Piyeküsü 22:15 - BAIBEL (BSI)

¹⁵ Ikemu aphughi nguno khalauye alhoksa kitiqevekeqo, kuduu shichekemiqo, salha shupukemi, ghikiqhimi, ajulho shisuno tipau mllakemi, akimki kimiye eno miki cheni keno tipaqono acheni.

Sümi Tiqhelimi Bible

¹⁵ Akimthe Mishighüna khalau ye atsǜqo anie; tipaqo ye kuduu shi chekemiqo, kipito kimthe kumo, hekiqhimi, ajulho mülá chekemiqo eno khunoqo no kichileu kimiye no kichileu kümlà shiche keno tipaqo ke.

Sumi Naga CL (Re-edited) Bible (BSI)

¹⁵ Kughengu khalau ye atsüqo, küdüu kishimi, ashupu asalhami, ghikiqhimi, ajulho kümllami, eno pishikiqhi kimiye no tipau lono xüche kemi no acheni.

Piyeküsü 22:15 Mawu Ofanana

KUKAMI ATUGHIU 22:8

Ahab no khochile, “Milakhi aphie, tiye Imla nu Mikaiya aphie. Ikemu niye paju ilochemoe, kughengu paye khilemu ighenguno akivi tungkuptsa pitsu moe; ikemu alhokuthu alhoksa likhi picheni.” “Noye khilemu tishi pikepu kumoe!” pi Jehosafat no pa khochile.

AHOLE 12:22

AMPEU ye kimkimi mithi cheni ikemu khunono pututano piqhivekeu tsa pecheni keno paye tipaqo lau amloqi cheni.

AHOLE 7:27

Nonguno li kilo wuaye kithimi yeghi laghilo wucheake. Tiye akithipu shokuthalake.

ISAIAH 47:12

Owu kuduu khadu eno zuluvechekeu jeli kumtsu qhivelo; nono lhothemi shiaphi lono tipaqo peithacheke. Kutoumu tipaqoye okuphulu nani keniake; kutoumu nono oghumi shikichilu nani keniake.

ISAIAH 47:9

Ikemu paikhavino, atsala lakhi lono hikuma kinikujo oshou shive nani. Nono kuduu jeli peithaju anamu noye okimi ngo onuliqo puhave nani.

ISAIAH 57:3

Ikemu nongu axinemiqo hikidiu kughathabe kepu shi ighilo! Nonguye tughami chine, shupu salha eno kutuqha chekemi tianuliqoke.

JEREMIYA 5:31

tungkupumino akimki likhi thono kiumu pi moe; achinemino tungkupumino ahza tsukeu lono ayehpeke; eno iwu timiqono tipaulo kiumu mopikeu kuhae. Ikemu kughono tipaqo kumtsu kuhaveni keno panonguye kishi nani kya? “

MALAKI 3:5

Aqokitikhi MPEU no pi, “Niye kughatha nike nongu gholo ipeghi nani eno khunoqono kuduu shi cheni, salha shupu cheni, akimki shepe shi cheni, khunoqono pano kumlami atha tsukelo pishiqhi cheni eno khunoqono chimemi, mighimghaqo eno inaghami hapheve cheni eno isumsa chemo keno timi tipaqo shou ngukube nike ino ashepe tsunike ighi nani.

MATTHEW 7:6

“Akimthe nhemgha pesu atsuqo tsukevilo; eno akughupu chi pesu awoqo zulo veqhitsu kevilo, panonguno apukhuno nedaqodave nosake eno ighowo nongu kutsave nosake.

MATTHEW 8:12

Ikemu Kungugha yehkipelo aghikepushi akeqo huye khalau zumoyikelo vepheve nani, tilano panonguye qa-mlo nani eno aghime launo ahu tsughububushi nani.”

John 8:46

Nongu gholo khuuno niye axine shi aniepi akipimi itsulu nani kya? Ino nongu vilo kuchou tsa pike nonguye kushiye ipulumo kya?

Apostolmi 8:11

Pano pawu kuduwu shikeu pesu ado kushuwalo panoqo shikichimama chekehu panonguno pa phesu ache.

ZAKINIU 23:18

Tike kumono, hitoi shipuzu pisa qelukeuye shoqhi bekutha shikupukeu lakhi shinike AMPEU nongu Lhou kilo suloghi pekevilo. AMPEU no achinekilo kusalhami jumithi achenike.

FILIPIAMI 3:2

Kusakugha shichekeqo, ti atsuqo jukuto alo, ti aphi ashi ghathamasa kepi pichekeqo jukuto alo.

Kolosiami 3:6

Hipaqo shikeu ghenguno Alhou loghuye pa hebidekemi shou ighi nani.

1 Tim. 1:10

salha-shupukemi, kiptimino kiptimi sasu kughupakemi, timi kughasawo jekemi, akimkimi, akimki shepe shikemi momu kuchou kukutsu nguno bidelau kiukiumu shikeu ghenguno ayezah mlape puacheni,

Piyeküsü 18:23

Akulu kuvu ololo khilemu itaghi ithulupemo nani; kulaliu eno kulapuu sutsa chimlave nani. Owu alhikishimiye ayeghiqha kumtsulo shishe akuka kuamike, eno owu kichileu kuduu pesu ayeghilo akemi kumtsu nono pishiqhike!”

Piyeküsü 21:27

Ikemu kiukiumu alhoksano kitiqevekeu thaqhuye aphughi tipaulo ilomla, momu khunono akukujopu kumla shi cheni eno miki cheni keno tilehi ilomla nani. Timi khunoqo je Bheriti wu akuxupu kakulo yepe puaghini keno tipaqo likhino aphughi tipaulo ilolu nani.

Piyeküsü 21:8

Ikemu akumsami, pulukumlami, kitiqevekemi, ghikiqhimi, kusalhami, kuduu shichekemi eno ajulho shisukeu mllakemi eno kimkimi kumtsu ami ngo amichu pitiakeu yizulo anani, tiye akithi akiniuke.”