Rommi 4:25 - BAIBEL (BSI)

²⁵ Ningu xineqo ghenguno pa pithivepe eno Alhou lau ningu achipikaluve keulo qhiniaye pa xuputhuveke.

Sümi Tiqhelimi Bible

²⁵ Pa ye ningu xinéqo ghenguno akithí lau ikhiphe pe tsüve ke eno ningu pelo achipikalu pe nikeu ghenguno xüputhuveke.

Sumi Naga CL (Re-edited) Bible (BSI)

²⁵ Alhou no ni xine ghenguno Jisü pesü akithipu lo ikhiphetsü püzü ningu pelo achipikalu penike xüputhuve ke.

Rommi 4:25 Mawu Ofanana

ISAIAH 53:4

“Ikemu nino aghichhe ghime shia kepu pano puqheluvetsuke, akusupu nino xapu akepushi akeu hu pano puqheluve tsuke. Tishiake kutolo pano ghichhe ghime shiakeuye Alhou no pa ghimeqhi anikepi nino kumsuveke.

DANIEL 9:24

“Ampe tsunino ghuthu lhotsuniye Alhou no timiqo eno owu akimthe phughi axine lono khaqhiphe nikeu kihitha tsukeudo ke. Axine qhivetsu nani eno lhokta mikucho khaqhive tsu nani, tipau lono kungunhetsu ithulu keu eno tungkuptsa kuchou shikupu nani eno akimthe chineki shikimthe kithe tsu nani.”

DANIEL 9:26

Ado tipau ashekhalo Alhou no kishephe keu sakipheu akipimi kuhamu heqhive nani. Ighono akuka kua kukami wu ghushimino leighi kelono aphughi eno achineki kutsave tsu nani. Amghazu qole ighi keshi puhave tsunikeu ighi nani, Alhou no kuto pua keu lono aghu eno shikupsa sughi tsu nani.

ZEKHARIA 13:7

Aqokitikhi MPEU no pi, “Idathughilo, azutakihi ipunukhoi mlachekeu bherikheu ghiqhilo! Pa ghiqhilo eno bheriqoye hapiye pighive nani. Ino iwu timiqo leni cheni,

MATTHEW 20:28

Timi Nu thotsu kutami pelono pa qepeniye ighike kumoe, ikemu kutami qeniye ighike eno timi kutomo xaphelu nike pa kuxu tsuniye ighie.”

Rommi 3:25

Alhou no Jisu Khristo ikhiphepe tsukeuno pa kithino axine pevekulupu shipeniyeke, tiye timino pa lau akupulu bekeu vechewono hitoi shikeuye pano kishi timi pelo pa lau achipikalu kepu keno piyekeu ke. Kughengu wovekeu loye Alhou no kheakulushi timi xine juzuve tsucheke,

Rommi 5:18

Ikehu, hebidekeu xine lakhino timi kumtsu kileqhive ketoi timi lakhino achipikalukeu ghushoghili no timi kumtsu akipimi tsumokeu eno akuxupi ani.

Rommi 8:3

Timi lhoaye no tomo chhimo keghenguno Ayezah no shimlano achekeu hu, Alhou no shivetsuae. Axine shipuhavenike ghenguno Alhou no paNu kuchou, timi xine lhoaye kimihi lono pa puwu puzu timi lhoaye gholono axine kilevetsu.

1 Kor. 15:17

Khristo xuputhumonapi aye nonguno puluche keu adouke eno nonguye no xinelo achephike.

2 Kor. 5:15

Pano timi kumtsu ghenguno thive kehu khunoqomi xulu keno tipaqoye pututa kuxu xupemoniyeke, ikemu panongu ghenguno thiveno xuputhuvekeu timi lakhi ghenguno xupeniyeke.

2 Kor. 5:21

Khristo ye axine kuhae, ikemu Alhou no pa pesu axine kughulhovetsu, tishianguno pa gholo kuqhape akeu lono ninguye Alhou mikucho kusajelupeniye ke.

Galatiami 1:4

Khristo no kixikila tiqheli xine lono ningu xapheluniaye pa mpi pesu tsuve, tiye ningu Lhou eno Apu pulou lonoke.

Galatiami 2:20

ikehu niye ighoshi xu movae ikemu Khristo no ilolo ani. Eno aphi ashilo itehi ino xuakeu kuxuye Alhou Nuno ikimiye puzu ighenguno pa kuxu tsuvekehu tipau shou puluvekeu lono ino xuani.

Galatiami 3:13

Khristo no ningu zuqhushi angusuu shive puzu Ayezah lo musuini puakeu launo ningu xapheluve, kughengu kuchoyesulo ishi pipuani, “Timi khuuno asubolono tshuqhi thiveni keno paye musuiniva.”

Ephesiami 5:2

Khristo no ningu kimiyeno axokutsungu kumllagho eno Alhou lopushi tsungquyikeu kumllagho eno lhoxu pesu akumllagho lakhi ningu ghenguno pa kuxu pephetsuveke toi nonguye kimiyekeu lono xulo.

Titus 2:14

Pano ni ghenguno pa mpi pesu tsuveke, tiye alhoksapu jeli kumtsu launo ningu xapheluniyeke eno pa laumi mithemitheikemi shitsuniyeke eno akivipu shinikeulo azukini shipeniyeke.

IBRIMI 8:3

Achinetomi lakhi khino akumllagho ngo lhoxu heqhi pesu Alhou mlla penike susupe puani; tighenguno nichinetou ghi kiwala pesu mlla masakepu shiani.

IBRIMI 9:28

Tihutoi Khristo ghi timi kutomo xine puluvetsu nike ghuthu khavino pa likhi pa ikhiphetsuve. Paye ghuthu akiniu ipeghi nani, tiye axine ikhive tsunike ghenguno kumoe ikemu pa huqhekhe aghikemiqo xaluniyeke.

1 Peter 1:21

Pa vechewo nonguno Alhou shou pulubekeu ani, pano akithi lono Khristo xuputhuve eno akimthe jekipi pa tsue, tishianguno nongu kupulu eno lajupuye Alhou shou apeniyeke.

1 Peter 2:24

Khristo ampino kros lo pa phimpi lono ningu xine xapuluveke, tishianguno ninguye axine launo thive puzu Alhou lau amikucho kuxu xupeniyeke. Pa zakuqo pesu nongu shipiviluvae.

1 Peter 3:18

Kughengu Khristo ghi axine ghenguno ghuthu khavilo kumtsu ghenguno thiveke, amikuchouno amikuchokumomi ghenguno thive, tishianguno Alhou lau ningu saghiniyeke, eno aphimpi lono pa pithive ikemu angu-aghapu kuxulo pa xuputhuve;

1 John 2:2

Khristo ye nixineqo pevetsu nikeu ghenguno aghakishiuke, eno nixineqo ghengu likhi kumoe ikemu ayeghilomi kumtsu xineqo ghenguno ghike.

Piyeküsü 1:5

eno Jisu Khristo no amikuchoshi ashepe shichekeu, kithimi gholono xuputhu tughiu, ayeghilo kukami shou ayehkipeu launo kupukini eno aloinokeu nongu wu shilupeniu. Khuno ningu kimiye eno pa jih vechewo axine lono ningu xaphelu,

Piyeküsü 5:9

Panonguno alekithe lakhi ishi phea, “Nono likuzu kaku ikhilu puzu mekhakeu xukhonikeu akuzupuke; Kughengu oghiqhiveke eno okithi vechewo ashiayeh, atsajeli, timi kututa muqo gholono Alhou timi shi lupenikeu qhuluke.

Piyeküsü 7:14

“Akijeu, nono ithiani thono niye mthae,” ipi ino khochileve. Tileno pano ivilo ishi pitsu, “Hipaqoye shikighimekeu kitikhi hechesu ighilukemiqoke. Panonguye Bheriti jih pesu chijebobokeu phi qhukimthe luvekeqoke.