Rommi 12:1 - BAIBEL (BSI)

¹ Ikehu ithikuzumiqo, Alhou wu qhuivulayi keu kutomo ningu lau akeu vechewono ino nongu vilo hi qhuiniju ani: Nongu phi-mpi pesu Alhou lau akuxuno mllakeugho shi-ghi qhitsulo, pa kumlapulo akimtheshi peitha penike eno pano ikhilu kuzupushi tsulo. Hino kuchou shi nonguno mlla kepue.

Sümi Tiqhelimi Bible

¹ Tighenguno athiküzümi eno achelimiqo, Alhou’w kimiyekini vechewo I no nongu qhüiniju ani: nongu phimpi pesü aküxü no mülá keu kümlagho shi akimthe eno Alhou pulou lono ikhiphe pe tsülo. Alhou mülá nikeu lo hino kuchou eno achipiu ke.

Sumi Naga CL (Re-edited) Bible (BSI)

¹ Tighenguno athiküzümiqo, Alhouw kimiyekini vecheo I no nongu hakite ani, nongu phimpi pesü aküxüpu kümllagho shi Alhou lau akimthe eno ikhikulupu shi tsülo, hi no nonguw aghungulo kümlla kuchou ke.

Rommi 12:1 Mawu Ofanana

LESHELE 116:12

AMPEU no ilau akivi shikeu ghenguno niye kiu pe pa tsuni kya?

LESHELE 19:14

ikichilo piqhikeu eno imlolo kumsu keu ozulo ikhikulupu shipelo, O AMPEU, ituqu eno ixachilekuluu.

ISAIAH 56:7

“Ino nongu sasu ikimthe toghi, Zion lo saghi nani, ikighini kilo alokivi nongu tsu nani eno nonguno akipti khachelo aghashi keu ikhilutsu nani. Ichinekiye ashiayeh kumtsulo timiqo ghenguno akighiniki lakhikepi kunani.”

JEREMIYA 6:20

Panonguye kushiniye Sheba kudauno musughuta ilau sughi cheni momu aghache yeghi lono vekuju mukhu sughi cheni kya? Niye panoqono akumllagho tsukeu lutsumoe momu panoqono lhoxu heqhi itsukeulo aloqimoke.

HOSIYA 14:2

AMPEU lau ide ighivelo eno pa lau akumllagho shikeu kighini hipau shilo: “Nixineqo kumtsu pevetsulo eno nikukhu kighini ikhilutsulo, eno ninguno tushoqhive keu toi ninguno osheqhe nike.

Luke 7:47

Tighenguno ino ovilo pini, li xine akeu kutomo pevetsua kehu lino kikimiye pephe anie; ikemu khuno lau kitila likhi qhitsua keno, kikimiye kitila likhi pephe anie.”

Rommi 12:2

Hipa yeghilomi ghola hakevilo ikemu nongu kukumsu shikithelukeu vechewo nongu lolo pekililulo. Tishiluaye Alhou pulouye kiuno akivipu, kiuno pano ikhilu kuzupu eno kupukulu keno nonguno ithi kututa shilu nani.

Rommi 15:16

Judakumomi kudau Jisu Khristo qeu shipenike Alhou launo ighikeu tsakiviu pikulhakeu lono niye achinemi kumlho shi ani, tishianguno Judakumomi pelo Alhou no ikhikulupu akumllagho lakhi shilupe, eno Alhou lau Aghungu Kimthe no shikimthe pesu tsukeu shilupeniye ke.

Rommi 15:30

Athikuzumiqo! ningu Mpeu Jisu Khristo ngo Aghungu no kimiye tsukeu lono ino hi nongu qhuiniju ani: Igholo kutupo ghi ighenguno Alhou lau akighini shitsu alo.

Rommi 2:4

Momu noye Alhou no ivuilayi keu kije, kutu-ukulu eno kheakulu shikeu jukunathani kesha? Alhou no ivuilayi keu huye opelo pa lau xaideghilupeni yekepi noye mtha kesha?

Rommi 6:13

Momu nongu phia-u axine kudau ikhipe tsughi kusakugha laghi lono peitha pekevilo. Ikemu akithi lono akuxulo saghivekemi kehu Alhou lau nongu kuxu ikhiphepe tsulo, eno nongu phia-u amikucho vehupu shi peitha penike ikhiphepe tsulo.

Rommi 6:16

Nonguno Ampeu khuu qeno gholu ani keno pa qemiake; ikemu nonguno axine qeu shiaye akithilo sailove nani eno aghokulu qeu shiaye tino nongu sasu achipiulo ilove nani kepi nonguno ithi ani.

Rommi 6:19

Timi lhoaye lono nonguno tomo-chhimokeu akeu ghenguno niye inapugha tsa peitha-ghi piani. Ghuthu lakhilo nongu phi-mpi ikhipe tsupuzu mithekumo jeli eno kusakugha qeu shichepeke toi itehiye akimthe vehupu shipenike nongu phi-mpi achipikalu kepushi ikhipe tsulo.

Rommi 9:23

Tiye pano qhuivulayi keu hi ningu shou pa kimthe-jukuvu kinikulushi akeu pephepiye nike ghenguno ajukuvupu shi pano kutope qhie.

1 Kor. 1:10

Athikuzumiqo niMpeu Jisu Khristo kuka akeu vechewo ino nongu qhuiniju anike, nongu kumtsuno kuptsa kuqhalulo eno nongu gholo kijethakile keu apekevilo; ikemu akukumsulo eno kughathalu keulo aphiphishi kuqhakulu shilo.

2 Kor. 10:1

Khristo kumtsha akughuvu pesu ni Paul ampino nongu qhuyiniju ani. Kughou nongu sasu kinheqhe kusholuni keno niye ivunheyi cheni ikemu kughono nongu launo putosuveni keno niye mghachhoyi cheni ipichekeu hu ni Paul ke.

2 Kor. 4:1

Alhou kukupu vechewo akumlapu saje hipau ningu tsukehu ninguye amlo hauve chemoe.

2 Kor. 4:16

Highenguno ninguye khilemu amlo hauve chemoe. Ni phiashiye tsu-ma ayeakemu, ni loloye tsalakipetsu akithe shikithevetsu ani.

2 Kor. 5:20

Ikehu ninguye Khristo ghenguno lashikami ke, Alhou no ningu vechewo pa ampino nongu piputo akeu kumlhoke. Khristo she amuzu shighi ninguno nongu qhuiniju anike, Alhou lau alashiluvelo!

2 Kor. 6:1

Pa gholo mlakuqhakemi kehu ninguno nongu qhuyiniju kithe akeuno: Alhou kupukini ikhilu keu hu adou shivetsu kevilo.

Ephesiami 4:1

Tishiaye, ni Paul, Ampeu ghenguno akughumi shi achekeuno nongu qhuiniju anike, Alhou no kiu qhemilo nongu kuluve akeno tipaulo akuzupushi xulo.

Ephesiami 5:10

Ampeu lopu shinikeu pukaputsano shikalulo.

ZAKINIU 14:2

Nonguye AMPEU nongu Lhou wu timiqoke; ayeghilo timi xuakemi gholono pawu timi shipenike pano nongu kisheluke.

FILIPIAMI 1:20

Kughengu ino khekulhoshi kumsupu eno laju achekeu ye ino shikepushi akeu tomoveno kujovemo niyeke, ikemu pulhapuju shicheketoi, eno akhotoshi itehighi niye amlo kumtono chhitoi shino, thikepu shina xukepu shinamu iphimpi hipau lono Khristo jekipipu shitsu nani.

FILIPIAMI 2:17

Aghakishilo ihji pesu lepuku keuno nongu kupulu Alhou lau tsukulupu shiaye tiye ilokivipu nongu kumtsu sasu kusajelu anike.

FILIPIAMI 4:18

Nonguno kiu itsupuani keno tipaqo kumtsu ino ithuluvae ipikeu hike eno hiye kughokumoke, nonguno Epafrodita gholono agho ilau tsupuwukeu ithulu puzu ighakiqi shivae. Hipaqoye Alhou lau tsungquyikeu pesu mllakeu hutoike, pa lau amlokiqipu eno ikhikulupushi ghiqhipe mllakeu lakhike.

1 Thes. 4:1

Athikuzumiqo, ashekhashi ninguno Ampeu Jisu lono nongu qhuiniju eno nongu hakite ani, ike nonguye kishi xukepu keno eno kishi Alhou pulou shikepu keno nonguno nilauno shikalu ketoi, nonguno itehi kishi xuanikeno titoi nonguye tinguno alaushi xu achelo.

1 Thes. 4:10

kuchouno Makedonia qha kumtsulo nonguno kupulumi athikuzumi kumtsu kimiye achenike. Ikemu ninguno nongu hakitekile akeuye alau alaushi titoi shiape niyeke.

1 Thes. 5:12

Athikuzumiqo nino nongu vilo hipau piputo ani, nongu gholo aghimeshi mlachekemi qhoqhulo, khunoqomi Ampeu no kishephe pesu nongu la kichepiye eno nongu shika cheni keno tipaqo qhoqhulo.

1 Tim. 2:3

Hitoikeuye alokepuke eno Alhou ningu xakuluu pulouke,

1 Tim. 5:4

Ikemu chimemi lakhino anuli momu atilimi aghiaye tipaqo pelo pano kibolomi lau paghi achineyeh kiqi lono shikepu shiakeu ithipekepue, eno titoi shikeu lono apu-aza momu asu-apuza lochilepekepue, kughengu hiye Alhou pulou ke.

Philemon 1:10

Khristo lono inu shiluvekeu Onesima zuqhushi ino oqhuiniju ani, akughu shiake lono Alhou launo niye papuh shiluvae.

Philemon 1:9

Tishimu kikimiye ghengu lono oqhuiniju nikeu shivae. Ino hi qhuiniju akeuye ni Paul, Khristo Jisu wu lashikami lakhi itehiye pa ghenguno akughumi shiakeu huno,

IBRIMI 13:22

Athikuzumiqo, ino shikumtokile keu tsa hipau tsuakeu tsaqui initsulopi ino nongu qhuiniju ani, kughengu niye ikhonhei shighi nongu lau yepuwu anike.

1 Peter 2:20

Nonguno akumou shiveke ghenguno heqhikeulo nonguno kutuuluve keulo nonguye alla shilukepu kiu ani kya? Ikemu achipiu shikelo ghi nongu ghimeqhiaye eno nonguno kutuuluve aye, Alhou no tipau ghenguno nongu kumghatsu nani.

1 Peter 2:5

Akuxupu tuqu shi-ghi pa lau ighilo eno aghungulo ki shikeulo nongu peithapelo. Tilehi nonguye akimthe chinemiqo shighi Jisu Khristo vechewo aghungu lono aghashikeu Alhou lau ikhikulupushi mllalo.