Piyeküsü 20:12 - BAIBEL (BSI)

¹² Eno kithimi kijemi kitilami kumtsu akuka lakhu zulo puthugho akeu ino ithulu. Kakuqo lhaphe eno kuxumi kaku kutau lakhi ghi lhape pua. Kithimiye pututano kiu mlapua keno kakuqolo yepe puaghikeu kiqi lono panoqo shou kughathabetsu.

Sümi Tiqhelimi Bible

¹² Eno I no kithimi kijemi eno kitilami kümtsü ithulu. Panongu ye aküka lakhü zülo puthugho ae, eno kakuqo lhaphe pesü püae. Kaku kütau lakhi lhaphe, ikelo tiye aküxüpu kaku shiae. Kithimiqo ye kakuqo lo panongu kümlà yekithi pesü qhipepüa keu kiqi lono küghathabeve.

Sumi Naga CL (Re-edited) Bible (BSI)

¹² Kükalakhü zülo kakuqo lhaphe püaghi, eno kithimi, kijemi, kitilami kümtsü puthugho aghi keu I no ithulu. Kaku kütau khikhi aküxüpu kaku keno tighi lhaphe püa, eno kithimi ye pano no kiu mla püa keno kakuqo lo yepüa keu kiqi lono pano shou küghathabe tsü.

Piyeküsü 20:12 Mawu Ofanana

LESHELE 28:4

Pano kumla qhemi lono panongu lochiletsulo, panongu lhoksa kumla qhemi tsulo; Panongu uno kiu mlakeno tipa qhemi lochiletsulo, Panonguno ithulu kuzupu shiakeu pesu panoqo tsulo.

LESHELE 62:12

iqemokeu kikimiye huye olau achenike, O AMPEU, Kughengu pututano mlavekeu kiqi lono nono asaxu tsuchile cheni.

LESHELE 69:28

Kuxumi kaku lono panoqo je nuxa vetsulo; owu timiqo je ake gholo panoqo je sutsu kevilo.

AHOLE 24:12

Tiye okumla kumokepi nono piaghiluvi ikemu omlolo puakeu Alhou no ithi eno tipau shou kughatha nani. Pano okheju acheni, pano ithi anike, eno nono kiu shikeno tipau qhemi asaxu otsu nani.

AHOLE 24:29

Khilemu, “Pano ilau kiu shikeno nighi tipa qhemi pa tsunike,” ipi pikevilo.

YETSAPIU 12:14

Ninguno thwokha shikeu ti akivi na alhoksa namu Alhou no kughathani cheni, tuqho-tughouno mla puakeu thime shou ghi kughatha be nani.

JEREMIYA 17:10

Ni, AMPEU no timi kukumsu lheju eno timi mulo ijoju cheni. Pututano mlachekeu kiqi lono ino milakhikhi peithaju cheni.’

JEREMIYA 32:19

Nono alokutsushi kughu cheni eno akumzapu kumla shi cheni; timino shikeu jeli thwokha nono ithuluke eno panongu kumla kiqi lono nono asaxu tsu cheni.

DANIEL 7:10

Tipau lono ami ghokiti qoipeghia. Tilehi timi qhethonhe kutomo pa mllanike ngoa eno timi 100,000 shou pa zulo puthughoa. Aki tipaulo akumlla huthuve eno kakuqo lhaphepe qhi.

MATTHEW 11:22

Ino nongu vilo pini, kughakutha tsala lo panongu lau nguno alau Tur ngo Sidon kuma lau Alhou no kimiyeqiyi keu ananie.

MATTHEW 16:27

Kughengu Timi Nu ye paPuh wu akimthe jukuvu lono pawu kungumi sasu ighini cheni, eno tileno timi lakhi khino kiu mlapuaghi nikeno tipau lochile nani.

Luke 10:20

Tishinamu hipaqo ghahwuno nongu qhoqhulu pekeulo alokivi shikevilo; ikemu nongu je kunguu yehpuakeulo alokivi shilo.”

Apostolmi 24:15

Ino Alhou eno timi zulo kivikusa michikulu acheni, ike tiye timi kivikusami kinikujo akithi lono xuputhuve nani.

Rommi 2:6

Kughengu pututano kiu mla puaghini keno tipa kiqi lono Alhou no asaxu tsuwo nani.

1 Kor. 4:5

Tighenguno kophepuakeu-do ighimphi loye eno Ampeu no ighimphi kutolo khuu shoumu kughathabe kevilo. Itehiye thime khijehi kusupuani keno Ampeu no akuvulo ikhiphe saghi nani eno amlolo tuqhouno kumsupu akeu kumtsu pano lhaphe piye nani. Tileno timi kumtsu pututa shelo pa sheqhe kepu aghikeu Alhou launo ithulu nani.

2 Kor. 5:10

Kughengu ningu kumtsu athono Khristo kughakutha zulo puthugho masa nani eno pututano kiu mla puani keno kivi kusa kiqi lono ithulupe nani.

FILIPIAMI 4:3

Eno puqhe kumtsa chekeu ikusau, ino ovilo ghi qhuiniju ani, noye totimi hipama kuphutsulo, kughengu pamaye Klemento ngo ikusami kumtsa mlachekemi kutami ishi gholono isasu atsakiviu vekupha nikeulo shishe mlacheke, panongu jeye akuxupu kakulo anike.

Piyeküsü 11:18

Alhou yeh kumthamino aloghu-ide, kughengu ologhu ighive kehu, eno kithimi shou xathabe kepudo shivae. Tungkupmi oqemi owu timi, omllachekemiqo, kijemi momu kitilamiqo ajume tsunikeu tuqhudo ighi ani. Khunoqono ayeghi shipusa cheni keno tipaqo shipusa nikeu tuqhudoke!”

Piyeküsü 13:8

Ghiqhivekeu Bheriti wu akuxupu kakulo aje yepuku puaghi kemi nguno alauye ayeghi lhophe kelono acheghi kemi kumtsu tughashi hu mlla nani.

Piyeküsü 17:8

Tughashi nono ithulukeu hu ghuthu lakhiye xu acheke, ikemu itehiye xuamovae; hiye aqohkutho lono ipeghini cheni eno kutsavepe nike wuve nani. Ayeghilo timi xuakemi khunoqo je ayeghiqha huthu mphi lono kuxumi kakulo yepe puaghimo nikeno, panonguno tughashi jupe akichiqhive nani. Kughengu ghuthu lakhilo tiye xuacheke, ikemu itehiye xuamovae eno tipauno ipeghikithe nani.

Piyeküsü 19:5

Tileno akuka lakhu lono asutsa lakhi ishipi: “NiLhou sheqhelo! pa qemi kumtsu, timi kumtsu, kijemi kitilami ghi pa sumsa chekemiqo pa sheqhelo!”

Piyeküsü 2:23

Li pape chekemiqo ghi pithive nani, tileno akukuhou kumtsuno niye timi kukumsu eno timi mlo lhejuchekeu kenapi ithi nani. Nongu kumla qhemi lono milakhikhi lau ino ajume tsu nani.

Piyeküsü 20:11

Tileno ino akuka lakhu akuloghi lakhi metsughoikeu eno tipau shou iqa akeu ngo ishi ithulu. Ayeghi ngo kungugha pa zulono yeuveno ithumlave.

Piyeküsü 20:13

Tileno azughino tipaulo kithimi akeqo pesu tsuve. Akithi eno kithila yeghi ghi tipaulo kithimi akeqo pesu tsuve. Panongu kumtsu pututano kiu mlapuaghi keno tipau kiqi lono kughathabetsu.

Piyeküsü 20:15

Kuxumi kakulo khunoqo je yepuku puaghimo keno tipaqoye amiyizulo vesuve.

Piyeküsü 21:27

Ikemu kiukiumu alhoksano kitiqevekeu thaqhuye aphughi tipaulo ilomla, momu khunono akukujopu kumla shi cheni eno miki cheni keno tilehi ilomla nani. Timi khunoqo je Bheriti wu akuxupu kakulo yepe puaghini keno tipaqo likhino aphughi tipaulo ilolu nani.

Piyeküsü 22:12

Jisu no piani, “Niye itheno cheae! Pututano kiu mlape puani keno tipau qhemi asaxu tsunike ghenguno ino isaxu pesu cheni.

Piyeküsü 3:5

Khunono theqhikulushi toluni keno paye titoi aphimini metsughoyi keu pepu nani, eno niye kuxumi kaku lono paje khilemu nuxavetsumo nani eno iPuh zulo eno pawu kungumi zulono paye ilaumi kepi ino piphetsu nani.