Piyeküsü 9:17 - BAIBEL (BSI)

¹⁷ Ino kungulonhetsulo khurshiqo ye hitoi ithulue: khurshi shou chekemiye ayikutuqhokeu mla-kuxa pepu ae, tiye ami toi huchui, safir toi tsulabeyi eno amichu toi awunye. Khurshiqo kutsuye abongushu toi eno ami, amichhi eno amichuno panoqo kichi lono ipeghi.

Sümi Tiqhelimi Bible

¹⁷ I no kungunhetsü lono khurshi eno tipau küsámiqo ithulu keu ye hitoi ke: Panongu mülaküküzüpu ye ami toi huchuhuyi, tsülabei eno amichu toi awune ke. Khurshi kütsüqo ye abongushuu kütsü mihi ke, eno panongu kichí lono ami ngò amichhi eno amichu ipeghi ke.

Sumi Naga CL (Re-edited) Bible (BSI)

¹⁷ Iw kungunhetsü lono I no khurshi eno tipau sakichemiqo hitoi ithulue: panoqo ye ayi mlaküxa pepu, tipau ju ye ami toi huchuyi, sapphire tu toi tsülabei, eno amichu toi aune; khurshiqo kütsü ye abongshuu kütsü toi püzü tipaqo kichi lono ami eno amchhi ngo amichu ipeghi.

Piyeküsü 9:17 Mawu Ofanana

BOTHUBO 19:24

Tile AMPEU no Sodom ngo Gomora shou atsutsulo AMPEU launo alkatra kipti ngo ami ishi ghuqhi pukue.

YEKIKITHI ATUGHIU 12:8

Timi hipaqono Gad laghalo puju pejuve kemi ghushimi aghulo ajekipimi panonguno David no asaye yeghilo aghukhe alo akelono panonguno pa gholo kuqhaluve. Panonguye azuto eno angu kipelo shitsa, eno jukelono mu abongushu toi ju ighue eno naghutolo ashe toi ighono muthue.

LESHELE 11:6

Kixikilami shou pano amiyi kuiqu ngo amichu ghuqhi puku cheni; Pitipuzakeu mulhu pesu panoqo saje shitsu cheni.

ISAIAH 30:33

Asiriya lo akukatou ami lono piti kepushi kha-ghino a-a lakhi kutope auvae. A-a tipauye thonhei eno kijeke eno asu ghekisheqhe puani. Tipaulo ami sunike AMPEU no ami kuyiqu amuqo lakhi fupuwu nani.

EZEKEL 33:22

Pano ighinike jilo, AMPEU no sasu akeu kuka kumto ino ithi. Tishino thanau timi huno ighikelo AMPEU no atsa pikulupu kuka pesu itsuchileke.

DANIEL 8:2

Kungunhetsu lo niye Elam yeghiqhalo Susa phughi lakhi aghutuno putumuxape akeulo ngo aghi keu ithulu. Ino Ulai ghoki mukulo puthughoa.

DANIEL 9:21

Ino akighini shi akelono, Gabriel, khuu azuu ghi ino kungunhetsu lono ithuluvea keno, ino ngo akelono yesusu iqi cheghi. Hiye avelau ghiqhipe mllachekeu ghuloki shia.

Piyeküsü 11:5

Khunono pama shipusaniye shinikeno pama kichi lono ami ipeghi puzu aghumi pitiqhive cheni, titoi shipuzu pama shipusaniye shikemi pithive nani.

Piyeküsü 14:10

timi tipauye Alhou loghu ji lekitemokeu pa jukhulo lesuno shope nani. Timi tipauye kungumi akimthemi zulono eno Bheriti zulono ami ngo amichu pesu pitipuzaqhi nani.

Piyeküsü 19:20

Tughashi ngo pa gholo kichile tungkupu pa zulono akumzapu kumla shichekeu ngo ishi akughu shipeniye kughaluve. (Kichile tungkupuno akumzapu kumla shipuzu khunoqono tughashi wu amchi pe-a eno khunoqono tughashi wu ajulho shisukeu mllachekeno tipaqo pishiqhi acheke.) Tughashi ngo kichile tungkupu pama kini kujo akuxuno amiyizulo amichu pesu pitiakeulo vesuve.

Piyeküsü 20:10

Tileno pano pishiqhichekeu Tughami huye ami eno amichu pitiakeu yizulo vesuve, khipa-alo tughashi ngo kichileu tungkupu vesupe puakeno, eno putho pucho alhokupujulo panonguye tileno pitipuzaqhi nani.

Piyeküsü 21:20

apunguuye oniks-tuno, akutsughou ye karnelia-tuno, akutsuniuye quartiz-tuno, akutacheuye beril-tuno, atokuuye topaz-tuno, achighiuye khalsedoni-tuno, chighiaqhaqhiuye turqoiz-tuno eno chighi akiniuye amythis-tuno shipe pua.

Piyeküsü 21:8

Ikemu akumsami, pulukumlami, kitiqevekemi, ghikiqhimi, kusalhami, kuduu shichekemi eno ajulho shisukeu mllakemi eno kimkimi kumtsu ami ngo amichu pitiakeu yizulo anani, tiye akithi akiniuke.”

Piyeküsü 9:18

Pusa hipano kuthu pesu timi lhoxu kikije akuthuu pithikhavetsu: khurshiqo kichi lono ami, amichhi eno amichu ipeghikeu huno.

Piyeküsü 9:9

Panongu mlaqhaye ayi kutuqhokeu mla-kuxa toikeuno nhapua, eno panongu chishibono asutsa shikeu ghughaye khurkuluno aghushiwuniye kohachekeu sutsa toike.