Piyeküsü 6:14 - BAIBEL (BSI)

¹⁴ eno likuzu kaku kuzuluve keshi atsutsuye hauve; naghuto lakhikhi eno zudoyeghi lakhikhino pututa-a lono iqeuve.

Sümi Tiqhelimi Bible

¹⁴ Liküküzü kaku lakhi liküzü akeshi atsütsǘ hu ye hailove eno naghuto ngò züdoyeghi kümtsü pütüta-a lono iqeve.

Sumi Naga CL (Re-edited) Bible (BSI)

¹⁴ Atsütsü no kaku liküzü akeshi hauve, naghuto ngo züdoyeghi kümtsü pütüta-a lono kiqeve tsü.

Piyeküsü 6:14 Mawu Ofanana

LESHELE 102:26

Tipaqoye hauve nani, ikemu noye ache nani; panoqoye aphimini toi aqa shive nani. Nono aphimini toi tipaqo peve nani. eno panoqoye hauve nani.

ISAIAH 34:4

Tsukinhe, aqhi eno ayepuqoye ipopinyi amukhu shive nani. Atsutsuye likuzu kaku toi kuzupesu hauve nani eno ayepuye atsayibo momu khughuthibo lono anipa ighiqike toi ikiqive nani.

ISAIAH 54:10

Naghuto ngo atoghiqono ipa ikiqiluvi, ikemu ino nongu kimiyekeuye khilemu ashekha shivemoke; iwu alokughunopu shoqhi niye alhokupujulo peche nani,” ipi nongu kimiyechekeu MPEU no pi ani.

JEREMIYA 3:23

Nino naghuto toghilo asu atu mllakeuno kiumu nikuphuluni chemoe. Israil kukuphuye niLhou AMPEU lau likhino ighi cheni.

JEREMIYA 51:25

Babilon noye naghuto lakhino ayeghiqha kumtsu kutsaleve keu toike, ikemu ni, AMPEU ye oghumike. Ino otsuquluve nani, ayeghi lo osunhe kuluqhive nani eno ayevulo oqhive nani.

EZEKEL 38:20

Ayeghilo ashi, aghau, akha jeli kije na kitila namu eno timi lhoxu kumtsu imusa kelauno khokhoshive nani. Naghutoqono ikiqive nani, atuxuqono ipopinyive nani eno putukeu tupikiye kumtsu ilaiqive nani.

NAHUM 1:5

AMPEU zulo naghutoqono itha pa zulo atoghino azu ilhouveke. AMPEU no ipeghi kelo ayeghino sukinike; ayeghiqha eno tile akemi kumtsu khokhoshike.

HABAKUK 3:10

Naghutoqono no-ithulu kelo khokhoshive; atsutsu lono azu leqhike. Ayeghi qhou azu akeqono igha eno tipaqo zu kukuchono qhemghai iku.

HABAKUK 3:6

Kughou pano ngoveni keno ayeghino sukinike; pano jupuwo kelo ashi ayehqono khokhoshive. Alhokupuju achekeu naghutoqono ipopinyive; alhokupuju achekeu toghiqono ipa-ilove, kha-ghi pano khilehi chewuchekeno tipa toghiqoke.

2 Peter 3:10

Ikemu Ampeu Tsalaye kupukami lakhi toi ighi nani. Tipa tsalalo atsutsuye asutsa kuloghishi ighano hauve nani. Atsutsulo akeqoye pitipuhave nani eno ayeghi ngo tile akeu jeli kumtsu piti puhave nani.

Piyeküsü 16:20

Zudoyeghi kumtsu ithumlavepe naghuto kumtsu hauvepe.

Piyeküsü 20:11

Tileno ino akuka lakhu akuloghi lakhi metsughoikeu eno tipau shou iqa akeu ngo ishi ithulu. Ayeghi ngo kungugha pa zulono yeuveno ithumlave.

Piyeküsü 21:1

Tileno ino kungugha kithe eno ayeghi kithe lakhi ithulu. Kungugha atughiu ayeghi atughiu eno azughiye hauve.