Piyeküsü 21:4 - BAIBEL (BSI)

⁴ Panoqo nhethi lono anhezu kumtsu pano isuvetsu nani. Akithi khilemu kuhave nani, amlo imekeu, akuqa momu aghime hauve nani. Aqau thimeqoye wokhavae.”

Sümi Tiqhelimi Bible

⁴ ‘Pa no panongu nhethi lono anhezü kümtsü isüve tsü nani. Tilehi khilemu akithí küha nani,’ mloqa keu, aküqa momu aghime kühave nani, kughengu aqau thimeqo ye wovae.”

Sumi Naga CL (Re-edited) Bible (BSI)

⁴ Pa no panongu nhethi lono anhezü kümtsü isüvetsü nani, tile ye akithi ke kumono akumlo, aküqa, eno aghimeu ghi kühave niae, kughengu püzüu thime thaqhü ye wovae.”

Piyeküsü 21:4 Mawu Ofanana

LESHELE 144:4

Timiye atuthu lakhi toike; pa kuxu tsalaye wuve chekeu yekukhu lakhi toike.

ISAIAH 25:8

AMPEU Alhou no alhokupuju ghenguno akithi kutsavetsu nani! Pano timi kumtsu nhethi lono anhezu isuvetsu nani eno pawu timiqono ayeghiqha zulo kujo muzakepushi imeachekeu ikhipe wuvetsu nani. AMPEU ampino pi ani!

ISAIAH 30:19

Nongu Jerusalem lo achekemiqoye mloqah kithemo nani. AMPEU ye kuchouno kupukiniuke eno kughou nonguno kuphulepi ighani keno pano nongu ghugha initsu nani.

ISAIAH 35:10

Panonguno alokivishi Jerusalem tolu nani. Panonguye alhokupuju alokivishive nani, amlo ghime eno amlo ghuju lono alhokupujulo khaqhi pheve nani.

ISAIAH 51:11

Nono khunoqo lekholuvea keno tipaqono alokivishi Jerusalem tolu nani, alokivi launo ighamuku alephesu tonani. Panonguye alhokupuju alokivishi nani, pulhapuju ghenguno amlo kusa eno amlo ghime lono kuqho pheve nani.

ISAIAH 60:20

Nonguno amlo ghime shichekeu tsala ashekha shivepe nani. Ni AMPEU no alhokupujulo nongu kuvu shi nani, tsukinhe ngo aqhi nguno ado kushuwa anikeuke.

ISAIAH 61:3

Zion lo muloqa akemi vilo amlo ghime thelilo alokivi eno aloino keu tsupeniyeke, amloksa thelilo sheqhekeu le tsupeniye ke. Panonguye AMPEU ampino shosu keu subo toive nani. Panongu kumtsu kiuno achipi keno tipau shi nani, eno Alhou no kiu shitsukeno tipaqo ghenguno pa sheqhe nani.

JEREMIYA 31:12

Panonguno Zion Tolo ighi puzu alokivi launo ale phe nani eno ino kumsagho tsukeulo azukuvu shive nani kumsagho tipaqoye athi, atsayiji, oliv teli, bheriqo ngo amshiqo. Panonguye azu akivishi suchekeu ghutu toive nani; panonguno avehupu shikeu kumtsu aluve nanike.

JEREMIYA 31:13

Tileno ilimiqono ilhe puzu alokivi shi nani, kiptimi lhothemi ngo mucho-mino alovi nani. Ino panoqo lokughunotsu nani eno panoqo mlo kughujuye alokivi shikitheve nani, pano mloksaye amlo kiqi shive nani.

HOSIYA 13:14

Niye kithimi yeghi lono timi hipaqo xalumo momu akithi kuka lono panoqo xaphelumoe. Akithio, owu pusa jeliqo sughilo! Niye timi hipaqo shou kimiyeqhiyikeu kuhaveake.

MATTHEW 24:35

Atsutsu ngo ayeghiye hauve nani, ikemu itsaye khilemu hauvemo nani.

1 Kor. 15:26

Aghumi lelu kepushi akeu ashekhauye akithike.

1 Kor. 7:31

eno khunoqono ayeghiqha peitha anikeno ti peithamono akeshi xumasae. Kughengu ayeghiqha hipau koghekughu kumtsu wokhave ani.

2 Kor. 5:17

Tighenguno timi khuu khumu Khristo gholo xukimeluve aye paye lhoxu kithe lakhi shivae, aqau woveno akitheu ighivae.

2 Kor. 6:17

Ikehu Ampeu no pi: “Nonguye panoqo gholono ipeghivelo eno panongu launo kututa shivelo. Mithekumo kiukeno bukevilo, eno ino nongu ikhilu nani,

IBRIMI 12:27

“Itaghi ghuthu lakhi” ipikeu tsahuye lhophepe puakeu thimeye sukughutha nani eno ikhive nani, tishianguno sukughutha mlakeu thimeno acheuve nani.

2 Peter 3:10

Ikemu Ampeu Tsalaye kupukami lakhi toi ighi nani. Tipa tsalalo atsutsuye asutsa kuloghishi ighano hauve nani. Atsutsulo akeqoye pitipuhave nani eno ayeghi ngo tile akeu jeli kumtsu piti puhave nani.

1 John 2:17

Ayeghiqha eno tipaulo mineche keu jeli kumtsu wove ani ikemu timi khunono Alhou pulou shi cheni keno alhokupuju xu acheni.

Piyeküsü 20:13

Tileno azughino tipaulo kithimi akeqo pesu tsuve. Akithi eno kithila yeghi ghi tipaulo kithimi akeqo pesu tsuve. Panongu kumtsu pututano kiu mlapuaghi keno tipau kiqi lono kughathabetsu.

Piyeküsü 20:14

Tileno akithi ngo kithila yeghiye amiyizulo vesuve. (Amiyizu hipauye akithi akiniuke.)

Piyeküsü 21:1

Tileno ino kungugha kithe eno ayeghi kithe lakhi ithulu. Kungugha atughiu ayeghi atughiu eno azughiye hauve.

Piyeküsü 22:3

Alhou no ghushovekeu jeli kiumu aphughi tipaulo ithumla nani. Alhou kuka lakhu ngo Bheriti kuka lakhuye aphughi alou ake eno pa qemiqono pa mlla nani.

Piyeküsü 7:17

Kughengu akuka lakhu mutalo akeu Bheritino panongu kheu shive nani, pano panoqo sasu akuxupu zupukilo sawu nani; eno Alhou no panongu nhezu isuvetsu nani.”