Rommi 2:13 - BAIBEL (BSI)

¹³ Kughengu Alhou zuloye Ayezah inikemino achipiu shilu chenike kumoe, ikemu ayezah papelukemino Alhou lau achipiu shilu cheni.

Sümi Tiqhelimi Bible

¹³ Kughengu Alhou nhekithe lo ye ayeza ini kemiqo no achipiu shilu cheni ke kumoe, ikemu ayeza gholu kemiqo no achipiu mikuchomi kepi shukiphe shitsü cheni.

Sumi Naga CL (Re-edited) Bible (BSI)

¹³ Kughengu Alhou zülo ye Ayezah chikulumi no kumono pekupulu kemiu no achipikalu nani.

Rommi 2:13 Mawu Ofanana

LESHELE 143:2

Ni oqeu pelo thaiqho thaiqi keu zulo ilopekevilo; kughengu timi lakhimu ozulo pimimokeu kuhae.

JEREMIYA 11:6

Tileno AMPEU no ivilo pi, “Juda lo aphughiqolo eno Jerusalem laghilalo wulo. Itsape pesu tilau asheshulo eno timiqo vilo puloshoqhilo akeu tsa inilo pilo eno tipaqo papelo pilo.

EZEKEL 20:11

Ino ahza pesu panoqo tsuke eno iyezahqo panongu shikake, khunono tipau papelu cheni keno akuxupu sughitsu cheni.

Luke 18:14

Jisu no pi, “Ino nongu vilo pini, timi hi ashekhauno Alhou lau amikucho shilu puzu pa kilo wovae, eno Farisimi huno kumoe. Kughengu khuno alikhi akughape qhemghai nikeno pa kughape kuchunive nani ikemu khuno alikhi akughape kuchuni nikeno pa kughape qhemghai tsu nani.”

Luke 8:21

Ikemu pano panongu khochile pi, “Iza eno ithikuzumiye khunono Alhou tsa chilukemi eno ti shichekeqono ke.”

John 13:17

Nonguno hi ithi aye eno nonguno hipaqo pepimhelu aye, nongu lokivipuke.

Apostolmi 13:39

Muse yezah qholo khikhi nongu phepuwuve mlakeu thime kumtsu ani keno, pululukemiye kumtsu pa launo phepuwuve kulupu shilue.

Rommi 10:5

Muse no yekeuno timi khuno Ayezah pelu puzu Alhou lau achipikalu nikeno paye tipau pesu xulu nani.

Rommi 2:25

Nonguno Ayezah papelu aye aphighu yiko ghave chekeu avehupu, ikemu nonguno Ayezah gholumo aye, khilemu aphighu yiko ghamo kepushi ake.

Rommi 3:20

Kughengu Ayezah vechewo timi pelo paye axine shivaepi ithipe cheni kethono, Ayezahlo shilo pi puakeu shilukeu lono timi khumu Alhou zulo achipi kalukeu shimlae.

Rommi 3:23

Timi kumtsu axine shive eno Alhou no xalunikua lono putosuve.

Rommi 3:30

Alhou ye lakhi kehu pano aphighu yiko ghave kemi pelo panongu kupulu qhemi lono pa lau achipikalupe nani, eno Judakumomi pelo ghi panongu kupulu vechewo shilupe nani.

1 Kor. 4:4

Niye ilikhi ishou akumou shipuakeu kiumu kumsuamoe, tipauno niye kiumu shipuamoke ipi ipuwuvemlae. Ikemu Ampeu no ishou kughathabe chenike.

Galatiami 2:16

Tishimu ninguno ithi akeuno timi lakhiye Jisu Khristo shou akupulu bekeu vechewo likhino Alhou lau achipikalu cheni kethono Ayezahlo kiu shilopi puanikeno tipau shilukeu vechewono kumoe.

Galatiami 5:4

Nongu khunoqono ayezah papelukeu lono Alhou lau achipikaluniye pukaputsa ani keno panonguye Khristo launo kututa shisu wuvae, nonguye Alhou wu kupukini launo ikiqivae.

ZAKINIU 4:1

Tile Muse no timiqo vilo pike, “Ino nongu shikapiye akeu yezah kumtsu papelo tishiaye AMPEU nongu puasuqo Lhou no nongu tsukeu yeghilo xulu eno ngolu nanike.

ZAKINIU 5:1

Muse no Israilmi kumtsu kukumqono panoqo vilo pike, “Israilmiqo, ino ishi tsalalo ayezah nongu tsukeu kumtsu inilo. Tipaqo kumtsu ithitoi shilo eno nonguye tipau pelulo.

ZAKINIU 6:3

Israilmiqo, tipaqo inino papelo! Tishiaye nonguye thwokhalo akivipu shilu nanike eno AMPEU ningu puasu Lhou no tushoqhive keu tholono nonguye akughushu shiayeh lakhi shilu nani eno kinikulu ghuma yeghi lo xulu nanike.

James 1:27

Apu Alhou zulo mutsumisheyi keu eno tukutiye kuhakeu chineyehye hike: mighimugha chikamujo keu, chimemino aghimeshi akelo tuchoheju keu eno ayeghilomi pelo pa kitiqeve pemono ngo lukeu huno achineyeh kuchouke.

1 John 2:29

Khristo ye achipiu kepi nonguno ithi ani, tishiaye khunono achipi kiu keno tipau shi cheni aye paye Alhou no nuli kepi nonguno ithi kepue.

1 John 3:7

Itianuliqo, timi khuu pelomu nongu pishiqhipe kevilo. Khristo ye amikucho kehu khunono achipiu shi cheni keno tipanoye amikuchoke.