Rommi 5:10 - BAIBEL (BSI)

¹⁰ Kughengu ninguno Alhou ghumi shiaphilo thotsu panu kithi vechewo Alhou sasu kulashilupe aye, itehiye Alhou sasu kulashiluve akeke, Khristo kuxuno shisheno ningu xalu anani.

Sümi Tiqhelimi Bible

¹⁰ Kughengu tsalá ningu no Alhou ghümi shi aphi lo thotsü pa Nu kithí vechewo pa sasü külashilu aye, ningu ye külashiluva ake tinguno alau pa küxü vechewo ningu süsholu nani.

Sumi Naga CL (Re-edited) Bible (BSI)

¹⁰ Kughengu nino Alhou ghümi shi ache kelo thotsü Pa Nu kithi vecheo ni pelo Alhou lau külashilu püaghipe aye, itehi ye nino külashi luve akeke itaghi alaushi Pa küxü vecheo ni xalu nani.

Rommi 5:10 Mawu Ofanana

YEKIKITHI AKINIU 29:24

Tithiu achinemi no aneqo heqhi eno tipaqo ji pesu akiptia shou lepuku tiye timi kumtsu xine ikhisuwuve tsuniyeke, kughengu akukauno ahza tsukeuno Israilmi kumtsu ghenguno akipti kumllagho ngo axine kumllagho shilo pike.

EZEKEL 45:20

Aqhi tipau atsala akutsuniulo nonguye timi khuno muthave no momu kughuchove no axine shiveni keno tipau ghenguno puzuu tho thwokha shilo. Hitoi shikeu lono nonguno Achineki mithelu anani.

DANIEL 9:24

“Ampe tsunino ghuthu lhotsuniye Alhou no timiqo eno owu akimthe phughi axine lono khaqhiphe nikeu kihitha tsukeudo ke. Axine qhivetsu nani eno lhokta mikucho khaqhive tsu nani, tipau lono kungunhetsu ithulu keu eno tungkuptsa kuchou shikupu nani eno akimthe chineki shikimthe kithe tsu nani.”

ACHINE 6:30

Ikemu ahji kitilamu Aphikilo suloghi aye eno axine ikhisuwu veni ke chinikeulo peitha aye lhoxu tipau shi chukepu kumoe; tiye pitive masake.

John 14:19

Ado kitila apuzu ayeghilomino ijuthumlave nani ikemu nonguno ijuthulu nani; ino xu anike ghenguno nongu ghi xu nani.

John 5:26

Apuh ampino akuxupu laghike, ike titoi pano pa Nu pesu akuxupu laghi shilupeke.

John 6:40

Kughengu iPuh ghopulouye hike: khunono Anu ithulu puzu pa pulubelu nikeno lhokta kuxupu apeniyeke; eno ashekha tsalalo akuxupushi ino pa xuputhu nani.”

John 6:57

Apuh xuakeu huno ipuwuke eno Apu ghenguno nighi xulu ani. Tihutoi khunono ishi iji chu-shoni keno ighenguno paye xulu nani.

Rommi 11:28

Judamiqoye nongu Judakumomi ghenguno Alhou ghumi, tiye panonguno Atsakiviu peveke. Ikemu panongu puasu ghenguno panonguye Alhou no qhuivulayi keqoe, tiye Alhou no kishepheluve keu.

Rommi 5:11

Tishike likhi kumono, Ampeu Jisu Khristo vechewo Alhou sasu kulashiluve akehu pa vechewo Alhou gholo alokivishi acheni.

Rommi 5:6

Ninguno akukuphu kuhano ake lono, Alhou no ado kihitha puakeu dolono Khristo no lhoksakughami ghenguno thive.

Rommi 8:32

Pano paNu ghi suchilevemono ningu kumtsu ghenguno pephetsuveke! PaNu tsukeu gholono thwokha kumsa ningu tsumoni kesha?

Rommi 8:34

Khualano panoqo ghushokulupu kesha? Jisu Khristo thivekeu huno keo? Tikekumono, paye akithi lono xaputhuve puzu Alhou u-ajeu ngono ningu ghenguno qhuinijutsu ani.

Rommi 8:7

Kughengu timi lhoaye puloulo kumsupukukemi mlo huye Alhou ghumi, eno tiye Alhou yezah gholumovae, eno kuchouno tiye Alhou yezah gholumlae.

2 Kor. 5:20

Ikehu ninguye Khristo ghenguno lashikami ke, Alhou no ningu vechewo pa ampino nongu piputo akeu kumlhoke. Khristo she amuzu shighi ninguno nongu qhuiniju anike, Alhou lau alashiluvelo!

2 Kor. 5:21

Khristo ye axine kuhae, ikemu Alhou no pa pesu axine kughulhovetsu, tishianguno pa gholo kuqhape akeu lono ninguye Alhou mikucho kusajelupeniye ke.

Ephesiami 2:16

Pano Kros lo thikeu vechewo kimthikile chekeu shipuhavetsu niye eno ningu timi aqo kini pesu timi muqo lakhi shikuqhaveno Alhou lau saghiniyeke.

Ephesiami 2:3

Ghuthu lakhiye ningu kumtsu timi tipaqo toi ningu shi-aji pulouno minheqhikeu xapusu xucheke eno ningu phimpi akukumsuno minechekeu papecheke, ikehu timi kutamiqo toi ninguye alhoaye lono Alhou loghu sholukemi shicheke.

IBRIMI 2:17

Tighenguno paye thwokha jeli lono pa thikuzumiqo kimihi shimasaveke, tishianguno panoqo wu pukhubekulupu eno amlo ighiqhiyi keu achinetou lakhi shipuzu Alhou huthupeniyeke, tishilukeuno timiqo xine pevetsukulupu shiniyeke.

IBRIMI 7:25

Ikehu, khunono pa vechesu Alhou lau ighini keno, paye tipaqo itehi ghi eno pulhapujulo xakulupu shilu anie, kughengu panoqo ghenguno Alhou vilo qhuiniju tsunike paye alhokupuju xu acheni.

1 John 2:1

Itianuliqo,ino hipau nongu lau yepuwu ani, tishianguno nongu pelo axine shipemo niyeke, ikemu nongu gholo khualano axine shiaye, Apu vilo nizuqhushi qhuinijutsu nikemi milakhi ani, pa ye amikuchou Jisu Khristo ke.

1 John 4:10

Kikimiye ye hipauke: ninguno Alhou kimiyeke kumoe ikemu pa no ningu kimiyeke eno pa Nu puwu puzu ningu xine pevetsu nike ghenguno aghakishiu shivepeke.

Piyeküsü 1:18

eno niye xu achekeuke; niye thive ikemu itehiye alhokupujulo xu acheni. Ino Akithi ngo Kithimi-yeghi khadu peani.