SAMUEL AKINIU 21:7 - BAIBEL (BSI)

⁷ Ikemu Jonathan pama dolo akimthe shoqhi shipe puakeu ghenguno David no Jonathan nu Mefiboshet, khuu Saul tilinu keno tipauye puxuluvetsu.

Sumi Naga CL (Re-edited) Bible (BSI)

⁷ Ikemu akükau no Jonathan nu, Saul tilimi Mephibosheth ye püxüve, kughengu ti ye David ngo Saul nu Jonathan pama dolo ashoqhi akeu ghenguno ke.

SAMUEL AKINIU 21:7 Mawu Ofanana

SAMUEL AKINIU 16:4

Akukau no Ziba vilo pi, “Mefiboshet no kiu pighi anikeno ti kumtsu owue.” Ziba no khochile pi, “Niye oqeu ke Akukau akijeu, ipelo ogizulo achipiu shilupelo!”

SAMUEL AKINIU 19:25

Kughou Mefiboshet no Jerusalem lono ighino akukau sasu kusholukeno, akukauno pa vilo pi. “Mefiboshet noye igholo wumoe, kushiye tishi kya?”

SAMUEL AKINIU 4:4

Saul lagha lono ikowokemi Jonathan nu Mefiboshet ache, Saul ngo Jonathan pama heqhiveke ghulokilo paye apunu mpe pungu shi ae. Pama kithi ghili Jezril phughi lono asutsa ighikeu chiluke mtsa pa tuchomujo chekeu no khapesu poluke; ikemu ighono mighimghai posu cheke lauye pa pheqhiveno paye aphiau kighichemi shive.

SAMUEL AKINIU 9:1

Ghulo lakhilo David no ishi iniju “Saul kibolomi khuala anikeo kuha kya? Tsala aghi aye, Jonathan ghenguno ino pa lau kimiyekeu piyenishi ani.”

SAMUEL AKINIU 9:10

No, onuli eno oqemino ompiu Saul kibolomi ghenguno alu chichulu nani, panongu ghenguno ghile huno achuqupu panongu tsukepushi nani. Ikemu Mefiboshet ye alhokuthu ighulhu lupa lo ngono chulu nani.” (Ziba ye anuli chighi pungu eno aqemi muku ishi acheke).

SAMUEL AKINIU 9:6

Kuchono Mefiboshet khuu Jonathan nukeno eno Saul tilimi keno pano ighino sukumsa David tsukeu kiqi shi ghi pishiqho. David no pi “Nono Mefiboshet keshea?” Pano khochile, “Akijeu nike” ipi.

SAMUEL AKINIU 9:7

David no pi, “Noye msa kevilo opu Jonathan ghenguno niye olau kikimiye piyenanike. Ino osu Saul yeghi thaqhuye otsu chileve nani eno noye alhokuthu igholo kumtsa aghulhu lupa lo ngolu nani.”

YETSAPIU 8:2

Akukauno pikeu shilo eno Alhou vilo lhelheshi tushoqhi kevilo.

SAMUEL ATUGHIU 18:3

Jonathan no ighono David kimiyekutu keu lono pa sasu alhokuthu ashou shinikeu shi tushoqhive.

SAMUEL ATUGHIU 20:12

Tileno Jonathan no David vilo pi, “AMPEU Israil Lhou no nikujo dolo thopi shipeniu! Thoghiu hipa ghulokilo eno aghiniu ngo ishi ino ipu vilo inijuni. Tsala pa kukumsu olau achipilo shi aghi aye ino atsa olau pipuwuni.

SAMUEL ATUGHIU 20:15

isholokumi lau kikimiye eno aghokulu ilau shiketoi piyetsulo. Kughou AMPEU no oghumi kumtsu shipuhakhave tsuni keno,

SAMUEL ATUGHIU 20:17

Jonathan no itaghi David pelono pano ighono David kimiyeshe keu hutoi pa ghi tipaphi shi pa kimiyelo pi tushoqhi kithepe.

SAMUEL ATUGHIU 20:42

Tileno Jonathan no David vilo pi, “Alhou pelo osachepeni. AMPEU pelo nikujo dolo eno nikujo lagha kughuko dolo kiutoi nikujo lakhino lakhi lau tushoqhikile keno hipau alhokuthulo tishi alupeniu.” Tishiveno David ye cheve eno Jonathan ye idechile taun lo wove.

SAMUEL ATUGHIU 20:8

Ighenguno aghini hipau shitsulo nono isasu ashou kuchou shilukeu kiqi lono ino kiu opithivea keno amlolo qhi luvelo. Ikemu ikipimi shi aghi aye, nono iheqhivelo! Kushiye isasu opu pelono iheqhi pithi penike pa lau isawu anikya?”

SAMUEL ATUGHIU 23:18

Tishino pamaye lakhino lakhi sasu akusapau kuchou shi anikeushi AMPEU zulono tushoqhikileve. David ye Hores lo ngove eno Jonathan no akilo idewove.

SAMUEL ATUGHIU 24:22

David no tishi tsuniepi pulove. Tishiveno Saul ye pa kilo idewove, David ngo pawu timiqoye panongu no itshu akeu alo cheve.