SAMUEL AKINIU 5:7 - BAIBEL (BSI)

⁷ (Ikemu David no ighino panongu Zion tupikiye levetsu ikehu tinguno tilauye “David Phughi” ipi aje kuluve.)

Sumi Naga CL (Re-edited) Bible (BSI)

⁷ Tishimu David no Zion sükusho-a leluve, ti ye David phughi.

SAMUEL AKINIU 5:7 Mawu Ofanana

SAMUEL AKINIU 5:8

Tipa tsalani David no pawu timiqo vilo pi, “Ino jukuchhube aketoi nongu gholo Jebusimi jupe kuchhube kemi ani keo kuha kya? Tishi aye azula zusu iqhono anhethi kighichemi eno aphiau kighichemiqo le thulo.” (Hi ghenguno ishi picheni, “Anhethi kighichemi eno aphi au kighichemi ye AMPEU kilo ilomlae.”)

SAMUEL AKINIU 5:9

Atupikiye eno aqoboqo leve kethiu David no tile ngoluve eno tipau je pesu “David Phughi” ipi kuluve. Pano tipau homxa aphughi shisuluve, atoghi tsukinhe kipelau yeghi hokulaqano tipa alono huthu susu aki shisuwo aphughi shiluve.

SAMUEL AKINIU 6:10

Tileno paye Jerusalem lo pa gholo tipau pesu wonikeu shimoveno alaghi xakide susu Gat phughi lo Obed Edom kilo puwove nikeu shive.

SAMUEL AKINIU 6:12

AMPEU no Obed Edom kibolomi Puloshoqhi Bohu ghenguno kumgha tsuakeu ghili akukau David no chiluve; ikehu pa ghi ighono ahukulu kije lono Puloshoqhi Bohu Obed kilono ikhipheluveno Jerusalem lo sughinikeu shi.

SAMUEL AKINIU 6:16

Abohu pesu aphughilo iloghi kemtsa Saul nga Mikhal no alashe lono pishipipe jukeloye akukau David ghi ilhe kakai kungu ilhe-ikughi ti akimthe kighilhe shi aghikeu ithuluno liye paju aphimqhuve.

KUKAMI ATUGHIU 2:10

Tipathiu David ye thiveno David Phughilo qhove;

KUKAMI ATUGHIU 3:1

Solomon no Ijip lo akukau Farao nga sasu kulano pa sasu kutshu kimeluve. Pano li sasu ighino akighiki, Akumllaki eno Jerusalem homxa atupi yelumoke kuto David phughilo ache.

KUKAMI ATUGHIU 8:1

Tishive kethiu Solomon no Israil laghalo saphetomi eno alaghami kumtsu Jerusalem lo pa zulo ighipe nike kusu tiye AMPEU wu Puloshoqhi Bohu David phughi Zion lono pewo Akumllakilo qhiveniye ke.

KUKAMI ATUGHIU 9:24

Solomon no pa nipu Ijip kukau nga David phughi lono kiqhe sasu pano pa nipu ghenguno mlatsukeu alo iloghiluve kethiuno paphughi tsukinhe kipelau akeu Millo phughi mlalu.

YEKIKITHI ATUGHIU 11:7

Kughengu David no aghukhua lo ngoniye cheve, tighenguno hipau pesu “David Phughi” ipi kutsu.

YEKIKITHI AKINIU 24:16

Panonguno David Phughi lo kukami kumokilo pa qhove tiye pano Israilmi ghengu, Alhou ghengu eno Achineki ghenguno akumla mlatsu keulo pa ikhilu keu lonoke.

YEKIKITHI AKINIU 5:2

Tithiu akukau Solomon no Israilmi dolo pututa laghami sakiphemi kumtsu David phughilo Zion lono AMPEU wu Puloshoqhi Bohu achinekilo sughi nike ghenguno Jerusalem lo kusu.

NEHEMIA 3:15

Kolhoze nu Shalum, Mizpa distrik lo ayehpeuno Azupuki Khagho mlave. Pano khagho la ghakhave eno khaghoqo thosu alo mlasu eno boltu ngo akhaduqo mlasuve. Shela Zukikhelo pano kukami ghutu kutolo akupuwu mlave, tiye David phughi lono anepa iqi akeu kutolo mlaveke.

LESHELE 132:13

AMPEU no Zion kisheluke; tipau pesu pano ngochekeu-ki shinishike;

LESHELE 2:6

Pano pi, “Ino iwu akimthe toghi Zion shou ikukau qhipe puani.”

LESHELE 48:12

Alhou wu timiqo, Zion vehosu aliwoqo kihijulo;

LESHELE 48:3

Aphughi liwo alou mtsuqheyino sushokulu akeu Alhou ampino pephepiye.

LESHELE 51:18

O Alhou, Zion lau akivipu shitsulo eno li kuphu tsulo; Jerusalem putukhakeu putukithe tsulo.

LESHELE 87:2

Israil lo a-a kutau kumtsu nguno pano Jerusalem phughi kupuke.

LESHELE 9:11

Zion lo ayehpeu AMPEU lau alephe sheqhelo, shiyehqo gholo pano mlapuakeu lhelo.

ISAIAH 12:6

Zion lo kughunakuami kumtsuno ighu iqha eno alephelo! Israilmi Lhou akimtheuye kijeke, eno paye pawu timi gholo acheni.”

ISAIAH 59:20

AMPEU no pawu timi vilo pi, “Ino nongu susholu eno nongu xine kudau idewovekemi kumtsu xalu nike ighini cheni.

JEREMIYA 21:13

No, Jerusalem ye akhila shou qhemghai iqa ani, aqalo atuqu ipeghi akeshi ani. Ikemu ino oshou aghushini. Nono pikeuno khunomu olemla nani momu nono susho kepushikeu hepho iloghi mla nani pike.

MICAH 4:2

“Ningu AMPEU wu naghutolo Israil Lhou chinekilo wunie. Kughengu pano ningu pelo kiu shipe nishi ani keno ningu shikapiye nani; ninguye pano kishetsukeu laghi pulani. Kughengu AMPEU no kutsupiye keuye Jerusalem lono ighi cheni; Zion lono pano pawu timiqo putsa cheni.”

Rommi 9:33

ti kuchoyesu lo pikehutoi: “Julo, Zion lo timi pelo pusupukulu penike atuqu lakhi ino qhipuani, tiye panongu pelo kupuxalu kepu tuqu lakhike. Ikemu khunono pa shou akupulu benikeno shikukujomo nani.”

IBRIMI 12:22

Ikemu nonguye Zion tolo ighi ani, akuxupu Lhou phughi kungugha Jerusalem lo, eno kungumi kihikhamlakemi gholo ighi ani.

Piyeküsü 14:1

Tileno ino jukelauye, Bheritino Zion naghutolo puthugho aghi, eno pa gholo timi 144,000 aghi, eno panoqo kishelo Bheriti je ngo pa Puh je yepuku pesu ae.