Rommi 1:14 - BAIBEL (BSI)

¹⁴ Kughengu niye timi kuxu ghola ithivekemi, ayekumthami, akighithimi eno mbomzumi kumtsu lau apih pu ani.

Sümi Tiqhelimi Bible

¹⁴ Ni ye ayekighithimi ngò ayekümthami kinikujo lau, eno kighithimi ngò kümthami kinikujo lau ishi api-ashe pù aphike.

Sumi Naga CL (Re-edited) Bible (BSI)

¹⁴ Ni ye Greekmi ngo ayekümthami lau, ithishe kemi ngo mbomzümi lau ghi api xapu anie.

Rommi 1:14 Mawu Ofanana

AHOLE 1:22

“Mbomzumiqo! nonguye ado khitotohi anikha shi anishi cheni kya? Nonguye ado khitotohi akighithi shou kuthakugha tsa pipuku ani shi anikya? Nonguye khilemu shikalumo-a kesha?

AHOLE 8:5

Nonguye tekhoimphi kesha? tekhoikeu shikalulo. Nonguye nikha shi aphi kesha? aloputsululo.

ISAIAH 35:8

Tilehi alaghila anani, tipau pesu, “Akimthe Laghi” ipi kunani; Axinemi khuumu tipala pulamo nani; aghuzunikhami namu tipalalo chekelo shipimimo nani.

MATTHEW 11:25

Tipau tuqhulo Jisu no ishi pi, “O Apuo, kungugha eno ayeghi shou Ampeu, ino oshikimthi ani, kughengu nono alokutsumi eno ithikuthuluve kemi launo hipaqo vehu kusupe qhive eno kumthami lau pephepiyeke.

Luke 10:21

Tipa dolo Aghungu Kimthe no alokivi pesu Jisu hupitetsu, eno pano pi, “Atsutsu eno ayeghi Mpeu, Apuo, ino oshikimthi ani, kughengu nono thime hipaqo alokutsumi ngo ithishekemi launo kusuluveno, mthakemi lau pephepiyeke. Iye, Apuo, nono hi shitsukeuye tino opulou kehue.

Apostolmi 22:21

Ikelo Ampeu no ivilo ishi pi, ‘Chevelo, kughengu Judakumomi lau aghachelo ino opuwuni.’ ”

Apostolmi 28:2

Tile kughuna kichemiqono shisheno shompami sasu keshi ningu ikhilu. Tile tsughu thuve eno suthi ae, ikehu panonguno ami shieno ningu kumtsu ikhikulu shi.

Apostolmi 28:4

Tile kughunakuamiye aphighino Paul u hechije akeu ithulu puzu lakhino lakhi vilo pi. “Timi hipauye ghikiqhimi shiani putsa. Azughi lono akushukulu polu kethiu ghi azapolo kighini huno pa puxumoniye kutovae.”

Apostolmi 9:15

Tile Ampeu no pa vilo pi, “Wulo, kughengu pa pelo iqe penike eno ije pesu Judakumomi, kukami eno Israilmi lau pewu penike ino pa kishevae.

Rommi 1:22

Panonguye alokutsumi kepi pukha pulaghi mbomzumi shive cheni.

Rommi 11:25

Ithikuzumiqo Alhou wu tuqhou kukughu lakhi anike ino nongu pelo ithipenishi ani, nonguno nongu lokutsu alotsuh shipeuve nosake. Tiye hi kene; Israilmi shou amlo hekikekeu ikughi akeuye Judakumomi khije Alhou lau ighikepushi ani keno tipaqo ighikupu mphi kutolo likhike.

Rommi 12:16

Kumtsu sasu kuloni kughuvuyi xulo, qheza-laki kevilo, ikemu aqhokighepu kumlapu saje ikhilulo; eno khilemu olikhi noye alokutsumi kepi kumsu kevilo.

Rommi 13:8

Lakhino lakhi kimiyenikeu piagha nguno alauye khuu laumu apih pukevilo. Khuno pa kusami kimiyeni keno Ayezah shikupuluvae.

Rommi 16:19

Nonguno atsa kiviu gholukeu kumtsuno ithi ani, tishikehu nongu shou ilovi ani. Niye nongu pelo kiuno tiche-tighe kuhakeu akivi keno tipaulo alotsu penishi, ikemu kiuno alhoksa keno tipau kumomthakeu shipenishi.

Rommi 8:12

Tishiaye, ithikuzumiqo, ninguye timi lhoaye pulou pape ghi xukepu pi-agha puamoe,

1 Kor. 14:11

Ikehu atsa pikeu tsa ino mtha aye khuno tipau piani keno ighenguno paye inami shiauve nani eno nighi pa ghenguno ghi inami shiauve nani.

1 Kor. 14:16

Kughengu nono angu-ghalo likhino Alhou shikimithi aye, kuho kuami inapughami lakhiye nono kiu pianikeno mthakeloye kishino “Amen” ipi nono shikimthi akeulo pikuqhaluni kya?

1 Kor. 2:13

Ikehu ninguye timi suqekighithino shikakeu tsaqo pesu pichemoe, ikemu Aghungu Kimthe no shikakeu tsaqo pesu picheni, kuchou nguagha ghili pesu Aghungu ghokulumiqo kimghipiye cheni.

1 Kor. 3:18

Timi khumu alikhi ampi pishiqhi kepu kumoe. Nongu gholo khualano paye hipa yeghi gholalo asuqe kighithimi kepi kumsu aghi aye, paye asuqekighithimi kuchou shinike ghenguno mbomzumi lakhi shivekepue.

2 Kor. 10:12

Kuchouno ninguye alikhi ampi sheqhe chekemi khami sasu jokumtsaju momu kimghiju akepu kuhake. Ikemu kughono panongu likhi panongu mighijukile eno panongu likhi panongu xathakilejuni keno panonguye mubomzumi qoke.

2 Kor. 11:19

Nonguye alokutsumi kehu kughuzumi lau alokivishi kutuulu auvae!

Kolosiami 3:11

Hipau kuxuloye Grikmi, Judami, aphighu yiko ghakeu, ghamokeu, ayekumthami, akupusho akuxulo achekemi, aquaxemi momu timi qechemokemi ipi kututa shiakepu kuhae, ikemu Khristo ye thwokhalo ke eno kumtsu gholo anie.

2 Tim. 2:10

eno Alhou wu kishekiphemiqo ghenguno niye thwokha puqheluvetsu anie, tishianguno panongu ghi Khristo Jisu launo akimthe jekipino xakulupushi akeu ithulupeniyeke.

Titus 3:3

Kughengu ghuthu lakhiloye ningu ampi ghi mbomzumi, aghelumokemi eno achipikumomi shi acheke. Eno ashiaji ghakiqipu ngo aghoapulou qemi shi acheke, phimokilekeu eno anhekushulo xuacheke, kutamino ni mithi eno nino kutami mithi cheke.