Piyeküsü 9:21 - BAIBEL (BSI)

²¹ Tike kumono panonguno ghiqhikile chekeu, kuduu shichekeu, salha shupukeu eno pukachekeu lono xaideghimoe.

Sümi Tiqhelimi Bible

²¹ Momu panongu ye timi ghiqhi püakeu, kuduu shikeu, kipito xüküpsa kümlà momu panongu küpüka lono xaidemo ke.

Sumi Naga CL (Re-edited) Bible (BSI)

²¹ tike kumono panow ghikiqhi, küdüu kümla, asalha ashupu momu aküpka lono xaide moe.

Piyeküsü 9:21 Mawu Ofanana

ISAIAH 47:12

Owu kuduu khadu eno zuluvechekeu jeli kumtsu qhivelo; nono lhothemi shiaphi lono tipaqo peithacheke. Kutoumu tipaqoye okuphulu nani keniake; kutoumu nono oghumi shikichilu nani keniake.

ISAIAH 47:9

Ikemu paikhavino, atsala lakhi lono hikuma kinikujo oshou shive nani. Nono kuduu jeli peithaju anamu noye okimi ngo onuliqo puhave nani.

ISAIAH 57:3

Ikemu nongu axinemiqo hikidiu kughathabe kepu shi ighilo! Nonguye tughami chine, shupu salha eno kutuqha chekemi tianuliqoke.

DANIEL 11:33

Timiqo sakiphemi alokutsumiqoye pa lokutsupe timi kumtsu sasu kusaje nani. Ikemu ado kitila dolono panongu khami aghukishi lono heqhive nani momu amino pitiqhive nani eno timi khami anhemgha luve tsuno kughape akughumi shive tsuni.

MALAKI 3:5

Aqokitikhi MPEU no pi, “Niye kughatha nike nongu gholo ipeghi nani eno khunoqono kuduu shi cheni, salha shupu cheni, akimki shepe shi cheni, khunoqono pano kumlami atha tsukelo pishiqhi cheni eno khunoqono chimemi, mighimghaqo eno inaghami hapheve cheni eno isumsa chemo keno timi tipaqo shou ngukube nike ino ashepe tsunike ighi nani.

MATTHEW 15:19

Kughengu timi mlo lono alhoksa kukumsu ipeghi puzu ghiqhi chenipe, kutuqhakile chenipe, salha chenipe, puka chenipe, akimki shepe shichenipe eno kutami xishi chenipe.

2 Kor. 12:21

Ino tilau ighikelo itaghi iLhou no nongu zulono ishikukujokeu musa anike, eno timi kutomo ghenguno niye qa-mloni chenike, wovekeulo khunoqomi axine shive ti mithemokeu jeli ngo kipti toti dolo xine ngo ghasu hasumlakeu panonguno shipuani eno xukithe lumono anike.

Galatiami 5:20

ajulho kumlla, atumu, kimthikile, anhekushu, amlokighide, alikhi asala kuphu, kotha kilekeu, kuqhakumla,

Piyeküsü 13:13

Tughashi hi akiniu huno amchipu kumla kije shipepiye, timi kumtsu zulo atsutsu lono ayeghi shou ami iqighi pe.

Piyeküsü 13:15

Tughashi akiniu pelo tughashi atughiu julho shisu keulo atuthu sutsukulupu kuka pesu tsu, tishianguno tughashi julho pelo atsa ghi pikulupu shipeniyeke eno khunoqono tipau mllamo nikeno tipaqo pithive peniyeke.

Piyeküsü 13:7

Tipau pelo Akimthemiqo shou aghushi nikeu eno toluvepe nikeu shive. Timi muqojeli, atsa jeli kipimi eno ashiayeh jeliqo shou akuka peitha penikeu shive.

Piyeküsü 14:8

Kungumi akiniuno atughiu papeghi ishipi “Ikiqivae, Babilon akijeu huye ikiqivae. Lino ashiayeh kumtsu pelo li shiaji ghasumlakeu shoche peke!”

Piyeküsü 16:6

Panonguno Alhou wu timiqo ji eno tungkupmi ji pelecheke, ikehu nono panoqo pelo ahji yepeniye tsu anike. Panonguno ithulu kuzupu shiakeu panonguno ithulu anie!”

Piyeküsü 17:2

Ayeghilo kukamiqono ngosukumlau ashupuu sasu shupusalha achenike eno ayeghilo timiqoye lino shupusalhakeu ji yekeuno shomzuvae.”

Piyeküsü 17:4

Totimi huye tsunguyi eno hughayikeu phimini pepu ae eno shunayino shikeu ngo amekushotu achiku chino ananu shipusu ae. Liulo shunayi jukhu lakhi pea, tipaulo aphikumqhupu thime ngo li salha lhoksano chhitoi ae.

Piyeküsü 17:5

Li kishelo tuqhou kiqi lono aje lakhi yepe pua: “Babilon akijeu, salhashupumi eno ayeghilo aphikumqhupumi kumtsu paza.”

Piyeküsü 18:3

Kughengu ashiayeh jeli kumtsuno li shiaji kimighe ji shomzuvae; eno ayeghilo kukamiqono li sasu salha, eno ayeghilo alhikishimino liwu aghichikupo kinikulushi akeu vechewo kinimi shilukhavae.”

Piyeküsü 19:2

Pawu kughakuthaye kuchou eno achipike. Kughengu pano ngosukumla ashupuu shou aghime tsuke, lino li salha pesu ayeghi shipusa cheke. Alhou no li shou aghime tsukeuye lino pa qemiqo pithive kehue.”

Piyeküsü 21:8

Ikemu akumsami, pulukumlami, kitiqevekemi, ghikiqhimi, kusalhami, kuduu shichekemi eno ajulho shisukeu mllakemi eno kimkimi kumtsu ami ngo amichu pitiakeu yizulo anani, tiye akithi akiniuke.”

Piyeküsü 22:15

Ikemu aphughi nguno khalauye alhoksa kitiqevekeqo, kuduu shichekemiqo, salha shupukemi, ghikiqhimi, ajulho shisuno tipau mllakemi, akimki kimiye eno miki cheni keno tipaqono acheni.

Piyeküsü 9:20

Timi khije pusa hipaqono pithimono achili shiaghikeno tipaqoye panonguno mlape qhichekeu launo xaideghimoe. Panonguye tughami mllachekeu phevemoe, momu shunayi, tsandiyi, alazayi, asu atu julho mllachekeu phevemoe, tipaqoye ithuluchemo, chiluchemo eno alachelu chemoe.