Piyeküsü 22:12 - BAIBEL (BSI)

¹² Jisu no piani, “Niye itheno cheae! Pututano kiu mlape puani keno tipau qhemi asaxu tsunike ghenguno ino isaxu pesu cheni.

Sümi Tiqhelimi Bible

¹² “Julo, ni ye itheno chenie! I saxu ye I gholo ani, eno timi lakhi-khi no pa no kiu müla püani keno tipau kiqi lono tsü nani.

Sumi Naga CL (Re-edited) Bible (BSI)

¹² “Julo, Ni ye itheno cheni, milakhikhi no kiu mla püani keno tsüchile nike I no ajume pecheni.

Piyeküsü 22:12 Mawu Ofanana

JOB 34:11

Kughengu timi lakhi kumla qhemi Alhou no tsuchile cheni, eno pututa shelo pututano ithulu chenipe.

LESHELE 28:4

Pano kumla qhemi lono panongu lochiletsulo, panongu lhoksa kumla qhemi tsulo; Panongu uno kiu mlakeno tipa qhemi lochiletsulo, Panonguno ithulu kuzupu shiakeu pesu panoqo tsulo.

ISAIAH 40:10

Julo, AMPEU Alhou no akuka lono ayehpenike cheni; julo, pano xapheluvekemi timiqo pa gholo sasu cheni.

ISAIAH 62:11

AMPEU no ayeghiqha kumtsulo asheshu puwu akeu ithiwo nani: “Jerusalem lo akemi vilo pilo, AMPEU ye oxalunike cheni, pano xapheluve kemiqo sasu wocheni.”

JEREMIYA 17:10

Ni, AMPEU no timi kukumsu lheju eno timi mulo ijoju cheni. Pututano mlachekeu kiqi lono ino milakhikhi peithaju cheni.’

ZEFANIA 1:14

AMPEU tsala kijehu kupunuvae, ighono kupunuvae eno payi ighi nani. Tiye kukhu kimji tsala shi nani, kughengu ghushimi amlo kuloghiu thotsu amlo hauveno igha nani!

MATTHEW 16:27

Kughengu Timi Nu ye paPuh wu akimthe jukuvu lono pawu kungumi sasu ighini cheni, eno tileno timi lakhi khino kiu mlapuaghi nikeno tipau lochile nani.

Rommi 14:12

Ike ningu lakhikhino pututa shelo Alhou lau kihikulai tsukepu shi nani.

1 Kor. 3:14

Khuno kumla aboqha shou shipuku keu pitipuha mlanikeno tipanoye asaxu lakhi ithulu nani.

1 Kor. 3:8

Abo shosukeu timi ngo azu pusukeu timi pama dolo kutuqukeu kiumu kuhae, pututano mla-sukeu qhemi pututa jume Alhou launo ithulu nani.

Piyeküsü 11:18

Alhou yeh kumthamino aloghu-ide, kughengu ologhu ighive kehu, eno kithimi shou xathabe kepudo shivae. Tungkupmi oqemi owu timi, omllachekemiqo, kijemi momu kitilamiqo ajume tsunikeu tuqhudo ighi ani. Khunoqono ayeghi shipusa cheni keno tipaqo shipusa nikeu tuqhudoke!”

Piyeküsü 2:23

Li pape chekemiqo ghi pithive nani, tileno akukuhou kumtsuno niye timi kukumsu eno timi mlo lhejuchekeu kenapi ithi nani. Nongu kumla qhemi lono milakhikhi lau ino ajume tsu nani.

Piyeküsü 20:12

Eno kithimi kijemi kitilami kumtsu akuka lakhu zulo puthugho akeu ino ithulu. Kakuqo lhaphe eno kuxumi kaku kutau lakhi ghi lhape pua. Kithimiye pututano kiu mlapua keno kakuqolo yepe puaghikeu kiqi lono panoqo shou kughathabetsu.

Piyeküsü 22:20

Hipau kumtsulo khuno pa shepe tsuani keno pano piani “Mutsuqheyino tishike! Niye itheno cheni!” Tishilo,Ighilo, Ampeu Jisu!

Piyeküsü 22:7

“Julo! Niye itheno cheni. Khunono kaku hipaulo tungkupu-tsa yepuakeu peluni keno tipano kumghae,” ipi Jisu no piani.

Piyeküsü 3:11

Niye keyi ighini cheni; nono peakeu mutotoi tsuqupe alo, tishianguno khuu pelomu owu tokulu saxu suxalu vepemonike.