Rommi 1:13 - BAIBEL (BSI)

¹³ Athikuzumiqo, nongu pelo hi ithi penishi ani; ghuthu kutomo niye nongu putsa ighiniye kughu acheni, ikemu kiunokela pulhapuju ipelo tishimlano achenipeke. Ino Judakumomi mlo pekide tsuke toi nongu gholo ghi tishilu penishi ani.

Sümi Tiqhelimi Bible

¹³ Athiküzümi eno achelimiqo, ni ye nongu pelo hi mtha no ape nishi amoe, tiye I no Jewkumomi kütamiqo gholo shikeu toi nongu gholo ghí ni ye aghungu kümlà pekholu niye ghuthu kutomo nongu lau ighi niye kughuju ke ikemu itehi kutólo I pelo tishilu pe nikeu lono lakhape püani.

Sumi Naga CL (Re-edited) Bible (BSI)

¹³ Aküsamiqo, nongu pelo mthano apeni shimoye pi ani, ni ye ghuthu kutomo nongu lau eno Jewkumomi lau ghi ighi no nongu gholo ghile hunike kughu ighivae (ikemu ishi kutolo lakhave ke likhie).

Rommi 1:13 Mawu Ofanana

ISAIAH 27:6

Ighinikeu tsalalo, Israil lo akemi, Jakob lagha qoye asubo lakhi toi akuhu qusu nani eno panonguye mini puzu apishe ipeghi nani. Panonguno axathi pithikeuno ayeghi nhakhaluve nani.

John 12:24

Kuchouno ino nongu vilo pini, athi lothi lakhiye ayeghilo ikiqi ilono thive moke thaqhuloye tilikhi patho acheni; ikemu tipauno thive aye alothi kutomo pithilu cheni.

John 15:16

Nonguno ikisheluke kumoe, ikemu ino nongu kishelu eno nongu hekutsulu eno wupuzu tamono axathi kutomo pithipeni yeke. Tishianguno nonguno ije lono Apuh vilo kiu kiumu khu aye pano nongu tsu nani.

John 4:36

Ghilelo huakeu timi huye ajume ithuluvae eno lhokta kuxu ghenguno athi pekutsu ani; tishianguno xusukeu ngo ghile huakeu pama kumtsa alovi kuqhanike.

Apostolmi 1:15

Tishiwo kushuwa kumolo, kupulumiqo kuho kelauye kumtsu kuqhakelo 120 kumqolue, tile Pitor no puthughono pi,

Apostolmi 14:27

Panonguno Antiok lo ighi kelo akukuhomi kuhokumqo, eno tipaqo vilo Alhou no kishi panongu peitha keno kishekulu lhe, Judakumomi pelo pululu penike ghenguno Alhou no alaghi kishi kophe tsu anikeno pie.

Apostolmi 15:12

Ike tile kuho akemi kumtsu iquneive eno Barnaba ngo Paul pamano Alhou no pama vechewo Judakumomi gholo amchipu ngo akumzapu shikeu kumtsu lhepe pikeulo tsaqui ini.

Apostolmi 19:21

Hipaqo shivekethiu, Aghungu no hakitekeulo Paul no Makedonia ngo Akhaiya lono izususu Jerusalem lo wunikeu avehu kughuluve. Pano ishi pia, “Ino tilau wu kethiu niye Rom ghi jumasa ani.”

Apostolmi 21:19

Panoqo sasu petha shipuzu Paul no panoqo vilo Alhou no pa vechewo kishi Judakumomi gholo kiu mlatsu anikeno apasu shi lhepiye.

Apostolmi 28:14

Tile ninguno kupulumi khami phulu eno panoqo gholo ngotsulopi kusukelo tile atsala tsuni puwove. Eno tishieno Rom lo ninguno ighi.

Rommi 1:12

Ike tiye akupulu lono ningu lakhino lakhi shikumtokile ani.

Rommi 11:25

Ithikuzumiqo Alhou wu tuqhou kukughu lakhi anike ino nongu pelo ithipenishi ani, nonguno nongu lokutsu alotsuh shipeuve nosake. Tiye hi kene; Israilmi shou amlo hekikekeu ikughi akeuye Judakumomi khije Alhou lau ighikepushi ani keno tipaqo ighikupu mphi kutolo likhike.

Rommi 7:1

Ithikuzumiqo, ino nongu vilo piniye akeuye nonguno ithi ani, kughengu niye ayezah ithiakemi vilo piniye anie, ike ayezah ye timi lakhino xuake thaqhulo likhi pa shou qhasupe achenike kumo kesha?

1 Kor. 1:10

Athikuzumiqo niMpeu Jisu Khristo kuka akeu vechewo ino nongu qhuiniju anike, nongu kumtsuno kuptsa kuqhalulo eno nongu gholo kijethakile keu apekevilo; ikemu akukumsulo eno kughathalu keulo aphiphishi kuqhakulu shilo.

1 Kor. 10:1

Athikuzumiqo, niye nongu pelo nipu-asu qoye kishivekeno ithi penishi ani. Panongu kumtsu akimhino khesasu checheke, panongu kumtsu Azughi vechesu wulukhake.

1 Kor. 12:1

Athikuzumiqo, itehiye Aghungu no agho tsukeu ghili kuchouno kiu keno niye nongu pelo ithive penishi ani.

1 Kor. 14:20

Athikuzumiqo, nongu kukumsulo itimi toi shikevilo. Alhoksa shinikeu loye itimi toive masa ikemu akukumsu loye tekhoyi vemasae.

1 Kor. 14:26

Athikuzumiqo, tishiaye kishi kepu kya? Kughou nongu kuhoni keno khuu khunomu alekiphepu lakhi sughiluvi, kutsukepu lakhi sughiluvi, piyekusu lakhi sughiluvi, atsa kutau momu tipau pekidesukeu sughiluvi. Ikemu kumtsu akukuhou xaqhepuku kepu shimasake.

1 Kor. 9:2

Kutamino apostolmi kepi ni ikhilumo namu nongu lau likhimu niye apostolmi ke. Nonguno Ampeu lau xukimepe akeu huno niye apostolmi lakhi kepi mtsuqheyi shitsu ani.

2 Kor. 1:8

Kughengu ninguno Asia yeghi bocholo shilukusa sholukeu nongu pelo mthano apenishi moe. Shishe puqhekumla pushi ningu munudaqhi kelauye ninguye akuxu ghi pulumoveke.

2 Kor. 2:14

Ikemu Alhou lau shikimthikeu alo! Kughengu Khristo gholo kimepe akeu lono, Khristo no aghutolu keulo akughumi shekujo chekeu toi Alhou no pulhapuju ningu sacheni, eno Alhou no ningu peitha puzu axokutsungu toi timi kumtsu vilo Khristo ithilupe nikeu vekupha cheni.

Galatiami 3:15

Athikuzumiqo, timi kuxulo kichekipiye tsuni: timi kini dolo thotsu pulo shoqhi shive keu hexa luchemo momu sukupha lu chemoe.

Galatiami 6:18

Ni Mpeu Jisu Khristo wu kupukini nongu athikuzumi kumtsu ngugha gholo apeniu Amen.

FILIPIAMI 1:22

Ikemu xuape kepushi aye, niye ame kuapu kumla alau shilu ananike. Ike khikhiu kishelu kepu keno niye pimlae.

FILIPIAMI 4:17

Niye agho ichhepe nikeu phuche nike kumoe; ikemu nonguno Alhou lau kike achekeulo alaushi thuwulu penishi chenike.

Kolosiami 1:10

Tishino nonguye Ampeu pulou lono ame kua kuxu xulu, pa lokiqipu shilu, akumla kivi kumtsulo athi pithilu eno Alhou kighithi alau shilu ishi nanike.

Kolosiami 1:6

Nonguno Alhou wu kupukini hu kuchou kepi chilu eno ithi kuthuluke tsala lono nongu gholo athi pithilu eno thuwulu akehutoi, ayeghiqha kumtsu atsakiviuye athi pithilu eno thuwulu ani.

1 Thes. 2:18

Tipau ghenguno ninguye nongu lau ideighi nishi ake, ni Paul no ghuthu kini kuthu kutolo wuniye shike, ikemu Satan no ningu lakhave.

1 Thes. 4:13

Athikuzumiqo, kithimiqoye kishive akelapi nongu pelo mthano apenishimo kelauno hi pithilu ani, tishianguno lajupu kuhakemi kutamiqo toi mono nonguye amlo kusa shipemo niyeke.

2 Thes. 2:7

Kughengu muzamghalei keu kixikilau huye itehighi tuqhouno akumla shiauvae; ikemu pa hakha pesu akeuno kuhave kethiuno kiu shiniye anikeno tipau shilu nani.

2 Tim. 4:17

Ikemu Ampeu no igholo ake eno Alhou tsape hu pesu Judakumomi kumtsu vilo chixechileyi pikulhalu kepushi ishikumto tsuke; ikehu abongushu baxa lono ixapheluveke.