Piyeküsü 21:27 - BAIBEL (BSI)

²⁷ Ikemu kiukiumu alhoksano kitiqevekeu thaqhuye aphughi tipaulo ilomla, momu khunono akukujopu kumla shi cheni eno miki cheni keno tilehi ilomla nani. Timi khunoqo je Bheriti wu akuxupu kakulo yepe puaghini keno tipaqo likhino aphughi tipaulo ilolu nani.

Sümi Tiqhelimi Bible

²⁷ Mithekumo jeli kiumu Akimthe Mishighüna lo ilo müla nani, khukhumu akukujopu momu pishikiqhi kümlà shi chekemi ye khilemu ilo müla nani, ikemu Ambeti’w aküxüpu kaku lo aje yèpüa kemiqo likhi no ilolu nani.

Sumi Naga CL (Re-edited) Bible (BSI)

²⁷ Ikemu mithekumo ye kiu gholau nomu tile ilolumo nani, tike kumono kitiqeve keu momu kichile kümla shive keumu ilolumo nani, ikemu khunono Ambetiw aküxüpu kaku lo aghini keno pano likhino ilolu nani.

Piyeküsü 21:27 Mawu Ofanana

LESHELE 101:8

Ghulo atsu-tsu ni yeghilo ino kixikilami kutsaleve nani; AMPEU phughi lono timi lhoksami kumtsu ino hapheve nani.

IPEKULU 32:32

Qeti panoqo xine peivetsulo; ikemu nono tishimo aye owu timi qo je yepuku chekeu kaku lono ije ikhivetsulo.”

ISAIAH 35:8

Tilehi alaghila anani, tipau pesu, “Akimthe Laghi” ipi kunani; Axinemi khuumu tipala pulamo nani; aghuzunikhami namu tipalalo chekelo shipimimo nani.

ISAIAH 52:1

Jerusalem mutolulo eno itaghi kije shiluvelo! Alhou phughi akimtheu, jukighilepu jukivi pepuluvelo! Mithekumomiye khilemu ohuki khalo itaghi ilomo nani.

ISAIAH 60:21

Nowu timi kumtsuno kiuno achipikeno tipau shi nani, eno alhokupujulo ayeghi pighiluve nani. Ino panoqo shosuke, ino panoqo lhoke, timi kumtsu vilo ikughushu piyeniyeke.

EZEKEL 44:9

“Ni, Akughushu MPEU no pitsu anike ayiko ghamokemi inaghami igholumo kemiqoye khumu ichinekilo ilopemo nani, inaghami Israilmi gholo xuaghikemi shiaghi pinamu.”

JOYIL 3:17

“Tishiaye, O Israil, niye nongu Lhou AMPEU kepi nonguno ithi nani. Niye ikimthe toghi Zion lo acheni. Jerusalem ye akimthe phughi lakhi shi nani; inaghamiye khilemu tipau itaghi lelumo nani.

ACHINE 13:46

Akusu tipau puake thaqhulo paye mithemo aphike, eno paye kutami launo putosuu, timino ngochekeu nguno khalau ache masae.

ZEKHARIA 14:21

Jerusalem lo eno Juda lo be-lho chekeu liqo kumtsu Aqokitikhi MPEU mlla keulo peitha nike ghenguno pakutashi qhive nani. Timi khunoqono aghashi mlla nikeno tipaqono aghashikeu shi lho nike ghenguno tipaqo peitha nani. Kughou tipa tsala ighini keno Aqokitikhi MPEU chinekilo lhidi shichekemi lakhimu qhimove nani.

AKIKIHI 12:15

Miriam ye atsala tsuni aghazu lono khathapheve eno timiqoye li sachile sailoghi mphi kutolo iqewumono ae.

AKIKIHI 5:3

kiptimina totimi namu aghazu khalau haphevelo; tipaqoye aghazu khilehi ino iwu timiqo gholo ngo anikeno tipau shipixi pemonike ahza tsulo.”

MATTHEW 13:41

Timi Nu no pawu kungumi puwu nani eno pawu Ayehkipeqhalo timi pelo axine shivepe chekeu kumtsu eno alhoksa shichekemi kumtsu kungumiqono xukumqo nani,

Mark 7:2

Panonguno Jisu khopemi khamiye a-u shikimthemono achuqupu chuakeu ithulu, tiye Farisimi no timi vilo a-u mutsulo pikeu ghola lono shimo kehue.

Luke 10:20

Tishinamu hipaqo ghahwuno nongu qhoqhulu pekeulo alokivi shikevilo; ikemu nongu je kunguu yehpuakeulo alokivi shilo.”

Ephesiami 5:5

Mutsuqheyino hi ithilo: shupu salhakemi momu mithekumomi eno alakiminemiye Khristo ngo Alhou kukaqhalo amheghi ithumla nani, kughengu alakimineye alhoayeh julho kumllami ke.

FILIPIAMI 4:3

Eno puqhe kumtsa chekeu ikusau, ino ovilo ghi qhuiniju ani, noye totimi hipama kuphutsulo, kughengu pamaye Klemento ngo ikusami kumtsa mlachekemi kutami ishi gholono isasu atsakiviu vekupha nikeulo shishe mlacheke, panongu jeye akuxupu kakulo anike.

1 Tim. 1:10

salha-shupukemi, kiptimino kiptimi sasu kughupakemi, timi kughasawo jekemi, akimkimi, akimki shepe shikemi momu kuchou kukutsu nguno bidelau kiukiumu shikeu ghenguno ayezah mlape puacheni,

IBRIMI 12:14

Timi kumtsu sasu kulashi anikeu pukaputsalo eno akimtheshi xunikeu pukaputsalo, kughengu tipau kuhakeloye khunomu Ampeu ithumla nani.

2 Peter 3:13

Ikemu Alhou no piqhivekeu toi ninguye kungugha kithe eno ayeghi kithe khileno amikucho cheni keno tipau kheani.

Piyeküsü 13:8

Ghiqhivekeu Bheriti wu akuxupu kakulo aje yepuku puaghi kemi nguno alauye ayeghi lhophe kelono acheghi kemi kumtsu tughashi hu mlla nani.

Piyeküsü 20:12

Eno kithimi kijemi kitilami kumtsu akuka lakhu zulo puthugho akeu ino ithulu. Kakuqo lhaphe eno kuxumi kaku kutau lakhi ghi lhape pua. Kithimiye pututano kiu mlapua keno kakuqolo yepe puaghikeu kiqi lono panoqo shou kughathabetsu.

Piyeküsü 20:15

Kuxumi kakulo khunoqo je yepuku puaghimo keno tipaqoye amiyizulo vesuve.

Piyeküsü 21:8

Ikemu akumsami, pulukumlami, kitiqevekemi, ghikiqhimi, kusalhami, kuduu shichekemi eno ajulho shisukeu mllakemi eno kimkimi kumtsu ami ngo amichu pitiakeu yizulo anani, tiye akithi akiniuke.”

Piyeküsü 3:5

Khunono theqhikulushi toluni keno paye titoi aphimini metsughoyi keu pepu nani, eno niye kuxumi kaku lono paje khilemu nuxavetsumo nani eno iPuh zulo eno pawu kungumi zulono paye ilaumi kepi ino piphetsu nani.