Rommi 15:8 - BAIBEL (BSI)

⁸ Kughengu ino nongu vilo piakeuno Khristo ye Judami qeu lakhi shive puzu Alhou ye pukhube lukeu kepi piyeni ke eno apu-asu lau piqhipuakeu hu shikumtoniyeke.

Sümi Tiqhelimi Bible

⁸ Alhou no Apù-asüqo lau piqhipüa keu ye kuchou kepi pìye nike ghenguno Khristo ye Jewmiqo lau aqemi lakhi toi ighi kepi kümsülulo.

Sumi Naga CL (Re-edited) Bible (BSI)

⁸ I no nongu vilo piani ke Khristo ye Alhou mikucho piyeni ye Jewmi qeu shive, tishianguno püzüu apuasüqo lau pikiqhitsa tsükeu ye xüaphi kepi iqhikumto tsüniye ke,

Rommi 15:8 Mawu Ofanana

AHOLE 8:7

Ino kiu piani keno tipaqoye kuchouke; akimkiye ino mithicheni.

MICAH 7:20

Nono amikucho ngo owu iqemokeu kikimiye pesu owu timiqo, Abraham ngo Jakob polo kughukomi lau piye nani, tiye kha-ghino nono nipuasu vilo piqhipuakeu toi shi nani.

MATTHEW 15:24

Jisu no ishi khochile, “Israilmi gholo puhavekeu bheriqo lau likhi ipuwu puanie.”

MATTHEW 20:28

Timi Nu thotsu kutami pelono pa qepeniye ighike kumoe, ikemu kutami qeniye ighike eno timi kutomo xaphelu nike pa kuxu tsuniye ighie.”

John 1:11

Pano pa yeghi lau ighi ikemu pawu timiqono pa ikhilumoe.

John 10:16

Hipau bheri bokuthalo kuhakeu iwu bheri kutau ghi ani; niye tipaqo ghi saghi masae; panonguno isutsa chilu nani, tilehino aqo lakhi eno akheu lakhi shive nani.

Apostolmi 13:46

Ikemu Paul ngo Barnaba pamano amlo kumtoshi pi, “Alhou tsa nongu vilo paghi pi mayesakepu shike. Ikemu nonguno hi milive ani, eno nongu likhi nonguye lhokta kuxu akuzupu kumovae, ikeke ninguye nongu qhiveno Judakumomi lau wuniae.

Rommi 11:22

Alhou ye kishi kimiyekini eno mughachhoi keno hileno ithi: iluqivekemiqo lau paye mughachhoi, ikemu nongu lau kimiyekeu ae, tsala nonguno pawu kimiyekinilo cheche aye ta, ikemu tikumoaye nongu ghi micheve nani.

Rommi 11:30

Nongu Judakumomi, wovekeu loye nongu ghi Alhou hebide cheke, ikemu Judami ghokulukumo ghenguno itehiye Alhou wu qhuivulayi keu nonguno ithuluvae.

Rommi 15:16

Judakumomi kudau Jisu Khristo qeu shipenike Alhou launo ighikeu tsakiviu pikulhakeu lono niye achinemi kumlho shi ani, tishianguno Judakumomi pelo Alhou no ikhikulupu akumllagho lakhi shilupe, eno Alhou lau Aghungu Kimthe no shikimthe pesu tsukeu shilupeniye ke.

Rommi 3:26

ikemu itodoloye pano timi xine ikhivetsu akeuye, paye achipie pinikehu eno Jisu lau khukhumu akupulu bekemiye pano achipikalu pecheniepi piyeni kehuke.

Rommi 3:3

Ike panongu khamino pukhubemla kepu shive aye kishini kya? Panongu pukhubemlakeu huno Alhou pukhubekulu puhaveni kesha?

Rommi 4:16

Highenguno Alhou no piqhipuakeu huye akupulu shou bepe anie, hipa ghola lono piqhipuakeu huye Alhou wu kupukini shikeu shou bepeniyeke eno pa laghami kumtsu lau mutsuqhei tishini putsa ipi niyeke. Tiye Ayezah papelukemiqo likhi kumono Abraham toi pulukemiqo lau ghike. Kughengu Abraham ye akupulu lalo ningu kumtsu papuhke.

1 Kor. 1:12

Ike ino hi piakeuye kutau kumo puzu nongu gholo pututa shelo ishi pikeu ani: “Niye Paul laumike,” “Niye Apollo laumike” “Niye Pitor laumike,” momu “Niye Khristo laumi ke” ipikeu akhani.

1 Kor. 10:19

Tishiaye niye kiu piani kya? Alhoaye julho lakhi lau achuqu pesu mllakeuye achuqupu nguno tikutave akesha? Momu alhoaye julho lakhiye alhoaye julho kumoveno tikutave akesha?

1 Kor. 15:50

Athikuzumiqo, ino piakeu kiqiye hike: ashi eno ahjiye Alhou yehkipe kusaje mla nani, momu tsu- mavekepuye tsu-mavemla kepu kusaje mlae.

2 Kor. 1:20

Kughengu Alhou no piqhipuakeu kumtsu pa gholono “Iye” ipikeu anike. Tighenguno pa vechewono Alhou jekipipu shinike ninguno “Amen” ipi cheni.

Ephesiami 2:12

Tipa ghulokilo nonguye Khristo launo kututashipe acheke. Nonguye inami shi ache, Alhou no kishelukeu Israilmi laumi kumoke, eno Alhou no pawu timi lau piqhikeu puloshoqhi shikeu launo tusumi shiache, eno hipa yeghiqhalo lajupu kuha eno Alhou kuhano acheke.