SAMUEL AKINIU 15:3 - BAIBEL (BSI)

³ Absalom no ishi piche, “Julo, nono pukha akeuye achipilo eno akivie, ikemu akukauno otsa kugha tsupenike timi khumu kishe puwu puamoe.”

Sumi Naga CL (Re-edited) Bible (BSI)

³ Absalom no pa vilo pi, “Julo, nono pükha akeu ye akivi eno achipi, ikemu akükau ye o tsa initsü peniye timi khumu süküsü shipüamoe.”

SAMUEL AKINIU 15:3 Mawu Ofanana

SAMUEL AKINIU 15:4

Absalom no highi pi, “Ino xakuthau lakhi shi aghike aye! Khuu khuumu kutsalakeu momu pukhanishi keuno ilau ighikelo ino achipiu xakutha shipesu pa tsuni cheke.”

SAMUEL AKINIU 8:15

David no Israil yeghiqha kumtsu shou ayehpeluve eno paw timiqo pelono achipiu eno amikucho lono aphiphishi ithulupeni keu mutsuqhei shitsu.

LESHELE 12:2

Panoqo kumtsu lakhino lakhi vilo akimki tsa pie; muqushe eno amlo kikinino lakhino lakhi pishiqhi cheni.

IPEKULU 20:12

“Opu ngo Oza gihulo, tishianguno ino otsu akeu yeghilo noye axushulu penike.

IPEKULU 21:17

“Timi khuuno papu momu paza musuinini keno pa pithive masa.

AHOLE 12:2

AMPEU ye timi kivimi lau amlo kiqishi cheni ikemu alhoksa kuchughukemi kileqhive cheni.

AHOLE 30:11

Timi khamiye pututa papuh ghusho cheni eno pututa paza akishe tsu chemoe.

AHOLE 30:17

Khunono papuh jununi keno momu pazano kitemi shivekeu jupichini keno paye aluqu pelo peuvepe eno agha pelo pa nhethi mighijo luve pekepue.

EZEKEL 22:7

Aphughilo timi lakhimu pa puaza gihu chemoke. Nonguno inaghami pishiqhike eno topu chimemi ngo mighimgha jumithi chenike.

DANIEL 11:21

Kungumino hitoi pie, “Pa shelo Siriya lo akukau shini keuye alhoksami lakhi ipeghi peno khuu akukau shikuzu kumo ke ikemu pulumono akeno akuka suxa luve nani.

AKIKIHI 16:3

Panonguno Muse ngo Aron zulo kumqoluve puzu panoqo vilo pi, “Nokujoye ihughalovae! Aqoahomi kumtsu AMPEU wu timiqo shiluvae eno AMPEU ye ningu kumtsu gholo anie. Tishi aye Muse noye kushiye AMPEU wu aqoahomi shou nouno akiqheu kepi pukha anikya?”

MATTHEW 15:4

Kughengu Alhou no ahza tsukeuno, ‘Opuh eno oza gihulo,’ eno ‘Timi khuno apu-aza kivikumo pinikeno pa pithivelo.’

Apostolmi 23:5

Tile Paul no pi, “Athikuzumiqo, paye Achinetou ke pikeu niye mthakehue, kughengu kuchoyesulo yepuakeuno, ‘Nowu timiqo shou ayehkipemi vilo noye alhoksa tsa pikepu kumoe.’ ”

1 Peter 2:17

Timi kumtsu gihulo, nokusami kupulumiqo kimiyelo. Alhou sumsalo eno Akukau gihulo.

2 Peter 2:10

eno tiye akhotoshi khunono pano shiajilo mithekumo ngosukumla lhoksapu shi cheni eno Alhou no ayehkipe tsukeu mithichekemi shou anani. Kichile kukutsumiqoye tsatsayi agho agho shi cheni eno akimthe jukuvu pepukemi pipusa nikeulo musaighu keu kuhae.