Rommi 11:16 - BAIBEL (BSI)

¹⁶ Asho sukupho atughiu pesu Alhou lau shikimthe keushiaye, ti ashopa akuchopu pa wu ake. Asubo lakhi kuhu pesu Alhou vehupulo peithape nikeu shiveaye alokaqo ghi pawu ake.

Sümi Tiqhelimi Bible

¹⁶ Tsalá asho kukunu amsüu pesü akümlagho shitsü keu no akimthe shi aghí aye asho kukunu kupuju akimthe ke; eno tsalá asübo kuhu no akimthe shi aghí aye alokaqo ghí akimthe ke.

Sumi Naga CL (Re-edited) Bible (BSI)

¹⁶ Asho kümllagho lo amsüu ikhiphetsü chekeu no akimthe shi aghi aye, amqo kuchopu akimthe ake, eno akuhu no akimthe shi aghi aye, alokaqo ghi akimthe ke.

Rommi 11:16 Mawu Ofanana

BOTHUBO 17:7

I-u puloshoqhi lakhi nikujo dolo eno opolo kughuko chekemi tiqhelino tiqheli kutolo shini tiye ipelo olhou shipeni eno panoqo Lhou shipeni keu puloshoqhi ke.

IPEKULU 22:29

“Nongu thi, nongu tsayi-ji eno nongu wu oliv teli itsukepu do tove keulo nonguye pesu imllalo. “Nowu anu anoghiuno itsulo.

IPEKULU 23:16

“Nonguno ghile huthukeu ghulokilo Ghile Tiqhetini ikhilulo.”

IPEKULU 23:19

“Ampe atsutsu nonguno athi lutughiu pesu nongu Lhou AMPEU kilo sughilo. “Bheriti momu aneti pesu tipau paza kichhizu lono kumqho kevilo.

AHOLE 3:9

Oyeghi lono tuxatini ipeghikeu akiviu pesu AMPEU lau akumllagho shi pa gihulo.

JEREMIYA 2:21

Kishekidelu keu tsayibo, alothi akiviu lono ipeghikeu lakhi toi ino oshosuke. Ikemu noye kiu shiuvea kela julo! noye tsuwuveno amekuhave keu tsayibo toivae.

EZEKEL 44:30

Achinemiqoye ghile hukeu atughiu jeli akiviu kumtsu eno kutau imllakeu jeli kumtsu lukepu shi nani. Timiqono ghuthu khije asho shini keno panonguye mllakeugho shi ghi ashopa atughiu pesu achinemi tsuni eno iwu kukumghaye panoqo kibo shou ngoche nani.

Rommi 11:17

Pighichekeu Oliv subolo aloka hamino icheiqiveke aghalo Oliv loka suwo tipaulo kimepeqhi. Nongu Judakumomi qoye aghalo Oliv loka toi kemu itehiye Judami kuxulo kinikulu kumto kusajelu anie.

Rommi 8:23

Eno lhoqhipuakeu yeghiqha likhi kumono, ningu khunoqono Alhou no kumsagho amsu shi tsukeu Ghungu ani keno Alhou no ningu pesu chikamujolukeu nuliqo shipenike kheakelo ni-mpi kuchopu xachilelupe nike nilolo sukuchokiyi su acheni.

1 Kor. 7:14

Kughengu kupulukumou akimi huye pa nipu vechewo Alhou lau akimtheshi ikhilukepu shilu nani, eno kupulukumou anipu huye likimi Khristomi vechewo Alhou lau akimtheshi ikhilukepu shilu nani. Tishimo aye nongu tianuliqoye Khristo kumomi paphi shiniae; ikemu itehi panonguye Alhou lau akimtheshi ikhilukepu shi anike.

ZAKINIU 18:4

Panonguye athi, atsayi-ji, oliv teli eno amhi saje akiviu ithulu masake.

ZAKINIU 26:10

Tighenguno itehiye ino AMPEU lau pano itsuvekeu lono ghile hulukeu atughiu muqo pesu ighi anike.’ “Tipathiuno AMPEU gizulo ashoghi qhilo eno tilehino mllalo.

James 1:18

Pa likhi pa puloushi kuchou tsa pesu ningu pelo aghilupeke, tishianguno pano lhokeqo gholo amusuu xathi shilupeke.

Piyeküsü 14:4

Timi hipaqoye totimi pelo pano kuxu shipusapemoe, kughengu panonguye akimthe shi acheke. Panongu ye Bheritino khilau wuni keno tipau papeche; xachile luve kemi timi hipaqo gholono amsumi shighi Alhou lau eno Bheriti lau pesu tsuvekemiqoke.