Rommi 11:12 - BAIBEL (BSI)

¹² Judamino axine shivekeu lono ayeghiqha shou kukumgha kinikulushi sughi, eno panoqono iluqivekeu lono Judakumomi lau kukumgha kinikulushi sughi aye, Judami khije ighikepu anikeno kumtsu kihisuluveaye kumghakeu alau anani!

Sümi Tiqhelimi Bible

¹² Ikemu tsalá panonguw hekibide no ayeghiqha ghenguno kinikülü shi aghí aye eno panongu pühave keu no Jewkumomiqo ghenguno kinikülü shi aghí aye, panongu kihisüluve keu vechewo kinikülü khijehi süghilu nani kea!

Sumi Naga CL (Re-edited) Bible (BSI)

¹² Imaye pano kipimi no ayeghiqha kümghapu shilu, eno pano kutokumo no Jewkumomi kümghapu shilu aye, Israelmi kümtsü kihisü luveni keloye tinguno alau khije ta akümghapu shinani kelae!

Rommi 11:12 Mawu Ofanana

ISAIAH 11:11

Tipa tsala ighikelo, AMPEU no ghuthu akiniu ghi pa kuka peitha puzu pawu timiqo ayeghi hipaqolo qhivepuaghi keqo sachilesaghi nani: Asiriya, Ijip, Pathro, Sudan, Elam, Babilon, Hamat lo ngo zudo yeghiqolo eno azu sumxape akeqo yeghilo.

MICAH 5:7

Israil lo akemi khunoqo xu aghi luni keno tipaqoye ashiayeh kutomo ghenguno AMPEU no aloponiyi keu tsuzu puwukeu toi nani, panoqoye atsuni thu ipeghi akeulo tsughupuku keu toi nani. Panonguye timi shou kumono Alhou shou pukhube nani.

ZEKHARIA 2:11

Tipa ghulokilo ashiayeh kutomono AMPEU lau ighi puzu pawu timi shilukha nani. Pano nongu gholo xu nani eno nongu lau pano ipuwu kepi nonguno ithi nani.

Apostolmi 3:21

Alhou no puzuuno pawu tungkupmi pelo azunathaghi pipuakeu toi, thwokha shikithe chilemoke kuto paye kungughalo aghimasae.

Rommi 11:15

Kughengu panongu peve keuno ayeghiqhano Alhou sasu kulashiluaye, panongu ikhiluvekeuloye kiu shive nani kya? Hiye kithimi ghengu ghi akuxu shilu niae!

Rommi 11:25

Ithikuzumiqo Alhou wu tuqhou kukughu lakhi anike ino nongu pelo ithipenishi ani, nonguno nongu lokutsu alotsuh shipeuve nosake. Tiye hi kene; Israilmi shou amlo hekikekeu ikughi akeuye Judakumomi khije Alhou lau ighikepushi ani keno tipaqo ighikupu mphi kutolo likhike.

Rommi 11:33

Alhou wu kuakiniye kiutoi akumzapu kela! Pa lokutsu eno pa kighithiye kiutoi kuthokuzu kela! Pano kughathakeu khuno lhekide kudailu kepu eno pano khile kishi cheni kela khuno ithikuthu kulupu kya?

Rommi 9:23

Tiye pano qhuivulayi keu hi ningu shou pa kimthe-jukuvu kinikulushi akeu pephepiye nike ghenguno ajukuvupu shi pano kutope qhie.

Ephesiami 3:8

Niye Alhou timiqo gholo kumtsu nguno aku amighiu ke, ikeghi Khristo gholo kihikhamlakeu kini akeu Judakumomi vilo atsakiviu pikulha penike Alhou wu kupukini itsuke,

Kolosiami 1:27

Kughengu Alhou kukughuye hike: pawu tuqhou pesu timiqo pithiniyeke, ike tiye Judakumomi kumtsu ghenguno kinikulupu eno akimthe jukuvupu shi tuqhou pano puakeu huke. Tuqhouye hike: Khristo ye nongu lolo ani, eno tipau kiqiye Alhou kimthe jukuvu kusaje nikeu lajupu anie.