Rommi 13:8 - BAIBEL (BSI)

⁸ Lakhino lakhi kimiyenikeu piagha nguno alauye khuu laumu apih pukevilo. Khuno pa kusami kimiyeni keno Ayezah shikupuluvae.

Sümi Tiqhelimi Bible

⁸ Lakhi no lakhi kimiyekilé nikeu piashe nguno alau ye api-ashe lakhimu qhi kevilo. Kughengu timi khuu no kütami kimiye cheni keno pa ye ayeza shikupuluvae.

Sumi Naga CL (Re-edited) Bible (BSI)

⁸ Lakhino lakhi kimiye kile keu pi-agha kumo aye khuu laumu api pu kevilo, khuu no kütami kimiyelu cheni keno Ayezah shikupu luvae.

Rommi 13:8 Mawu Ofanana

MATTHEW 7:12

“Timi kutami pelo olau shipeni shikeu hutoi noye kutami lau shilo; kughengu hiye Muse no sughikeu yezah kiqi eno hiye tungkupmino kutsuchekeuke.

John 13:34

Ahzakutsu akithe lakhi ino nongu tsu ani tiye nongu lakhino lakhi kimiyekilelo; ino nongu kimiyecheke toi nongu ghi lakhino lakhi kimiyelo.

Rommi 13:10

Khunono pa kisughumi kimiye ani keno khilemu pa kisughumi lau alhoksa mla chemoe. Tighenguno kimiyekeuye Ayezah shikupulu ani.

Rommi 13:7

Ike panoqo lau apih puaghikeu tsulo; nonguno timi lhoxu ngo tinhemgha shou ayehkipe zahme tsulo eno qhoqhu kuzupu lau qhoqhukeu tsulo eno gihu kuzupu lau gihukeu tsulo.

Galatiami 5:14

Kughengu ayezah kumtsu atsa hipaulo shikupu ani, tiye: “Okisughumi olikhi otoi kimiyelo.”

Kolosiami 3:14

Hipaqo kumtsu nguno alauno kikimiye pepulo, kughengu kikimiyeno thwokha, kupukulupushi tsugha kuqhatsu cheni.

1 Tim. 1:5

Ahza hipau tsukeu kimijiye amlo kithe ngo tsughukhuyi keu lokumsu ngo mutsumishei keu kupulu launo ipeghi chekeu kikimiye hu haputhu tsuniyeke.

James 2:8

Nonguno kuchou Akukaqha yezah khikhi kuchoyesulo, “Okusami olikhi otoi kimiyelo,” ipi puakeu shikupulu aye nonguye achipiu shilu ani.

1 John 3:10

Alhou nuli ngo Tughami nuliqo dolo kutuqu akeuye hipau lonoke: khunono achipiu shi chemo keno Alhou laumi kumoe eno khunono athikuzumi kimiye chemo keno tipaqoye Alhou laumi kumoe.