Piyeküsü 18:20 - BAIBEL (BSI)

²⁰ O kungugha! li kutsapiniyive keu ghenguno alovilo! Akimthemi eno apostolmi ngo tungkupumiqo alokivi shilo! Kughengu lino nongu lau kiu shikeno tipau ghenguno Alhou no li shou kughathabevae!

Sümi Tiqhelimi Bible

²⁰ “Nongu kungugha lo akemiqo, li kütsave keu lo alovishelo! Nongu Alhou’w timiqo, alovishelo! Apostolmi ngò tungkupumiqo, alovishelo! Kughengu li no nongu shou küghathabe keu pesü Alhou no li shou küghathabevae.”

Sumi Naga CL (Re-edited) Bible (BSI)

²⁰ O kungugha eno nongu küpülümi, apostolmi ngo tungkupmiqo, li jupe alovilo, kughengu Alhou no nongu saphu no li shou küghakütha bevae!”

Piyeküsü 18:20 Mawu Ofanana

LESHELE 107:42

Amikuchomino hipau ithulu puzu alovi cheni, ikemu kixikilami kumtsu yenguivepe cheni.

LESHELE 109:28

Panonguno ighusholuvi ikemu nono ikumghatsu nani. Ighimeqhi akeqo haleluvelo, eno ni, oqeu pelo alovilu pelo.

LESHELE 18:47

Alhou no imukhu lutsuke eno shiyehqo iqholo hasaghi tsuke;

LESHELE 48:11

Zion lo akemi pelo alovi pelo! Nono xathatsu keuye achipike, Juda yeghilo aphughiqo pelo alovi pelo!

LESHELE 58:10

Kughou axinemi ghimeqhikeu ithuluni keno amikuchomino amlo qinani. Panonguno kixikilami jih pelepua keu puthasu wu nani.

LESHELE 94:1

O AMPEU, noye aghime tsu chekeu Lhou lakhie;

AHOLE 11:10

Amikuchomino kuakini shilukeulo aphughi lakhiye alovi cheni eno kughono kixikilami thiveni keno tilehi alokivishi ighakeu acheni.

ISAIAH 26:21

AMPEU ye ayeghilo akemiqo shou pano xine ghenguno ghimeqhinike pano ngochekeu kungugha lono cheni. Ayeghilo kusuuno timi ghiqhikeqo hu ashou pephe nani, eno khunoqo ghiqhi puani keno ayeghino kusupuamlove nani.”

ISAIAH 44:23

Kungughaqo, alokivishi ighalo! Ayeghilo aqoh thonheikeu ighalo! Naghutoqo eno aghasulilo asubo kumtsu alokivishi ighalo! AMPEU no pawu timi Israil xalukeu lono pa kughushu pephe piyevae.

ISAIAH 49:13

Kungughaqo alephelo! Ayeghi, alokivi launo ighamukulo! Naghutoqo pelo vekipighi ale phepelo! AMPEU no pawu timiqo lokughuno tsu nani; pawu timi aghimeshi akeqo jupe amlo ighiqhiyi nani.

ZEFANIA 3:15

AMPEU no nono aghimeshi akeu kishekhave tsuae; oghumi kumtsu pano ikhive tsuake. AMPEU, Israil lo Akukauye ogholo ani; itehiye musa akepu akiqi kuhake.

Ephesiami 2:20

Nonguye apostolmi ngo Alhouw tungkupmino aboqha shipuzu shiqhepukukeu ki lakhi ake, tipau puqhe akeu tuqu huye Khristo ke.

Ephesiami 3:5

Wovekeu tiqhelimiqo lauye tuqhou kukughu hipau pimono acheke, ikemu itehiye Aghungu vechewo Alhou no pawu apostolmi akimthemi eno pawu tungkupmi lau tipau pephepiyevae.

Ephesiami 4:11

Pano kumsagho tsukeuye khamino apostolmi, khamino Tungkupmi, khamino tsavipemi khamino Pastormi, khamino Shikukami shipeniyeke.

ZAKINIU 32:42

Ipijiye ahji kighiji nani, imujochile kemi kumtsu izutano pithive nanie. Isasu aghu shikemi lakhimu niye ghumo nani; izapukemi eno akughumi ghi thive nanie.”

2 Peter 3:2

Ike tiye nongu pelo tungkupmi akimthemiqono ashe azutsa pipuakeu, eno nowu apostolmino Ampeu eno Xakuluu zahkutsu pesu nongu tsukeu kumsuchilelu apenishi anike.

Jude 1:17

Ikemu nonguye hi kumsuchilelulo, kimiyechekemiqo, ni Mpeu Jisu Khristo wu apostolmino azunatha ghi nongu vilo pivae.

Piyeküsü 12:12

Tishiaye, kungugha eno tile achekemiqo, alovialo! Ikemu ayeghi ngo azughi ghenguno kiutoi ahakusapukela! Kughengu Tughami ye nongu lau iqivae eno paye shishe aloghu ide ani, tiye pano ithiakeuno pa doye ikhonhe likhivea kehue!”

Piyeküsü 18:6

Lino nongu peithake qhemi li peithalo, Lino shivekeu qhemi ghuthu kini li lochilelo. Lino nongu pelo shopeniye kutope qhi kehu toi, Li jukhulo ghuthu kini kutolo mukamughayi yekepu lesutulo.

Piyeküsü 6:10

Panonguno asutsa kuloghi lono ishi igha, “Akughushu Mpeu, akimthe eno kuchou, ayeghilo akemino nighiqhi pithivekeu ghenguno panongu shou ado khitohi lono nimukhu lutsuni cheni kya?”

XAKUTHAMI 5:31

Hipaphi shi oghumiqo kumtsu thive pelo, O AMPEU, ikemu oshounoqomi pelono tsukinhe ipechekelo toi vulupelo! Tipa ghakhulo ampe lhobidi kutolo alokughuno alue.