SAMUEL AKINIU 3:27 - BAIBEL (BSI)

²⁷ Kughou Abner no Hebron lo ighilu keno Joab no khagho lono pa vilo kiwana tuqhou tsa pinike toi pa kupunu susu ighino tipa alono apo lono pa jiqhi pithive. Hitoi shi no Abner heqhi pithive kughengu pano Joab thikuzuu Asahel heqhi pithi puakehu.

Sumi Naga CL (Re-edited) Bible (BSI)

²⁷ Eno kughou Abner no Hebron lo idechile ighi keno, Joab no tuqhou shi pa pütsani ye pa sasü khagho phivilo wu, eno tileno pa polo qhusüve tsü, ikehu pa ye thive, ti ye pa thiküzüu Asahel ji peleve tsükeu ghenguno ke.

SAMUEL AKINIU 3:27 Mawu Ofanana

SAMUEL AKINIU 13:26

Ikemu Absalom no pi, “Tishimaye kutamiye ighimla namu ithikuzuu Amnon likhimu ighilu penima?” Akukauno iniju, “Kushiye pa likhi ku anikya?”

SAMUEL AKINIU 19:13

David no panongu pelono Amasa vilo pitsupeniye ishipi, “Noye ilaghamike. Ishi nguno hilauno ino okugha pesu Joab zuqhulo aghushimi shou ampi shipeniae. Tsalatsa ino tipau shikupumo aye Alhou pelono iheqhi pithive peniu!”

SAMUEL AKINIU 3:26

David pheve kethiu, Joab no aghinimi hapesu Abner phuwupe eno kuchono panonguno Sira zukikhe lono pa haluno sachile sughilu; ikemu David ye tipau ghili kumu mthano ae.

SAMUEL AKINIU 3:28

Kughou David no tipau sutsa chilu keno, pano pi, “AMPEU no ithi anike ni eno iwu timiqoye Abner kithi hipaulo kumu chhosu puamoe.

SAMUEL AKINIU 4:1

Kughou Saul nu Ishboshet no Abner ye Hebron lono heqhi pithivae pikeu chilu keno paye ighono msave eno Israilmi kumtsu amlo susu shive.

KUKAMI ATUGHIU 2:32

Ipu David vilopimono pithive kemi ghenguno AMPEU no Joab ghime nani. Joab no pa nguno akiviu amikuchomi mikini heqhivetsu: tiye Israil ghushimi shou zahtsuu Abner ngo Amasa, Juda ghushimi shou zahtou pama pithivetsuke.

KUKAMI ATUGHIU 2:5

“Tinguno alaughi hi aphie. Joab no ilau kiu mlakeno kumsulu ani Israilmi ghushimi zahtsuu kini Ner nu Abner eno Amasa Jether nu pama heqhivetsue. Puzuu aghukishi lono thivekeu mukhulu aniepi kulashi ake lono pama heqhivetsu, itehiye pano kiu mlave keno tipaqo kumtsu amakho ishou bevetsuno ime ani.

AHOLE 26:26

Paye pano kutami mithichekeu kusupe aghiluvi ikemu timi kumtsu pano alhoksa kumla shichekeu ithuluve nanike.

JEREMIYA 41:2

Ishmael ngo pa gholo timi chighi akeqono panoqo zutakihi sujo pesu Gedaliya ghiqhive.

AKIKIHI 35:19

Akithiu sholokumi huno timi heqhi pithive keu mukhu lulu nani. Pano timi tipau sholu kelo pa pithive masake.

AKIKIHI 35:20

“Timi lakhino kutami khuala jumthi cheni eno pano tipau tukuluqhi puzu pa pithive aye

ZAKINIU 27:24

‘Timi khuuno tuqhouno timi ghiqhiveni keno Alhou no musuini keu pa shou ani,’ Eno timi kumtsuno khochileni, ‘Amen!’