SAMUEL AKINIU 2:23 - BAIBEL (BSI)

²³ Ike tishi piamu Asahel no pa phemono cheuve; ikehu Abner no shothiu no pangu qhupuwu keuloye Asahel kive chhepili susu angupa amqau no iho ipeghive. Tileno Asahel ye ayeghilo iluqi thive, tishike lono timi kumtsu pano ikiqi ngovekeu alo ighino puthughono jua.

Sumi Naga CL (Re-edited) Bible (BSI)

²³ Ikemu pa no tsüghü move. Ikehu Abner no pa ngupa pesü Asahel kive lo qhusüve tsü, ikehu angupa ye qhupilipe pa thiu no ipeghive. Eno pa ye tilehi ikiqive eno tipa-a lono thive. Asahel no ikiqi thive keu-a lo ighi keqo kümtsü no apuchopungo puthughope ngove.

SAMUEL AKINIU 2:23 Mawu Ofanana

SAMUEL AKINIU 2:24

Ikemu Joab ngo Abishai pamano Abner hathuve eno tsukinhe ilove kemtsa lono pamaye Amma tolo ighilu, tiye Gibeon ghasaqha laghi wucheke kudau Gia au ajeu kudau ake a-loke.

SAMUEL AKINIU 20:10

Amasa ye Joab no pa-u halau azuta kihi tsuqu pesu ngo akeu kumu mthano kutokupui shimove, ikehu Joab no pa polo azutakihi pesu qhusuve tsukelono kighinoli khalacheu ijo ipeghive, akiniu pa kutu kithe mphi lono Amasa ye thive. Tishiveno Joab ngo pa thikuzuu Abishai pamaye Sheba hasusu huve.

SAMUEL AKINIU 3:27

Kughou Abner no Hebron lo ighilu keno Joab no khagho lono pa vilo kiwana tuqhou tsa pinike toi pa kupunu susu ighino tipa alono apo lono pa jiqhi pithive. Hitoi shi no Abner heqhi pithive kughengu pano Joab thikuzuu Asahel heqhi pithi puakehu.

SAMUEL AKINIU 3:30

Ikehu Joab ngo pa thikuzuu Abishai pamano pama thikuzuu Asahel khuu Gibeon ghushiqa lono Abner no ghiqhi pithive tsu keno Abner shou amkhu luvetsu.

SAMUEL AKINIU 4:6

Totimi ahukikha lo ashothi ijoghi ngo akeuye inguano zuhuve kelono Rekhab ngo Bana pamano mkhano sholokuu ilove.

SAMUEL AKINIU 5:6

Akukau David eno pawu timiqono Jerusalem lekepu do ighive. Tipa ghulokilo Jebusimi khunoqo tile akeno panonguno kumsukeuno David ye khilemu aphughi tipau leluve nani pi kumsumono ae, ikehu panonguno pa vilo pi, “Noye khilemu hilehi iloghimlae; anhethi kighichemi aphiau kighichemi nomu ohaphe puwuluve nani.”