Rommi 13:12 - BAIBEL (BSI)

¹² Putho wokhaveni cheae, atsala ipe cheae. Akuzulo mla ithachekeu ninguno qhiveni nolo eno akuvulo aghu shikepu nanu pepuni nolo.

Sümi Tiqhelimi Bible

¹² Putho wokhaveni chea; atsala ye ipechea. Tighenguno ningu àküzǘ lo kümlàqo qhikhave no aküvü ghünanu puluveni nolo.

Sumi Naga CL (Re-edited) Bible (BSI)

¹² Tsüküzü ye wove chea; tsüküvü ipecheae. Ikehu ningu aküzü lo kümlaqo peve no aküvü lo ghünanu pepuni nolo.

Rommi 13:12 Mawu Ofanana

ALE KIMCHI 2:17

Ilomi, tsuthomphi eno akuzu hamphi lono aqhu momu Bether naghuto nepholo achuyi lhothe lakhi toi nilau ide ighivelo.

ISAIAH 2:20

Tipa tsala ighikelo panonguno shunayi ngo tsandiyino shisukeu ajulhoqo peve nani eno tipaqoye idelaghu ngo ashuqha sala shi qhive nani.

ISAIAH 30:22

Nongu tsandiyino ajulho shikeu ngo shunayi pesu ajulho kuzukeu ikhipesu tubatuzu toi ishi pi-ghi vepuwu peve nani, “Chevelo!”

Rommi 13:14

Ikemu Ampeu Jisu Khristo pesu nongu ghunanu shi pepulo eno ashi- ahji lhoaye huno aghapiqilu nishi kutu keulo amlo tsukevelo.

1 Kor. 10:11

Hipaqo kumtsu panongu shou ikughi keu huye kichekipiyeke, ikemu hipaqo yepe qhipuaghikeuye ningu kutughuakeu ke, kughengu ninguye kishekha wochekeu ghulokilo xuayae.

1 Kor. 7:29

Athikuzumiqo, ino piakeuye hike: aghulokiye ikhonheyivae; hinguno hilauye kulakupu shivekemino panonguye kulamphi kehutoi xumasa,

2 Kor. 10:4

Kughengu ningu ghushi nanuye ayeghilomi ghushi nanu kumoe ikemu Alhou launo ighikeu kuka ghunanu pesu aliwo kuptu leluniyeke. Akimiki lono kula-kide kudayikeu hu ninguno kutsa cheni;

2 Kor. 6:7

kuchou tsape shikeu, eno Alhou kuka ishi akeu lono ninguye Alhou qemi kepi xupiye acheni. Ghiha eno susho kepushi ninguye amikucho zutakihi ani.

Ephesiami 4:22

Tighenguno nonguye puzuu kuxu ghola pishikiqhi eno shikupsa lhoayeh aqau qhivelo.

Ephesiami 5:11

Akuzulo athi pithimokemi kumlaqolo chhosu kevilo, tishinike zuqhulo tipaqo pesu akuvulo saipeghilo.

Ephesiami 5:8

kughengu ghuthu lakhiye nonguye akuzulo acheke, ikemu Ampeu wu timi shive akehu nonguye akuvulo akemi toi chechelo.

IBRIMI 10:25

Timi khami toi shimo puzu, ninguye kuho-kumqo chekeu kughuchovemoni nolo. Kughuchove nike zuqhulo, Ampeu Tsalaye kupunu wochekeu nonguno ithulu anikehu ningu alaushi lakhino lakhi shikumto ani nolo.

IBRIMI 12:1

Ike ningu sheloye thopimi aqokitikhi hijejehino ningu suhu muxape anike ghenguno, ningu punaqhikeu jeli kumtsu eno axine khipauno tsatsayi ningu pufuluve cheni keno tipaqo xaqhiveni nolo, eno ningu zulo pokimhekepu qhitsukeu hu amloithamono poni nolo.

James 1:21

Tighenguno aphi kumqhupu eno kusakugha suqesuli kumtsu pevelo eno akuchuniu shipuzu khikhi nongu xakulupu tsa Alhou no nongu lolo xusu puatsuakeno tipau ikhilulo.

James 5:8

Nongu ghikheakulu shilo. Nongu mlo mtotoi shipesu alo, kughengu Ampeu ighinikeuye kupunu cheae.

1 Peter 2:1

Tighenguno kusakugha kumtsu eno akimki tsa pikeu eno kuhakugha eno axekusu eno xishikile keu tsa kumtsu qhivelo.

1 Peter 4:7

Ikemu thwokha kishekha nikeu kupunuvae; tighenguno nonguye akukhu kighini shilukepushi alikhi ampi ghasulu eno tsukhuyi shilo.

2 Peter 3:11

Tishiaye hipaqo thime kumtsu hitoi shipuzu puhave nikeu shiani aye, nonguye kiutoikemi shikepu keno ithilo.

2 Peter 3:9

Timi khamino kumsukeuno Ampeu ye pano piqhive keulo asheshi auve cheni kughashi kemu paye tishimo nani. Ikemu paye nongu lau kheakulu shi anike, kughengu paye timi khuu pelomu puhavepe nishimoe, ikemu kumtsu pelo axine lono xakide ighivepe nishi ani.

1 John 2:18

Itianuliqo, ashekha tsala kupunuvae. Nongu vilo Khristo Kimthiu ighi nani kepi piche kehu itehiye Khristo Kimthimi kutomo ipeghivae, tighenguno ashekha tsala kupunuvea kepi nino ithie.

Piyeküsü 1:3

Khunono kaku hipau phini keno tipaqo kumghae eno khunono tungkupu tsape hipaqo chiluni eno tipaulo yepuakeu pelu nikeno tipaqo kumghae; kughengu adoye kupunuvae.

Piyeküsü 22:10

Pano ivilo highi pi, “Kaku hipaulo tungkupu tsa pipuakeu kusupe qhi kevilo, kughengu hipaqo kumtsu shikupuni keu ghulokiye kupunuvae.