SAMUEL AKINIU 16:5 - BAIBEL (BSI)

⁵ Kughou Akukau David no Bahurim lo ighikeno Saul bolomi lakhi Gera nu Shimei no khalacheu ipeghino pa sasu kusholu, pa ghushoqhi ghi tile ighi.

Sumi Naga CL (Re-edited) Bible (BSI)

⁵ Kughou akükau no Bahurim lo ighi keno, tile Saul laghami dolo abolomi lakhi, pa je ye Gera nu Shimei, pa no tamono David ghushosü ighi.

SAMUEL AKINIU 16:5 Mawu Ofanana

SAMUEL AKINIU 16:14

Akukau ngo pawu timiqo ye Jordan tokelo ighono akulho shikhave ikehu panonguye tile akulho qhi ngolu.

SAMUEL AKINIU 16:4

Akukau no Ziba vilo pi, “Mefiboshet no kiu pighi anikeno ti kumtsu owue.” Ziba no khochile pi, “Niye oqeu ke Akukau akijeu, ipelo ogizulo achipiu shilupelo!”

SAMUEL AKINIU 16:6

Shimei no atu pesu David ngo pawu kijemi vehathuve, David ye pawu timiqo eno pa ghukhemino pa suhu pesu chemu tishie.

SAMUEL AKINIU 17:18

Ikemu ghulo lakhiye itimi lakhino pama ithuluve eno itimi huno pama ghili Absalom vilo pivetsu; tileno pamaye mighi susu Bahurim lo timi lakhi kilo poilo itshu wuve. Paye paki phivilo azukikhe lakhi ache, ikehu pama ye tipaulo poilove.

SAMUEL AKINIU 3:16

Ikehu Paltiel ye li papesu Bahurim taun kutolo qa ghi wue. Ikemu kughou Abner no pa vilo “akilo idewovelo” pikeno paye idewove.

ESTHER 2:5

Akukau kilo Judami lakhi paje Mordekai ipikeu Benjamin laghalo Kish nu Shimei eno Shimei nu Jair polono ighikemi ache.

JOB 30:11

Kughengu Alhou no ikughuchove eno isunheqhive kehu panonguye izulo suchilekeu kuhavae.

LESHELE 102:8

Atsala kupuju ighumino ipipusa ani; khunono ithaigha chenikeno ghushokelo ije peitha ani.

LESHELE 109:28

Panonguno ighusholuvi ikemu nono ikumghatsu nani. Ighimeqhi akeqo haleluvelo, eno ni, oqeu pelo alovilu pelo.

LESHELE 69:26

Kughengu nono ghimepua kemi shikighime cheni; nono khunoqo ghuza puani keno tipaqo ghime ghili kugha kuho cheni.

IPEKULU 22:27

kughengu pa ghenguno luvuyi nhapu nikeu tipau likhike. Paye kutau kiu pepuno zuluni kya? Kughono pano kuphulepi ivilo ighamuku aye niye pa tsa khochilevetsu nani kughengu niye kupukinike.

IPEKULU 22:28

“Alhou lhoksa pikevilo eno nowu timi sakipheu musuini kevilo.

AHOLE 26:2

Nono angsu ithulu kuzupu shiaghimo napiaye ghushokeuye oghuza mlae. Tiye tughashoqhi momu akhaluno khilemu ngomono yecheke toike.

YETSAPIU 10:20

Mukhano pimu akukau pipusa kevilo eno nolikhi nozuabolo pinamu kinimi pipusa kevilo. Aghauno asutsa pewuveno nono pivekeu panoqo tove nosake.

ISAIAH 8:21

Timiqoye amlo pitipuzaqhi eno akhuamzu launo ayeghilo iqhoiqi nani. Panoqo khuava launo eno pano mlo kighide launo panoqo kukau ngo panoqo Lhou ghusho nani. Panonguno kunguu jupuku nani,

SAMUEL ATUGHIU 17:43

Tileno pano David vilo pi, “Kiu shikeu kusu pe ighi ani kya?” Niye atsu kughashi noye kumsu anikesha? Pano pa lhou jeku ghi David ghushoqhi thu.