akeu bokhu qhau momu khile Kenimino kughuna achekeno tikudau lewuno ighi anipi khochile che.

SAMUEL ATUGHIU 30:29

eno Rakal lo kuami laughi; Jeramil lagha Kenimi lagha,