SAMUEL AKINIU 11:1 - BAIBEL (BSI)

¹ Tipau mpe ghixu ghulokilo, kukami kumtsu aghu lauvekelo David no Joab ngo pa qholo kijemi eno Israilmi ishi ashou ipepe; panonguno Amunmi theqhiluveno Rabba phughi leae. Ikemu David ye khilaumu wumono Jerusalem lo ngoae.

Sumi Naga CL (Re-edited) Bible (BSI)

¹ Tipa mpe tsülü tusho lo, kükamiqo no aghülawu cheke ghuloki lo David no Joab eno pa qemi pa gholo akemi ngo Israelmi kümtsü puwuve. Panongu no Ammonmi leluve no Rabbah khasü luve. Ikemu David ye Jerusalem lo ngoae.

SAMUEL AKINIU 11:1 Mawu Ofanana

SAMUEL AKINIU 10:14

Kughou Siriyamino povekeu Amunmino ti ithulukeno panongu ghi Abishai msano idechile susu aphughilo poilokhave. Tileno Joab no Amunmi sasu kumjo akeu lono xatsughu ighino Jerusalem lo idewove.

KUKAMI ATUGHIU 20:22

Tishive kethiu ti tungkupu ye akukau Ahab lau wuno pi, “Idewolo eno iwu ghushimi kutokithelo eno avehu tsaqutsalei shi kughulo, kughengu ighinikeu ghixu ghulokilo Siriya lo akukauye olenike ighi nani.”

KUKAMI ATUGHIU 20:26

Kuchono ghixu tusho ighikelo pano pawu timiqo hekutsuno Israilmi lenike ghenguno Aphek phughilo ighilu.

YEKIKITHI ATUGHIU 20:1

Tipashelo ghixu ghulokilo khipa mpelo kukamino aghulau chekeno Joab no ghushimi sasu wuno Amunmi yeghi hakholuve; ikemu Akukau David ye Jerusalem lo ngoa. Panonguno Rabba phughi khathaluve, tipau le eno aphughi kutsavetsu.

YEKIKITHI AKINIU 36:10

Ghixu tusho ighi kelo Akukau Nebukadnezar no Jehoiachin sasu akughumi shi Babilon lo sawuve eno tipa gholono Achinekilo kuakini xapuwuvetsu. Tithiu Nebukadnezar no Jehoiachin papu thikuzuu Zedekiya pesu Juda ngo Jerusalem lo akukau shivetsu.

LESHELE 60:9

Khuno putupe akeu phughilo sai loni kya? O Alhou, khuno isasu Edom kudau wuni kya?

YETSAPIU 3:8

Pano qhipe puatsuake, kimiyekilekepu do eno mithikile kepu do, aghushi kepu do eno alashikepu do.

JEREMIYA 49:2

Ikemu aphughi tou Raba lo akemiqo pelo aghukishi sutsa ino chilu penikeu ghuloki wocheni, ike tiye ixapinyi qhive nani eno tipaulo aphu akeqoye pitileqhive nani. Tipathiuno Israil no panoqo yeghi luvetsukemi launo pano yeghi luchileve nani.

JEREMIYA 49:3

Heshbon lo akemiqo, ighamukulo! Ai phughiye kutsalevae! Raba lo totimiqo, qanimulo wulo! Yeqhiye phi pepuno mloqalo. Avekughuzu shi poiqho iqilo. Nongu lhou Milkom ye pa chineki ngo pawu sakiphemi gholono hakughutsu sasu wuve nanike.

EZEKEL 21:20

Ala lakhino Amunmi phughi Raba lo wukepushi akukau piyepeni eno ala lakhiuno Juda kudau aliwo putukha puakeu phughi Jerusalem lo wukepu la.

AMUS 1:14

Tighenguno Rabba phughi kuptu shou ino ami suvetsu nani eno tipau liwo qogheqo pitilevetsu nani. Tile aghushi ake tsalalo yeyeshi igha nani eno aghukishiye pasapagha toi muqhumzayi nani.

ZEKHARIA 14:3

AMPEU no ipe puzu wovekeu tsala ghulokilo aghushikeu toi ashiayeh tipaqo sasu kumjo nani.

ZAKINIU 3:11

(Akukau Og ye Refaim gholo ashekhauke. Pa kumobo ye atuno shike, tiye aqhalo akimighi peitha chekeu kiqiloye akushulau miter bidi eno akijelau miter kini pahi shike. Tiye itehi ghi Amunmi phughi Raba lo ithulu chephi ke.)

SAMUEL ATUGHIU 18:30

Filistiyami ghushimi no ighono aghushi, ikemu aghukishi kumtsulo David no Saul wu kijemi kutami nguno alaushi tokulu shiluve. Tishi kehuno David ye ighono ajekipi shiluve.