Rommi 12:8 - BAIBEL (BSI)

⁸ Kutami hakitekepu shiaghiaye ninguye hakitekile masa; khuno qhasutsu kepu shini keno ililai qhasutsu masa. Timi khuno sakiphemi shinikeno ichhe-ime mla masa. Khuno timi kupuqhiyikeu kumla shinikeno aloviqhiyi shimasa.

Sümi Tiqhelimi Bible

⁸ tsalá shikumto nikeu shi aghí aye, shikumto moayesa; tsalá kütami kuphu kepu shi aghí aye, kupukuno shitsü moayesa; tsalá kütami saphe kepu shi aghí aye, tsaqütsalei saphe moayesa; tsalá kimiyekini pephe kepu shi aghí aye, amloqiqhiyi pephe moayesae.

Sumi Naga CL (Re-edited) Bible (BSI)

⁸ khuu no hakite eno shikumtolu cheni keno, tipau peitha masa; khuu no tsü-jekini mlo ani keno, amlo qhaqhilei shino tsülu masa; khuu no saphekulupu kükagha ani keno, aghüiloqhiyi mla masa; khuu no kimiyekini kümla shicheni keno, aloviqhiyi shimasa.

Rommi 12:8 Mawu Ofanana

BOTHUBO 18:19

Kughengu ino pa ithi ani, ike pano pa nuliqo eno pa lagha ahza tsu keu shilu nani, panonguno AMPEU laghi pelu nani eno amikucho ngo achipiu lono kughatha keu shi nani. Tishianguno AMPEU no pa ghenguno piqhipuakeu Abraham shou pano shikuputsu nani.”

LESHELE 112:9

Paye michhi mighimono kumlhomi tsucheni, paye timi kimiye che keu phevemoe; paye akuka kuloghi shi nani eno kutamino gihu nani.

LESHELE 37:21

Kixikilamiye nalu puzu tsuchile chemoe, ikemu kivimiye michhimono tsu cheni.

AHOLE 22:9

Tsukini jekinimi shilo eno ochuqupu kumlhomi sasu kusajelo. Tipau ghenguno okumghatsu nani.

YETSAPIU 11:6

Inakijili noye apiti yisu alo kughengu kumtsu akivishi thuwuni cheni mala mthake, kutau yisukeu pavi aghiluvike.

YETSAPIU 9:10

Kiu kiu namu nono mlakeulo shishe mlalo, kughengu kithimi yeghiloye mla itha keu kuha, kumsukeu kuha, akighithi kuha, alokutsu kuhake eno noye tilehi wuchenike.

ISAIAH 32:5

Timi khuumu kughuzumi ye gihukepuke ipi kumsumo nani momu ayehkumthamiye amikuchoke ipi pimo nani.

ISAIAH 32:8

Ikemu timino gihukuzupu shinikemiye amikucho shicheni eno kiuno achipi keno tipau ghenguno mutotoi puthugho cheni.

ISAIAH 64:5

Khunoqono achipiu shikeu lono alovi cheni keno tipaqo nono salu cheni nono khunoqo pelo xupenishi acheni keno kumsulu chenike. Noye nishou aloghu ideke ikemu ninguye axine shiacheuve, ologhu kije akeu phimo puzu khaghi ghuloki lono ninguye akumou shikibe achenike.

MATTHEW 25:40

Akukau huno ishi panoqo khochile nani, ‘Kuchouno ino nongu vilo pini, nonguno ithikuzumi hipaqo gholo akitilau lau kiu shitsu keno nonguye ilau shitsuake.’ ”

Apostolmi 11:23

Kughou pano Antiok tokeno Alhou no timiqo kumghatsu akeu ithulu puzu pa mulo kiqi shive eno panongu vilo amlo iqemono Ampeu ghokulu shi alulopi pano kumtsu shikumto.

Apostolmi 13:12

Ti kiu shivekeno ithulu puzu ahng no puluve, kughengu Ampeu ghili pesu kutsukeulo paye shishe akichiqhive.

Apostolmi 13:15

Muse yezah lono eno Tungkupmi kuka lono phisuve kethiu, Sinagog lo ampemiqono pama kusutsaju ghi pi, “Athikuzuu nokujo, nokujono timiqo ghenguno hakuthokepu sutsa aghi aye panongu vilo pipenishi ani.”

Apostolmi 15:32

Juda ngo Sila pama ghi tungkupumi kehu atsa kutomo pesu pi puzu athikuzumi hakitekile eno panongu shikumtotsu.

Apostolmi 20:2

Pano tipa qhalo wupuzu alokughuno tsukeu tsa kutomo pino paye Grik lo ighi.

Apostolmi 20:28

Nongu likhi nongu jukutsukiyi lo eno Aghungu Kimthe no nongu pelo jukidekuda peniaye qhipuatsukeu loji hu jukutsu-kiyi tsulo. Alhou kukuhou kheu shilo, tiye pa Nu kithi vechewo pawu shilupe puanike.

Apostolmi 4:36

Ikehu Levi laghami lakhi Josef ipikemi Kupra noghami, khuu je apostolmiqono Barnaba kukithevetsu keno (tipau kiqiye timi shikumtokutsu-u).

Rommi 12:13

Nonguno aghikeu pesu kupulumi vehupu shi aghi keulo qhasutsulo; eno nonguye inami sasukinimi shilo.

Rommi 13:6

Hi ghenguno nongu ghi ayehkipe zahme tsucheni, hikithipu jukutsukiyikeu shike lono yepeka yehkipemiye Alhou ghenguno mla ani.

1 Kor. 12:28

Ike Alhou no akukuholo hitoi qhipuatsua: atughushi apostolmi, akiniuno tungkupmi, akuthuuno akukutsumi; tithiuno akumzapu kumlami, tithiuno shikipivi kuka tsupuakemi, kuphukulumi, saphe kulumi, amili jeli lono pikemi.

1 Kor. 14:3

Ikemu khuno tungkuputsa pi anikeno paye timi vilo pianike, tipaqo xaqhepuku cheni tipaqo mlo shikumto eno alokughunotsu cheni.

2 Kor. 1:12

Ningu kijivilo chekeuye hike; nilolo kivikusa lokumsuno ashepe nitsu akeuno ayeghi hipaulo nikuxuye Alhou launo ighikeu kimthe eno musumulai xuchekeu ayeghilo suqekighithi lono kumoe ikemu Alhou wu kupukini pesu xucheke, eno tiye akhotono nongu lau tishi kutshupe xucheke.

2 Kor. 11:3

Ikemu apighino muqumugha vesu puzu Eva pishiqhive ketoi nongu kukumsu ghi mutsumishei eno tsaqutsaleyi Khristo lau amlo tsuchekeu launo sakughuzuve nike ino msatsu ani.

2 Kor. 8:12

Kughengu timi lakhino puloniqhiyi tsunishi aye, Alhou ye timi tipauno kuhakeu khuamo puzu pano kiu tsuluniye anikeno tipau ikhilutsu nani.

2 Kor. 9:11

Pano nongu pelo kinikulu shilupe nani, tishianguno ala thwokhalo nonguno pofushi tsupeniyeke, eno ni vechewo hipau shikeu ghenguno timi kutomono Alhou shikimthilu nani.

2 Kor. 9:13

Nonguno hipakumla shikeu huno nongu kupulu mutsumisheyi shitsu ani kehu nonguno Khristo tsakiviu gholu keu ghenguno eno kumtsu sasu pofushi kusajekeu ghenguno timi kutomono Alhou lau akimthe jukuvupu tsu nani.

2 Kor. 9:7

Tishiaye milakhi khino suchilemono momu tsulepikeu ghenguno kumono pano kumsulu keu lono pesu tsulo, kughengu amlo qiqhiyi tsukemi Alhou no kimiye cheni.

Ephesiami 6:5

Aqu-axemiqo, Khristo qe akeshi akumsa akuighu eno amlo lakhi xapusu ayeghilo nongu shou ampemiqo ghokulu shilo.

ZAKINIU 15:14

AMPEU no kiu okumghavetsu akeno tipau lono bheri, athi, atsayi-ji pesu lukumkhashi pa tsulo.

ZAKINIU 16:11

AMPEU gizulo notianuli, noqemi, Levi laghami, inaghami, mighimghami eno chimemi nowu taunlo akemiqo sasu alokivi shilo. Hipauye ti akumlla-a lakhi lono shilo.

Kolosiami 3:22

Aqu axemiqo, nongu shou ampimi gholulo, eno panongu pelo alovipenike ghenguno panonguno jukuto akelo likhino shikevilo, ikemu nonguno Ampeu sumsakeu lono amlo tsuqhiyi mlaithalo.

1 Thes. 2:3

Kughengu ninguno nongu qhuiniju akeuye akumo akukuhau momu axine shinikeu momu muqumugha laghi lono ku anike kumoe.

1 Thes. 2:8

Ninguye nongu kimiyekutu kelauno Alhou launo ighikeu tsakiviu nongu sasu kusaje nike kutope acheke likhi kumono nikuxu ampi ghi nongu sasu kusaje nike kutope acheke, kughengu nino shishe nongu kimiye chenike.

1 Tim. 4:13

Ino ighimoke kutolo ado kumtsu tsuno aqo gholo kuchoyesu phisu, asheshu pikulha eno kutsu piye ishilo.

1 Tim. 5:17

Akukuholo kichimi khunoqono sakiphemi shipuzu akumla kivi mla cheni keno atha-aqo kishe-kishe ithulukepu akuzupuke, tiye akhotono kutsu shika keulo ichhe imechekeqo.

1 Tim. 6:18

Kinimiqo vilo akivipu shilopilo eno akumla kivi nibonilei shilopilo, kutami sasu kupukunoshi kusajeni keu kutope alo pilo.

IBRIMI 10:25

Timi khami toi shimo puzu, ninguye kuho-kumqo chekeu kughuchovemoni nolo. Kughuchove nike zuqhulo, Ampeu Tsalaye kupunu wochekeu nonguno ithulu anikehu ningu alaushi lakhino lakhi shikumto ani nolo.

IBRIMI 13:17

Nongu sakiphemi gholulo eno panoqono pikeu qhoqhulo. Panongu kumla Alhou lau kihikulayi tsu nani kehu panonguye tamo puzu nongu kuxu jukutotsu achenike. Ikehu panongu pelo amlo saqhiyimono aloviqhiyi pano kumla shipelo, kughengu tishimoaye nongu vehupu kiumu shimlave nani.

IBRIMI 13:22

Athikuzumiqo, ino shikumtokile keu tsa hipau tsuakeu tsaqui initsulopi ino nongu qhuiniju ani, kughengu niye ikhonhei shighi nongu lau yepuwu anike.

IBRIMI 13:24

Nowu sakiphemi ngo Alhou wu timiqo kumtsu lau niwu petha tsuani. Itilimi athikuzumiqono petha nongu tsupuwu ani.

IBRIMI 13:7

Nongu sakiphemi khunoqono nongu vilo Alhou tsape shichekeno tipaqo kumsululo. Panoqoye kishi xuche puzu thivekeno kumsululo; eno panoqo kupulu halo.