SAMUEL AKINIU 18:9 - BAIBEL (BSI)

⁹ Paikhavi lono Absalom ye David wu timi khami sasu kusholuve. Absalom ye khurshi lakhi shouno poche, eno posusu aphisubo lakhi sukho suzai akeu qholo poilolu, tileno asuloka lono Absalom kutsu hepiyeluve. Khurshiye pove ipuzu Absalom ye kunguu thuthu iju fupesu ngove.

Sumi Naga CL (Re-edited) Bible (BSI)

⁹ Absalom no anguküsa shi Davidw timiqo sholu. Pa ye paw khurgha sache, khurgha no aphisübo kije mini akeu loka qholo ilolu kelono pa kütsü no tsatsai aphisübo lo hepiye luve, eno khurgha ye vejoi pove no pa ye kunguu thuthu iju ngove.

SAMUEL AKINIU 18:9 Mawu Ofanana

SAMUEL AKINIU 13:29

Aqemiqono Absalom no mije pua tsukeu kiqi lono Amnon heqhi pithive. Tileno David nuli kutamiqoye khurshi lo ikupuzu pokhave.

SAMUEL AKINIU 14:26

Pa saye ighono shishoi eno kughono asa kushuwo eno mishisheyiveni keno tipa ghuloki lono paye ampelo ghuthu lakhi akutsusa tsaveche. Akukakilo peitha chekeu ahhu lo suno mighi jukelo kilogram kini nguno alau mighilucheke.

SAMUEL AKINIU 17:23

Kughou Ahitofel ye pano pikeu tsa initsumovekeu ithivekeno, paye pawu gadaha lakhilo ikuno pano phughilo pa kilo idewove. Pa kilo thime kutokughoi kithikiyi shiveno pa likhi pa tshuqhi pithive. Pa kumoye pano bolomi qhocheke alo shiqhove.

SAMUEL AKINIU 18:10

Tishi akelono David wu timi lakhino pa ithuluno Joab vilo pithi, “Akijeu, Absalom ye aphisubolo pufuqhi pesu ngo akeu ino ithulue!”

SAMUEL AKINIU 18:14

Joab no pi, “Niye ado peve ghi hishi ogholo ngo amlae,” Tishi piveno pano angupa kuthu ikhiluno Absalom mlalo chhepukuvetsu, paye aphisubolo kunguu pufu pesu thiumlano xuaphi lono tishivetsu.

SAMUEL AKINIU 18:8

Aghakhuqha kumtsulo aghukishi qhawove eno aghushiqa lono thikeuye aghasu lono timi thivekeqo pachiuve.

JOB 31:3

Lhoksakughami kutsaveni keu ke kumo kesha? eno akipimi kumlami pukhupile sholu pemo nikesha?

AHOLE 20:20

Opu-aza ghusho aye okuxuye zumoikelo akulu lakhi inhe ilovekeu toi hauve nani.

AHOLE 30:17

Khunono papuh jununi keno momu pazano kitemi shivekeu jupichini keno paye aluqu pelo peuvepe eno agha pelo pa nhethi mighijo luve pekepue.

JEREMIYA 48:44

Khunono akuighupu lono povenike pukaputsani keno aqokuchhulo ilulove nani eno khunono aqokuchhu lono milisusu ipelu aye alichhe lono meluve nani, kughengu Muab kutsale venikeu shi AMPEU no ado kihithape puani.

MATTHEW 27:5

Judas no tsandiyi pisa hu achinekilo vesuveno ipeve eno paye wuve puzu pa likhi pa tshuqhi pithive.

Mark 7:10

Kughengu Muse no ishi ahza tsu puani, ‘Opu eno oza gihulo’ eno ‘Khuno apu aza lhoksa pinikeno pa pithivelo.’

Galatiami 3:13

Khristo no ningu zuqhushi angusuu shive puzu Ayezah lo musuini puakeu launo ningu xapheluve, kughengu kuchoyesulo ishi pipuani, “Timi khuuno asubolono tshuqhi thiveni keno paye musuiniva.”

ZAKINIU 21:23

tiye putho loghi tishi qhipuave kepu kumoke. Tipa tsalanino tipau qhove masake kughengu akithi kumo lakhi atsukucholo tshuqhi pe puave keu lono Alhou wu musuini kepu aghakhulo sughive chenike. Akithi kumo qhovelo tishianguno AMPEU nongu Lhou no ayeghi nongu tsuakeu shipixive monanike.”

ZAKINIU 27:16

‘Timi khuuno papu momu aza gihumoni keno Alhou no musuini keu pa shou ani.’ eno timi kumtsuno khochileni, ‘Amen!’

ZAKINIU 27:20

‘Timi khuuno papu nipu sasu ashiaji kuqha puzu papu shiputhani keno Alhou no musuini keu pa shou ani.’ Eno timi kumtsuno khochileni, ‘Amen!’