SAMUEL AKINIU 23:4 - BAIBEL (BSI)

⁴ Paye tsukinheno khungkusu kukuha inaqhe tsalalo phuphuyi ye aketoike, tsughu tave kethiu tsukinhe no atsaneghu qolo yebide pesu mlapui ithulu aketoike.

Sumi Naga CL (Re-edited) Bible (BSI)

⁴ panoqo shou pa no inaqhe küvü toi vüipeghi cheni, khüngküsü küküha inaqhe lo khetsünhe vüipeghi ketoi, tsütsüghu no atsüni mini ipeghi peke toi chenie.

SAMUEL AKINIU 23:4 Mawu Ofanana

LESHELE 110:3

Nono oghumi sasu aghushike tsala lono owu timino oghenguno wuni keu ighi nani. Inaqhe tsuzu toi owu lhothemiqo no akimthe toghilo olau ighi nani.

LESHELE 72:6

Akukauye aluzalo tsutsughu ighike toi shipelo, ayeghi shou ghuqhi puku akehu toi shipelo.

LESHELE 89:36

Paye alhokuthulo pa laghami anani eno tsukinhe kuvu ake kutolo ino pa kukaqha khetsu anani.

AHOLE 4:18

Amikuchomino izuchekeu laghiye tsukinhe ipeche ke toike, atsala ipeghimoke kutolo vuqai kithe eno vuqai kithe acheni.

ISAIAH 18:4

AMPEU no ivilo hitoi pike, “Ino kungugha lono jupiqi nani tiye ghile ghulokilo akulu tsala putholo atsuzu qi akeshi, atsala shukuthuikeulo tsukinheno tsuni akeshi nanike.

ISAIAH 4:2

Ado ghuloki cheni, AMPEU no ayeghilo atsuni ngo asubo kumtsu jukighilepushi kije kushuwo shi thuwulupe nani. Israilmi achilishi aghikemi pelo ayeghi lono axabo ipeghikeulo akijivilo eno azukuvupu shilupe nani.

ISAIAH 60:1

Ithulo Jerusalem eno tsukinhe toi yepuvulo; AMPEU jukuvuno oshou yepuvu ani!

ISAIAH 60:3

Ashiayeh kutamiqo nongu kuvu kudau ighi nani, nongu tsala kithe ipechekeu kudau kukamiqo ighi nani.

HOSIYA 6:3

Ningu AMPEU ithinike pukaputsa juni nolo. Paye kuchouno inaqhe vuipeghi keshi ighi nani, ghixu tsalalo tsutsughuno ayeghi shou ghupuku keshi paye kuchouno ighi nani.”

HOSIYA 6:5

Tighenguno ino iwu tungkupmi lau kughathabe keu ngo kutsakungo keu pesu puwu nani. Ino nongu launo lunishi akeuye mutsumishei hike:

MICAH 5:7

Israil lo akemi khunoqo xu aghi luni keno tipaqoye ashiayeh kutomo ghenguno AMPEU no aloponiyi keu tsuzu puwukeu toi nani, panoqoye atsuni thu ipeghi akeulo tsughupuku keu toi nani. Panonguye timi shou kumono Alhou shou pukhube nani.

MALAKI 4:2

Ikemu nongu igholu chekemi ghenguye iwu xakulupu kukano tsukinhe toi nongu shou ikughi nani eno tsukinhe kuvuno yekeshi shikipivi sughi nani. Nonguye amshiti aki lono khalau pipe kelo toi ililai eno alokivishive nani.

John 1:7

Pano timiqo vilo akuvu ghili pesu pinike ghenguno atsapeu lakhi shi ighi tishianguno kumtsuno pa vechewo pulu lupeniyeke.

ZAKINIU 32:2

Ikukutsuye tsutsughu kighiji toi iqighi eno ayeghi shou atsuzu toi kumqolue. Itsaye tsutsughuno atsuni khunu shou ikiqi iku ketoi, atsani kumtsha shou mkhano ghupuku keu toi.

XAKUTHAMI 5:31

Hipaphi shi oghumiqo kumtsu thive pelo, O AMPEU, ikemu oshounoqomi pelono tsukinhe ipechekelo toi vulupelo! Tipa ghakhulo ampe lhobidi kutolo alokughuno alue.