Rommi 3:11 - BAIBEL (BSI)

¹¹ Milakhimu ithikeu kuhae, milakhimu Alhou phukemi kuhae.

Sümi Tiqhelimi Bible

¹¹ vethakulumi lakhimu kühae; Alhou phu chekemi lakhimu kühae.

Sumi Naga CL (Re-edited) Bible (BSI)

¹¹ khunomu vethalu chemoe; milakhimu Alhou phu chemoe.

Rommi 3:11 Mawu Ofanana

LESHELE 53:2

Alhou no kungugha lono timi nuli shou jupiqia, eno panongu gholo alokutsumi anikeo mokela eno Alhou mlla chenikeo mokela ju ani.

LESHELE 53:4

Alhou no pi, “Panonguye mtha kesha? Alhoksa kumlami hipaqoye vethakulu kuha kesha? Panonguno asho chukeshi iwu timiqo tsakhave eno panonguye khilemu ivilo inikhu moke.”

LESHELE 94:8

Iwu timiqo nonguye kishi puzu hikithipushi aghuzu anikha shini kya? Nonguye kughono shikalu nani kya?

AHOLE 1:22

“Mbomzumiqo! nonguye ado khitotohi anikha shi anishi cheni kya? Nonguye ado khitotohi akighithi shou kuthakugha tsa pipuku ani shi anikya? Nonguye khilemu shikalumo-a kesha?

AHOLE 1:7

AMPEU sukumsano akighithi hukuthuke. Mbomzumino alokutsu ngo akukutsu phimo gihumo cheni.

ISAIAH 27:11

Asubo lokaqoye thizumuivae eno icheuvae eno totimino sukughupusu shiniye tipaqo ghelu anike. Timiqono kiumu vethamlake ghenguno Alhou panoqo lhoqhikeuye panoqo jupe amlosani chemo momu amlo ighiqhiyini chemoe.

ISAIAH 31:1

Khunoqono Ijip kukuphu luniye wunikeno tipano haksapuke! Panonguye Ijipmino akumtoshi aghushikepu khurshi, khurkulu ghushimi kumzapu akeu pukhu anike. Panonguye AMPEU, Israil Lhou akimtheu pukhumoke momu kuphupenike pa vilo inijumoke.

ISAIAH 55:6

AMPEU phuighilo, pa phulukepushi ake lono pano kupunu aphilono pa kuluvelo.

ISAIAH 65:1

AMPEU no pi, “Niye iwu timiqo kighini khochile tsuniye kutope ake ikemu panonguno inikhumoke. Niye panoqo pelo iphulu peniye kutope ake ikemu panonguye pukaputsaju keughi kuhake. Aghakhumino ivilo inikhu moke niye panongu khochile nike ishi kutope anamu, ‘Niye hila ani, ino nongu kuphunike.’

ISAIAH 9:13

Israil lo akemiye, AMPEU no panoqo ghimeqhive kethiu pinamu xaideghimoke, panonguye pa lau ideighimoke.

JEREMIYA 4:22

AMPEU no pike, “Iwu timiqoye mbomzuke; panonguye imthake. Panonguye itimi kughuzumi toike; panonguye ithikututa shikeu kuhae. Panonguye alhoksa shinikeulo shitsake, ikemu akivi shinikeu loye tomove cheni.”

HOSIYA 4:6

Iwu timiqo puhave nikeu shivae kughengu panonguno ni ikhilumoke. Nongu achinemiqono ni ikhilumoe eno ino kutsupiyekeu milive, ikehu ino nongu milive eno nongu nuliye ichinemi shi nikeu ino panoqo ikhilu move nani.

HOSIYA 7:10

Israil lo akemiqo qhekuzano panoqo shou ighamuku auvae. Panoqo shou thwokha jeli shive kethiu ghi panonguye ni, panoqo Lhou AMPEU lau xa ideghimoke.

MATTHEW 13:19

Khunoqono Ayehkipe sutsa chilu puzu ti ithikuthumo nikeno tipanoqoye alalo apiti vesulu kemiqoe. Alhoksau huno ighi puzu tipanoqo mlolo apiti vesupuakeu muxa suwuve cheni.

Rommi 1:22

Panonguye alokutsumi kepi pukha pulaghi mbomzumi shive cheni.

Rommi 1:28

Timiqono Alhou kuchou ghili amlolo supunikeu miliveke ghenguno, pa ghi panongu pesu kusakugha kukumsulo suvetsu, panonguye shimo kepuqo shive cheni.

Rommi 3:10

Kuchoyesu lo ishi pipuakeu toi: Timi lakhimu amikucho shikemi kuhae,

Rommi 3:12

Timi kumtsuno Alhou launo ighosusu wukhave, panongu kumtsuno vimove. Milakhimu akivi shikemi kuhae, kuchouno lakhimu kuhae.

Rommi 8:7

Kughengu timi lhoaye puloulo kumsupukukemi mlo huye Alhou ghumi, eno tiye Alhou yezah gholumovae, eno kuchouno tiye Alhou yezah gholumlae.

Titus 3:3

Kughengu ghuthu lakhiloye ningu ampi ghi mbomzumi, aghelumokemi eno achipikumomi shi acheke. Eno ashiaji ghakiqipu ngo aghoapulou qemi shi acheke, phimokilekeu eno anhekushulo xuacheke, kutamino ni mithi eno nino kutami mithi cheke.

1 John 5:20

Nino ithi akeuno Alhou Nuno ighi puzu ithikututa shilukeu ningu tsupe puani, tishikeuno ninguye pa Nu Jisu Khristo gholo xukimepe akeu lono kuchou Lhou gholo ghi xukimepe ani. Hiye kuchou Lhou eno lhokta kuxuke.