SAMUEL AKINIU 19:1 - BAIBEL (BSI)

¹ Akukau David ye Absalom ghenguno amlo ime qa anipikeu sutsa Joab vilo pive.

Sumi Naga CL (Re-edited) Bible (BSI)

¹ Joab vilo ishi pi, “Akükau ye qa ani eno Absalom ghenguno mlo ani.”

SAMUEL AKINIU 19:1 Mawu Ofanana

BOTHUBO 37:35

Panuliqo kiptimi eno totimi kumtsuno pa lokughuno tsuniye ighi ikemu pano miliveno pi, “Ino kithila lono pa sasu kushomo ke kuto niye inu ghenguno mloqa anie.” Tishi papu no Josef ghenguno mloqa.

SAMUEL AKINIU 18:12

Ikemu timi huno khochile, “Tsala nono tsandiyi muno 1,000 papu itsukepu shimu, niye iuloti chhoqhi akukau nu shou bemo nani. Ningu kumtsuno akukauno no ngo Abishai eno Ittai nokuthu vilo, ‘Ije lono anu Absalom ghime tsukevilo,’ ipi ahza tsu akeu chilue.

SAMUEL AKINIU 18:14

Joab no pi, “Niye ado peve ghi hishi ogholo ngo amlae,” Tishi piveno pano angupa kuthu ikhiluno Absalom mlalo chhepukuvetsu, paye aphisubolo kunguu pufu pesu thiumlano xuaphi lono tishivetsu.

SAMUEL AKINIU 18:20

Joab no pi, “Moe ishiye noye asutsa kivi pesu piwu kevilo. Nono wunishi aghiaye ghulo kutauno wuno pilo, ikemu ishiye wukevilo, kughengu akukau nu huye pithivae.”

SAMUEL AKINIU 18:33

Tileno akukau ye ighono amlo save. Ikehu paye khagho laghi kudau kungu-u chebo lo ikuno qa auve. Paye ala chesu qaghi pi, “O inu! Absalom! Absalom, inu! Ino ozuqhushi thiveni keghi lae! Absalom, inu-o!”

SAMUEL AKINIU 18:5

Pano ahza shipe Joab, Abishai eno Ittai pano kuthu tsu: “Kishimoake ije lono Absalom ghime tsukevilo.” Hipau zahkutsu David no pawu kijemi vilo pithi akeu ghushimi kumtsuno chilukhave.

SAMUEL AKINIU 19:2

Tighenguno tipa tsalalo tolukeu lokivi huye David wu ghushimi ghenguno amlo ghimepu shive, kughengu akukauno panu ghenguno amlo ime akeu panongu ghi chiluve.

AHOLE 17:25

Aghuzunikha nuno papuh mlo ghimepu sughi cheni eno kukhukimji kukumsu aza lau sughi cheni.

ZEKHARIA 12:10

“David polo kughukomi shou eno Jerusalem lo kughuna akemiqo shou ino amlo ighiqhiyikeu nguagha eno akukhu kighini nguagha lepukutsu nani; ikehu panonguno khuu qhuqhi pithive keno tipau shou jupuku puzu anga lakhi likhi akeu thivekelo mloqa akeshi panonguno pa ghenguno mloqa nani. Anu anoghiu thivekelo mlo qakeshi panonguno amlo kughutashi qa nani.