Piyeküsü 22:18 - BAIBEL (BSI)

¹⁸ Khunoqono kaku hipaulo tungkuptsa chiluve akeno ni Johan no tipaqo vilo piputo ani, khunono hipaqolo kiukiumu sukuphani keno, kaku hipaulo pusaqo pipuakeu Alhou no tipau pesu pa shou aghime qabetsu nani.

Sümi Tiqhelimi Bible

¹⁸ Liküküzü kaku hipau lo tungkuptsa chiluve kemiqo kümtsü lau I no pikichi ani: Timi khuala no tungkuptsa hipau lo kiuala alá süküpha aye Alhou no liküküzü kaku hipau lo püsa ghili pipüa keu pesü timi tipau ghimeqhi nani.

Sumi Naga CL (Re-edited) Bible (BSI)

¹⁸ Khunono kaku hipau lo tungkuptsa chiluve akeno, ni John, no milakhikhi vilo kütüghüve ani, khuana no hipaqo lo süküphave aye, kaku hipau lo püsa jeli yepüa keqo pesü Alhou no pa shou küphatsü nani,

Piyeküsü 22:18 Mawu Ofanana

AHOLE 30:6

Pano khilemu pipuamo amu kiuala piqhi puanikepi nono picheni aye pano olomi pinani eno noye kimkimi lakhi kepi pano ophuluve nani.”

ACHINE 26:18

“Hipaqo kumtsu shive kethiu ghi nonguno igholumo aye ino nongu ghimeqhi keu ghuthu tsuni kighishe vetsu nani.

ACHINE 26:28

tileno iloghu lono ino nongu shou akumou shinani eno itaghi nongu ghimepuye puzuu nguno alhoksa kutuu shi ghuthu tsuni kighishetsu nani.

ACHINE 26:37

Timi khunomu nongu hachemo namu nonguye lakhino lakhi kupxalu nani eno nonguye aghumi khuumu sasu kumjomla nani.

MATTHEW 15:13

Tile Jisu no khochile, “Ipuh kungughalo akeuno shosumo keu subo khikhi aghini keno nhuve nani.

Ephesiami 4:17

Tishiaye, Ampeu je lono ino hipau piani eno hi pikithe ani: nonguye khilemu Alhou kuhakemi toi xukevilo; panongu kukumsu abokumsake,

ZAKINIU 12:32

“Ino ahza nongu tsukeu thwokha shilo; tipaulo kiumu sukupha kevi momu tipau lono kiumu ikhive kevilo.”

ZAKINIU 4:2

Ino nongu lau kiu yezah tsuve akeno tipau shou kiumu kupha momu ikhive kevilo. AMPEU nongu Lhou zah kutsu ino nongu tsuvekeu gholulo.

1 Thes. 4:6

Hipau vehulo timi khumu pa thikuzuu lau akumou shikevilo momu pawu kiu keno hexatsu kevilo, kughengu ninguno puzuuno nongu kutughuve ketoi khunoqono tikithipu shicheni keno Ampeu no tipauqo ghime nanike.

Piyeküsü 1:3

Khunono kaku hipau phini keno tipaqo kumghae eno khunono tungkupu tsape hipaqo chiluni eno tipaulo yepuakeu pelu nikeno tipaqo kumghae; kughengu adoye kupunuvae.

Piyeküsü 15:1

Tileno atsutsulo akumzapu amchi kije kutau lakhi ino ithulu: kungumi tsunino pusa tsuni peche. Hipaqoye pusa ashekhauqoke eno tipaqono Alhou loghu kishekha nikeu shipesu ae.

Piyeküsü 15:6

Kungumi tsuni pusa ashekhau tsuni peakeqono achineki lono ipeghi. Panonguye tsughukhuyi mulapuyikeu phi pepuae, eno shunayino shikeu akichhekighi pesu panoqo mla khapu ae.

Piyeküsü 19:20

Tughashi ngo pa gholo kichile tungkupu pa zulono akumzapu kumla shichekeu ngo ishi akughu shipeniye kughaluve. (Kichile tungkupuno akumzapu kumla shipuzu khunoqono tughashi wu amchi pe-a eno khunoqono tughashi wu ajulho shisukeu mllachekeno tipaqo pishiqhi acheke.) Tughashi ngo kichile tungkupu pama kini kujo akuxuno amiyizulo amichu pesu pitiakeulo vesuve.

Piyeküsü 20:10

Tileno pano pishiqhichekeu Tughami huye ami eno amichu pitiakeu yizulo vesuve, khipa-alo tughashi ngo kichileu tungkupu vesupe puakeno, eno putho pucho alhokupujulo panonguye tileno pitipuzaqhi nani.

Piyeküsü 20:15

Kuxumi kakulo khunoqo je yepuku puaghimo keno tipaqoye amiyizulo vesuve.

Piyeküsü 22:10

Pano ivilo highi pi, “Kaku hipaulo tungkupu tsa pipuakeu kusupe qhi kevilo, kughengu hipaqo kumtsu shikupuni keu ghulokiye kupunuvae.

Piyeküsü 22:16

“Ni, Jisu no thime hipaqo pesu nongu akukuhou qolo asheshupeniye iwu kungumi puwuvae. Niye David kuhu-aghu eno David laghamike; niye inaqhe yepu huke.”

Piyeküsü 22:7

“Julo! Niye itheno cheni. Khunono kaku hipaulo tungkupu-tsa yepuakeu peluni keno tipano kumghae,” ipi Jisu no piani.

Piyeküsü 22:9

Ikemu pano ivilo ishipi, “Tishi kevilo! Niye aqemi okusauke, eno tungkupumi qemi akusami, eno hipau kakulo atsa pipuakeu pelukemiqo qemi akusamike. Alhou mllalo!”

Piyeküsü 3:14

“Laodikia kukuhoulo kungumi akeu lau yelu ani: “Atsape hipauye Amen launoke, pukhukuluu eno ashepeu kuchou; Alhou no lhophe puakeqo shou atughiu launoke.