Rommi 3:22 - BAIBEL (BSI)

²² pulukemi kumtsu ghenguno Jisu Khristo lau akupulu akeu vechewo Alhou no timi pelo pa lau achipikalupe keuke. Kughengu kiumu kutuqukeu kuhae:

Sümi Tiqhelimi Bible

²² Alhou chipiumikucho hipau ye Jisü Khristo pülü kemi kümtsü lau aküpülü akeu vechewo tsüpüani ke. Tighenguno Jewmi ngò Jewkumomi dolo kiumu kütüqü keu küha,

Sumi Naga CL (Re-edited) Bible (BSI)

²² Jisü Khristo lau aküpülü akeu vecheo pülülu kemi kümtsü Alhou lau achipikalu peniye ke. Ikehu tile kiyeqü keu kühae:

Rommi 3:22 Mawu Ofanana

ISAIAH 61:10

Jerusalem ye AMPEU no kiu mlatsu keno tipaulo alovi akhani. Liye kulaliu lakhino kulakupu ghenguno aphimini pepu pesu aketoike. Alhou no xakulu ngo tokulu pesu li puuke.

JEREMIYA 23:6

Kughou pano akukau shini keno Juda lo akemiqoye sushokulushi anani eno Israil lo akemiqoye iqughai xulu nani. Pa pesu ‘AMPEU ye Ni Xakuluu ke’ ipi ku nani.”

DANIEL 9:24

“Ampe tsunino ghuthu lhotsuniye Alhou no timiqo eno owu akimthe phughi axine lono khaqhiphe nikeu kihitha tsukeudo ke. Axine qhivetsu nani eno lhokta mikucho khaqhive tsu nani, tipau lono kungunhetsu ithulu keu eno tungkuptsa kuchou shikupu nani eno akimthe chineki shikimthe kithe tsu nani.”

Luke 15:22

Ikemu apuhno pa qemiqo kuno pi: ‘Papashilo, akuuphi akiviu sughino pa pu-ulo. Anguthi pe pa-u lotilo sutsulo eno apukhu kuqho pe pa pukhu qhotsulo.

Apostolmi 11:12

Ike kiumu kunacho kevino panoqo gholo wulo pi Aghungu no ivilo pie. Jopa lono athikuzumi hipano tsugho ghi igholo Kaisaria lo wu, eno ningu kumtsu Kornelia kilo wuke.

Apostolmi 15:9

Ningu ngo panoqo dolo Alhou no kumu kothakilekeu shitsumo; eno panoqono pulukeu vechewo pano panongu xine pevetsuae.

Apostolmi 3:16

Pa je kuka huno apukhukinitavekemi hipau akumto tsue. Nonguno ithulu eno ithiveake hi shiluakeu huye pa jelo pulubekeu lonoke, eno Jisu vechewo akupulu akeuno nongu kumtsu zulo timi hipau thai shipivivae.”

Rommi 1:17

Kughengu Alhou no kishi timi pesu pa lau achipiulo qhicheni keno tiye atsakiviu vechewo pephepiye puani: hiye abothu lono ashekha kutolo akupulu likhi vechewonoke. Kuchoyesulo ishi yepuani, “Amikuchomiye akupulu lono xulu nani.”

Rommi 10:12

Hiye kumtsu kihi ani, kughengu Judami ngo Judakumomi dolo kutuqukeu kumu kuhae, Ampeu hipauye kumtsu Mpeu ke eno pa phu ighi kemi kumtsu shou kupukunoshi kumghatsu cheni.

Rommi 10:4

Kughengu Khristo no Ayezah kishekhavetsuae, tishianguno akupulu aghikemi pelo Alhou lau achipikalu apeni kehue.

Rommi 2:1

Tighenguno o timi, no-khuu keno kutami shou kughatha be kulupu kya? noye jekujeli kiumu pikulupu kuhae. Kughengu nono kutami shou kughakutha be aye olikhi okileqhive ani.

Rommi 3:30

Alhou ye lakhi kehu pano aphighu yiko ghave kemi pelo panongu kupulu qhemi lono pa lau achipikalupe nani, eno Judakumomi pelo ghi panongu kupulu vechewo shilupe nani.

Rommi 4:16

Highenguno Alhou no piqhipuakeu huye akupulu shou bepe anie, hipa ghola lono piqhipuakeu huye Alhou wu kupukini shikeu shou bepeniyeke eno pa laghami kumtsu lau mutsuqhei tishini putsa ipi niyeke. Tiye Ayezah papelukemiqo likhi kumono Abraham toi pulukemiqo lau ghike. Kughengu Abraham ye akupulu lalo ningu kumtsu papuhke.

Rommi 8:1

Tighenguno khunoqono Jisu Khristo gholo xuani keno itehi panonguye Alhou no levemoe.

Rommi 9:30

Tishiaye ninguye kiu pilu nani kya? Judakumomino Alhou lau achipikaluni keu phulumono achekemu phuluvae; akupulu vechewo pa lau achipikalu keu shi qhiluvae.

1 Kor. 12:13

Tikithipu lono ningu Judami na, Judakumomi na, aquaxemi na, kutami qholo ngomokemi pimu kumtsu Aghungu lakhino aphimpi lakhilo baptiz shike eno ningu kumtsu pelo tipau Ghungu yelu peke.

1 Kor. 4:7

Khuno nongu pelo kutami nguno nonguye pakutakeu shipe kya? Nonguno akeu thwokha kumtsu Alhou launo ithuluke kumokesha? Tishemaye, nonguno ti ithulukeu shiaghi aye, tiye kumsagho lakhi kumo kehutoi nonguye kushiye qheza cheni kya?

Galatiami 2:16

Tishimu ninguno ithi akeuno timi lakhiye Jisu Khristo shou akupulu bekeu vechewo likhino Alhou lau achipikalu cheni kethono Ayezahlo kiu shilopi puanikeno tipau shilukeu vechewono kumoe.

Galatiami 2:20

ikehu niye ighoshi xu movae ikemu Khristo no ilolo ani. Eno aphi ashilo itehi ino xuakeu kuxuye Alhou Nuno ikimiye puzu ighenguno pa kuxu tsuvekehu tipau shou puluvekeu lono ino xuani.

Galatiami 3:22

Ikemu kuchoyesulo pikeuno ayeghiqha kumtsu kuka axine no qhasupe ani, ikehu khunoqono pulu nikeno, Jisu Khristo pulubekeu lono tsunikeu shi piqhipuakeu gho hu ithulupe niyeke.

Galatiami 3:28

Ikehu Judami ngo Judakumomi dolo mu aquaxemi ngo kuqhopheve kemi dolo kiptimi ngo totimi dolo pinamu kutuqukeu kuhae, Khristo gholo kimepe akeu lono nongu kumtsu lakhie.

Ephesiami 3:12

Pa gholo kimepe akeu lono eno pa lau ningu kupulu akeu lono ninguno amlo kuloghi xapusu Alhou zulo vejoi ilolukepushi anie.

FILIPIAMI 3:9

eno pa gholo kuqhaluve niyeke. Ayezah papelukeu lono ilikhi iwu shilukeu mikucho pumono Khristo shou akupulu bekeu vechewo amikucho shilukeu anike, tiye Alhou launo ighikeu mikucho akupulu shou bepe akeuke.

Kolosiami 3:11

Hipau kuxuloye Grikmi, Judami, aphighu yiko ghakeu, ghamokeu, ayekumthami, akupusho akuxulo achekemi, aquaxemi momu timi qechemokemi ipi kututa shiakepu kuhae, ikemu Khristo ye thwokhalo ke eno kumtsu gholo anie.

James 2:23

Kuchoyesulo ishi pipuakeu shikupuluveke: “Abraham no Alhou shou pulubeke eno pa kupulu ghenguno paye amikucho kepi kihiluveke.” Alhou no pa vilo “Abraham ye ishouke” ipi pa kue.