Rommi 12:9 - BAIBEL (BSI)

⁹ Kimiyekilekeu hu mutsumishei shipelo. Kusakughaye mithilo eno akiviuye mutotoi tsuquluvelo.

Sümi Tiqhelimi Bible

⁹ Kikimiye ye amikucho shi moayesa. Kiu no küsakügha keno mithi lo; kiu no akivi keno mutotoi tsüqüluve lo.

Sumi Naga CL (Re-edited) Bible (BSI)

⁹ Kikimiye ye mtsümishei shilo. Alhoksa mithilo, eno kiu no akivi keno tsüqülu lo.

Rommi 12:9 Mawu Ofanana

LESHELE 101:3

khilemu alhoksaye palokutovemo nani. Niye Alhou launo tsughu susu wuvekemi ghushoghili mithi cheni, niye panoqo sasu kumtsa mlakepu kiumu kuhae.

LESHELE 119:104

Niye oyezah lono alokutsu hesheluke, ikehu niye alomokeu ghushoghili kumtsu mithike!

LESHELE 119:163

Niye akimki jeli mithi eno junishi moe, ikemu niye oyezah kimiye cheni.

LESHELE 34:14

Alhoksa launo tsughuvelo eno akivi mlalo; omlo kuchopu pesu aloino keu pukaputsa phulo.

LESHELE 36:4

Pano azualo ihozu akelo alhoksa kukughu shi acheni; ala kivi kumolo pano pula cheni eno paye alhoksa kiumu pevekeu kuhae.

LESHELE 45:7

Noye achipiu kimiye eno alhoksapuye mithike. Tighenguno Alhou, oLhou no okisheluke eno alokivi pesu kukami kutami nguno alau oshou betsuke;

LESHELE 55:21

Pa tsapiye akikhe chuqu nguno akumtshauke, ikemu pa mlolo mithi keu ani; pa tsaye teli nguno akumtshauke, ikemu azutakihi toi tsughaminheyike.

LESHELE 97:10

AMPEU ye alhoksa mithichekemi kimiye cheni; pano pawu timiqo kuxu pukhalu cheni; kixikilami kuka launo panoqo xaphelu cheni.

AHOLE 26:25

Tipaqo inivi aghiluvi ikemu timi tipau pulu kevilo kughengu pa mloye mithikile keuno yeliqole anike.

AHOLE 8:13

AMPEU gihu aniaye tiye alhoksa mithivekeuke; niye aqhekuza ngo akulaki, eno alhoksa-la ngo akimki tsapi mithi cheni.

EZEKEL 33:31

Ikehu iwu timiqoye nono kiu pinikeno ininike kukokiki ighi ani, ikemu panonguye nono panoqo vilo shilo pikeu shichemoe. Panonguno amtsulo likhino otsa kupuke ikemu panoqono aghukha shi xu achephi.

AMUS 5:15

Alhoksaye kiu keno tipau jumithilo eno achipiu kimiyelo eno kughakutha-alo achipiu xakutha achepelo. Ishiake, AMPEU no hipau shiayehlo timi puxupe puaghikemi shou kupu kimiye luvi ke.

MATTHEW 26:49

Judas no vejoyi Jisu lau ighi, eno “Akivishi alo, Kutsuchekeu!” ipi puzu pa mumae.

John 12:6

Pano hi pikeuye, paye kumlhomi kumsulu cheke ghengunoke kumoe, ikemu paye kupkami lakhi ke; pano aqowu pisabo puche eno tilehi kiu sukeno pano luvecheke.

Apostolmi 11:23

Kughou pano Antiok tokeno Alhou no timiqo kumghatsu akeu ithulu puzu pa mulo kiqi shive eno panongu vilo amlo iqemono Ampeu ghokulu shi alulopi pano kumtsu shikumto.

2 Kor. 6:6

Tiye ni mikucho, akighithi, kutuukulu eno kimiyekini akeu pesu; Aghungu Kimthe, kuchou kikimiye,

2 Kor. 8:8

Hiye ahza kutsu shi amoe. Ikemu kutamino kuphunishi kutu akeu nongu vilo pikeu lono nongu wu kikimiye ye kucho kepi ino ithiveniyeke.

1 Thes. 2:3

Kughengu ninguno nongu qhuiniju akeuye akumo akukuhau momu axine shinikeu momu muqumugha laghi lono ku anike kumoe.

1 Thes. 5:15

Nongu gholo milakhi nomu alhoksa pesu alhoksa shikeu lochile kevilo, ikemu pulhapujulo lakhino lakhi lau eno timi kumtsu lau akivi shinikeuno akimji shilo.

1 Thes. 5:21

ikemu thwokha kumtsu chhejulo kiu akivi keno tsuqukhoyi luvelo;

1 Tim. 1:5

Ahza hipau tsukeu kimijiye amlo kithe ngo tsughukhuyi keu lokumsu ngo mutsumishei keu kupulu launo ipeghi chekeu kikimiye hu haputhu tsuniyeke.

IBRIMI 1:9

Noye achipishi keu kimiye eno achipi kumouye mithike, Tipau ghenguno Alhou oLhou no okisheluke; Eno okusami tsukeu nguno shishe gihukepu lokivi pesu otsuvae.”

IBRIMI 12:14

Timi kumtsu sasu kulashi anikeu pukaputsalo eno akimtheshi xunikeu pukaputsalo, kughengu tipau kuhakeloye khunomu Ampeu ithumla nani.

James 3:17

Ikemu kunguuno ighikeuye mithemitheyi keuno atughiu. Hiye alakishi, iqunei keu, ikhilukile keu, akipimi pevekutsuno chhitoi eno alothi akivi pithi cheni; hiye agijukeu momu kuhakugha kuhae.

1 Peter 1:22

Itehiye nonguno kuchou lau aghokulu shino nongu kuxu shikimthevae eno kupulumi akusamiqo mutsuqheyino kimiyekeu anie, tishiaye nonguno amlo tsuqhiyi shino lakhino lakhi kimiyekilelo.

1 Peter 4:8

Thwokha kumtsu nguno alauno amlo tsuqhiyi lakhino lakhi kimiyekilelo, kughengu kikimiyeno axine kutomo nhaluvetsu chenike.