Piyeküsü 2:22 - BAIBEL (BSI)

²² Julo, ino li kughapesu azualo veda nani, eno khunoqono li sasu salha cheni keno, panonguno li sasu alhoksa shichekeu launo xaideghivemo aye, panongu ghi li gholono aghime kithikhi sholupe nani.

Sümi Tiqhelimi Bible

²² Tighenguno I no aghime lipa lo li vedave nani, eno khunoqo no li gholo küqha no shupu kümlà shi cheni keno panongu no xaideghimo aye li gholo no aghime kitikhi shi ime pe nani.

Sumi Naga CL (Re-edited) Bible (BSI)

²² Julo, I no li pesü aküsü züalo vepukuve nani, eno khunono li sasü kütüqha cheni keno, panongu no li xine lono xaidemo keloye I no küsakushupu lo panoqo vesüve nani,

Piyeküsü 2:22 Mawu Ofanana

JEREMIYA 36:3

Ishiake, kughono Juda lo akemiqono ino panoqo shou kutsalekeu kumtsu sughiniye kutope akeu chilunikeno panonguye panoqo laghi lhoksa qhiveno ideighive luvike. Tileno ino panoqo lhoksakugha eno panoqo xine pevetsu nanike.”

EZEKEL 23:29

Panonguno omithi chenike ghenguno nono mlaqhipe puaghikeqo jeli kumtsu pewuve nani eno thwokha xaluveno kusalhami lakhi toi noye aphi kumsa tishi qhipe puave nani. Nono iyighe eno salha shupu chekeuno oshou hipau sughivae.

EZEKEL 33:11

Panoqo vilo pilo ike kuchouno niye xuakeu Lhou ke ghenguno niye axinemi lakhi thikeulo aghaqi chemoe. Niye pa pelo axine lono tave penishike eno xuluve penishike. Israil, nonguno alhoksa shiakeu tavelo. Nonguye kushiye thiani kya?

ZEFANIA 3:7

Ino kumsukeuye iwu timiqoye tileno isumsa nani eno ino shikithe keu ikhilu nani eno panonguye ino shikapiye keu khilemu kumsumamo nani kepi kumsuke. Ikemu paikhavino panonguye puzuu toi alomokeu shiuve anike.”

Luke 13:3

Moe! Ino nongu vilo pini, nonguno nongu xine lono xaideghivemo napi aye, panongu toi nongu kumtsu thi nani.

Luke 13:5

Moe! Ino nongu vilo pini, nonguno nongu xine lono xadeghivemo aye panongu toi nongu kumtsu thi nani.”

2 Kor. 12:21

Ino tilau ighikelo itaghi iLhou no nongu zulono ishikukujokeu musa anike, eno timi kutomo ghenguno niye qa-mloni chenike, wovekeulo khunoqomi axine shive ti mithemokeu jeli ngo kipti toti dolo xine ngo ghasu hasumlakeu panonguno shipuani eno xukithe lumono anike.

Piyeküsü 17:2

Ayeghilo kukamiqono ngosukumlau ashupuu sasu shupusalha achenike eno ayeghilo timiqoye lino shupusalhakeu ji yekeuno shomzuvae.”

Piyeküsü 18:3

Kughengu ashiayeh jeli kumtsuno li shiaji kimighe ji shomzuvae; eno ayeghilo kukamiqono li sasu salha, eno ayeghilo alhikishimino liwu aghichikupo kinikulushi akeu vechewo kinimi shilukhavae.”

Piyeküsü 18:9

Ayeghilo kukami khipaqono li salha kusaje eno li ghichikupo kusaje cheni keno tipaqoye kughou li pitikeu michhi phoipeghi keu ithulu nikeno aphughi ghenguno ighamuku qa nani.

Piyeküsü 2:5

Tishiaye, noye kiutoi veqhive akeno kumsululo. Xaideighilo, eno nono atughulo kiu shichekeno tipau shilo. Nono xaideghimo napiaye ino olau ighi puzu owu akulukibepu tipa alono ikhive nani.