SAMUEL AKINIU 21:1 - BAIBEL (BSI)

¹ David no kaluve kethiu ampe kuthu ishokibe ighono puqumiyeve. Tighenguno David no tipau vehu AMPEU vilo iniju eno AMPEU no pi. “Saul ngo pa laghaqoye hekiqhi kumla shipe pu ani; pano Gibeon lo kuami pithikhave.”

Sumi Naga CL (Re-edited) Bible (BSI)

¹ David ghuloki lo ampe küthü ishokibe püqümiye ighive kehu pa no Ampeu phuighi. Ampeu no pi, “Aji pelekeu kipimi Saul eno pa kibo shou ani, kughengu pa no Gibeonmi pithive ke.”

SAMUEL AKINIU 21:1 Mawu Ofanana

BOTHUBO 12:10

Tipa ghakhulo puqumiye ighie eno achuqupu ithumla mitheve kehu Abram ye apeu Ijip yeghi lo ado kitila ghenguno pokawuve.

BOTHUBO 26:1

Puzuu Abraham ghulokilo puqumiye ighikeu toi itaghi puqumiye keu tipa ghakhulo ighie. Ike Isak no Gerar lo Filistiyami kukau Abimilek lau wue.

BOTHUBO 41:57

Ayeghiqha kumtsu lono athi qhuniye Ijip lo Josef lau ighi, kughengu ayeghiqha kumtsulo puqumiye keu lono shishe shisakeu shive.

BOTHUBO 42:5

Kutami gholono Israil nuqo ghi athi qhuniye ighi, kughengu Kanan lo puqumiye ake.

BOTHUBO 43:1

Puqumiye keu Kanan yeghilo ihulo keu shi auve.

SAMUEL AKINIU 16:8

Nono Saul kukaphu ikhiluve tsu eno itehiye AMPEU no nono Saul kibolomi kutomo heqhi pithive tsuke ghenguno oghimeqhi ani. AMPEU no akukaphu pesu onu Absalom tsuvae eno noye ikiqivae, noye ghikiqhiu!”

SAMUEL AKINIU 20:26

Jair taun lono ighikeu Ira no David wu achine kishiu shilu.

SAMUEL AKINIU 21:5

Panonguno khochile, “Saul ye ningu shipuhave tsunishi ae eno ningu Israil yeghilo lakhimu puxumonikeu shie.

SAMUEL AKINIU 24:1

Ghuthu lakhilo AMPEU ye Israilmi lau amlo ideve, ikehu pano David pelono panongu shou akupuna sughitsupe. AMPEU no pa vilo pi, “Wuno Israilmi eno Juda lo timiqo kihi julo” ipi.

SAMUEL AKINIU 5:19

David no AMPEU vilo iniju. “Tsala ino Filistiyami le aye noye tokulu itsunima?” AMPEU no khochile, “Iyei, panongu lelo, ino tokulu otsu nani.”

SAMUEL AKINIU 5:23

Itaghi David no AMPEU vilo iniju kelo hitoi khochiletsu, “Hilehiye panongu lekevilo, ikemu alaghi kutau, Balsam suboqo phivi lono panongu botha luveno lelo.

KUKAMI ATUGHIU 17:1

Tungkupumi lakhi paje Elija, Gilead yeghilo Tishbe lono ighikeuno akukau Ahab vilo pi, “AMPEU je lono, xuakeu Israil Lhou, ino khuu huthu acheni keno, paje lono ino ovilo pi ani, hinguno athiu ampe kini kuthu dolo ino pitsumoke kutolo atsuzumu tsutsughumu ighimo nani.”

KUKAMI ATUGHIU 18:2

Ike Elija no cheve. Samaria lo puqumiye keuno ighono avekusa shiae,

KUKAMI AKINIU 6:25

Aghushive keu lono aphughilo chuqu kusho ighono mpive kehu gadaha kutsu lakhilo tsandiyi lhothache eno aghatsuna gram 200 lo tsandiyi pungu lono zheuve.

KUKAMI AKINIU 8:1

Tipathiu Elisha no Shunem lo kuau atopuu khuu nu pano xuputhuve tsukeno tipau vilo pi, “Osholokumi sasu khile khilemu ado kitila ghenguno ngove kepushi chevelo, kughengu AMPEU no hipa ghakhulo ampe tsuni puqumiye puwuni cheni.

JOB 10:2

Alhou vilo ishi pini aphi, “Ipesu kusakugha shitsukevilo, ikipimi kiu ani kela ipithi tsulo.

LESHELE 27:8

Nono, “Ighieno imllalo” ipikelo, imlo lono ishi okhochile, “Ino ophusu olau cheni.

LESHELE 50:15

Shiluksa ighikelo ivilo pilo, ino nongu xalunike eno nonguno isheqhe nani.’

LESHELE 91:15

Kughou panonguno ikuni keno ino khochile nani; panonguno shiluksalo akelo ino panoqo gholo anani. Ino panoqo xaphelu eno panoqo suqhepuku nani.

ACHINE 26:26

Nonguno achuqupu sughichekeu la ino hekha vetsu nani, tishi kehu totimi chighino asho khije aghikeno tipau shunike amiphoki lakhi likhi avehupu shinani. Panonguno tipau aphiphi shi ghi kije nani eno nonguno tipau chukhave pinamu nonguye muzuthi aniaphi.

AKIKIHI 27:21

Paye achineu Eleazar pukhu nani, pano Urim ngo Thumim peitha no ipulou ithilu nanike. Hipa ghola lono Eleazar no thwokha kumla kughutha kumtsu lo Joshua ngo Israilmi qoaho kichepiye nanike.”

JOSHUA 7:1

Israilmi lau AMPEU zah kutsu shikeuno Jerikho shipsa vekeu nguno alauye kumu lumoni pikeuhu agho lumove. Timi lakhi Akhan ipikeu no tipau zah lumove, tighenguno AMPEU no Israilmi shou aloghu pukuve. (Akhan ye Karmi nu eno pasuye Zabdi eno Juda shiyeh lo Zera lagha lono ighikemi.)

JOSHUA 9:20

Ningu shoqhi ghenguno panongu pelo xu ape masae, nino tishimove aye Alhou no ni ghime nani.

RUTH 1:1

Israilmi gholo Kukami no ayehpe mphi lo pano ghakhu lo puqumiye ighie. Ike Judia lo Bethlehem phulo timi lakhi ye pa nipu ngo pa nu kini sasu Muab ghakhu lo pokauve.

SAMUEL ATUGHIU 10:22

panonguno AMPEU vilo iniju, “Pa nguno kutami anikeo kuhave akya?” AMPEU no khochile pi, “Saul ye hukudau akho nhemgha thiu itshu anie.”

SAMUEL ATUGHIU 23:11

Keila lo xukuamiye igholono Saul ulo ilovepenikeo? Saul ye ino chilu aketoi kuchouno hilau ighini chinikesha? AMPEU Israil Lhou, ikhochile tsulopi ino oqhuiniju ani!” AMPEU no khochile, “Saul ye ighini putsae.”

SAMUEL ATUGHIU 23:2

Tighenguno pano AMPEU vilo iniju, “Ipelo wuno Filistiyami lewu pemokesha?” AMPEU no khochile, “Iyei, wuno panongu lelo eno Keila susholu tsulo”

SAMUEL ATUGHIU 23:4

Tighenguno David no itaghi AMPEU iniju eno AMPEU no pa vilo pi, “Wupuzu Keila levelo, kughengu Filistiyami shou tokulu shipenikeu ino otsu nani.”