Rommi 3:23 - BAIBEL (BSI)

²³ Timi kumtsu axine shive eno Alhou no xalunikua lono putosuve.

Sümi Tiqhelimi Bible

²³ kughengu timi kümtsü axiné shivae eno Alhou juküvü lau no putosüvae,

Sumi Naga CL (Re-edited) Bible (BSI)

²³ kughengu kümtsü no axine shive no Alhou juküvü lono ikiqive,

Rommi 3:23 Mawu Ofanana

BOTHUBO 8:21

Kughou AMPEU no tsungqu keu xo tsungulu keno, pa likhi pa putsaghi ishi pi, “Timi ghenguno niye khilemu ayeghi ghusho kithe mae; kughengu timiye alhothe aphi lono pa kukumsu alhoksa kepi ithi anie. Niye lhoxu kumtsu hipaphi shighi khilemu pughavekeu shikithe mae.

KUKAMI ATUGHIU 8:46

“Kughou owu timiqono okimithi xine shivenikeno kughengu khuunomu axine shimomithe keu kuhae tileno nono panongu shou amlo ideveno aghumi pelo toluvepeno panongu kughasusu inagha kutau ala sheshulo momu akupunulo shi aghinamu sawuve pekeulo,

YETSAPIU 7:20

Ayeghilo timi khuumu ado kumtsulo achipiu shilu eno shipimi mokemi lakhimu kuhae.

Rommi 1:28

Timiqono Alhou kuchou ghili amlolo supunikeu miliveke ghenguno, pa ghi panongu pesu kusakugha kukumsulo suvetsu, panonguye shimo kepuqo shive cheni.

Rommi 11:32

Kughengu Alhou no timi kumtsu pesu aghokulukumolo akughumi shivepe, tishianguno kumtsu shou qhuivulayi keu piyeniyeke.

Rommi 3:19

Ninguno ithi anike, Ayezahlo pi puakeu kumtsu Ayezah qholo akemiqo vilo pi anike, tishianguno timino jekukivi shichekeu kumtsu hakhave no ayeghiqha kumtsu Alhou kughakutha qholo saghiniye ke.

Rommi 3:9

Tishi aye ningu Judamiye Judakumomi nguno akiviu kesha? Moe, khilemu kumoe! Ino piveano Judami na Judakumomi namu, kumtsu axine qholo ani.

Rommi 5:2

Hi kupukini khile ninguno puthugholu ani keno pa vechewo ilolukepu shiveke. Ikehu ninguye Alhou jukuvu kusajenikeu lakuju akeulo ninguye alokivishini nolo.

Galatiami 3:22

Ikemu kuchoyesulo pikeuno ayeghiqha kumtsu kuka axine no qhasupe ani, ikehu khunoqono pulu nikeno, Jisu Khristo pulubekeu lono tsunikeu shi piqhipuakeu gho hu ithulupe niyeke.

1 Thes. 2:12

Ninguno nongu mlo shikumtotsu, ninguno nongu lokughunotsu eno Alhou no pa yehkipe eno pawu akimthe jekipilo nongu kulukehu pa pulou lono xupenike ninguno nongu hakitecheke.

2 Thes. 2:14

Ninguno atsakiviu pesu nongu vilo asheshukeu vechewo Alhou no hipaulo nongu kuluvae, tishianguno nonguye ningu Mpeu Jisu Khristo kimthe jukuvu alupeniyeke.

IBRIMI 4:1

Tighenguno Alhou lokughunolo ilokulupu shi aphi kepi piqhi puani. Ike alokughuno alo iloni keulo milakhinomu ikiqive nosake ninguye musa ani nolo.

1 Peter 4:13

Ikemu Khristo ghime sasu kusaje anikepi alovilo, tishianguno pa kimthe jukuvu pephepiye kelo nongu ghi alokivino chhitoi peniyeke.

1 Peter 5:1

Ni, nongu gholo kichimi lakhi shino nongu akukuhou gholo kichimiqo shikumto ani, niye Khristo no aghime sholukeu thopimi lakhike eno akimthe jukuvu pephepiyeni akeulo kusaje nikemike. Ino nongu qhuiniju ani,

1 Peter 5:10

Ado ikhonhei nonguno aghime shive kethiu, Khristo gholo nonguno xukimepe akeu lono lhokta kimthe jukuvulo nongu kuluvekeu Lhou, kukumgha kumtsu akeu Lhou huno pa ampino nongu shikumto, shiqhetsu eno nongu boqha shitsu nani.