Piyeküsü 14:15 - BAIBEL (BSI)

¹⁵ Tileno kungumi kutau lakhino achineki lono ipeghi eno khungkusu shou iqa akeu vilo asutsa kuloghi lono ighamuku pi: “Owu hashiwo chhopuwono gholuvelo kughengu gholukepu tuqhudo ighivae; ayeghi ghile hukepushi nivae!”

Sümi Tiqhelimi Bible

¹⁵ Tipathiu kungumi kütau lakhi no achineki lono ipeghi eno asütsa kuloghi lakhi lono khüngküsü lo iqa akeu vilo ishi pi, “O yevǘ ikhilu no ghile hulo, kughengu ayeghi lo aghì hu ye nivae eno ghile hu nikeu do ighivae.”

Sumi Naga CL (Re-edited) Bible (BSI)

¹⁵ Tile kungugha chineki lono kungumi kütau lakhi ipeghi, eno asütsa vekipighi khuu khüngküsü shou iqa akeno pa vilo pi: “O yevü pesü ghothulo, kughengu aghibo kugho ghuloki ye ighivae, eno ayeghi shou ghile hukepu do ghi tovae.”

Piyeküsü 14:15 Mawu Ofanana

BOTHUBO 15:6

Abram no AMPEU shou pulubeluve kehu Abram no pa pulubeluve keu tiye amikuchoe pi AMPEU no kihiluvetsue.

ISAIAH 62:1

Jerusalem shikumto kepushi ino pia nani; Li xaluvemoke kutolo eno lino toluvekeu huno putholo ayeghukulu toi vuqai moke kutolo niye inaqhoimo nani!

JEREMIYA 51:33

Paikhavi lono aghumino panoqo ghitha pinyive nani eno aniqalo athi toi panoqo qoleqhi nani. Ni, Aqokitikhi MPEU, Israil Lhou no piveake.”

JOYIL 3:13

Panonguye shishe lhoksakughake; ghile tsalalo athi ghokeshi panoqo ghiqhilo; Atsayi kutsughubo chhitoikeulo atsayiji qole ipeghive moke kutolo atsayithi chinepho keshi panoqo chinedaqhilo.”

MATTHEW 13:30

Ghile tomoke kutolo aghibo ngo alupi kuma kinikujo kumtsa thuwu aghi pelo, ghile tsala lono ino ghilemi vilo ishi pi nani. Alupi paghi nhuvelo eno pitikepushi amuqoshi xukutsulo, ikemu athiye pekutsusuwo ilelo sulo.’ ”

MATTHEW 13:39

Aghumi khuno alupi yisuve keno tiye Tughamike; ghile huye hipayeghi kishekhani keu; eno ghile hukemiqoye kungumiqoke.

MATTHEW 23:32

No puasunoqono kiu huthu puatsuakela shi tavelo!

Mark 4:29

Ikemu kughono athi niveni keno timino hashiwo pe aghi ghotha cheni, kughengu ghiletusho ighivekehu.”

1 Thes. 2:16

Kughengu Judakumomi vilo atsakiviu pikulha puzu xakulupu shinikeulo panonguno ningu lakhake. Hipau shikeu lono panongu xine kumtsu shikupu nike pulhapuju hitoi shi achenike. Ikemu ashekhalo Alhou loghu panongu shou ikughivae.

Piyeküsü 11:19

Tileno kungughalo Alhou chineki khaqhive, eno Puloshoqhi Bohu hu tile akeu ithulu. Tileno tsutsupha kulo kong kong shi tsutsusu igha ayeghi ilu eno shishe murasu qie.

Piyeküsü 13:12

Tipauno tughashi atughiu phivilo akeuno tsukeu kuka kumto peitha eno ayeghi eno tile akemi kumtsu pelo thini keshi izave kemu vivekeu tughashi atughiu hu mllape nikeushi anguka vesu.

Piyeküsü 14:14

Tileno ino juakelauye khungkusu metsughoyike lakhi aghi, timi toikeu lhoxu lakhino tipau shou iqa ae, tipauye shunayino shikeu kutsukuqho pua eno hashiwo tsuqhaminhei keu lakhi pa ulo peae.

Piyeküsü 14:16

Tileno khungkusu shou iqa akeu huno ayeghi shou pawu hashiwo chhopuwo, eno ayeghi ghile hukepushivekeu hu gholuve.

Piyeküsü 14:17

Tileno kungumi kutau lakhi kungughalo achineki lono ipeghi, eno pa ghi hashiwo lakhi peae.

Piyeküsü 14:18

Itaghi akumllagho kipitia lono kungumi ami peithachekeu kutau lakhi ipeghi, eno pano asutsa kuloghi lono hashiwo kutsugha peakeu vilo ighamuku pi, “Owu hashiwo peithalo, eno ayeghilo atsayithi pho ghothalulo, kughengu atsayithiye nivae!”

Piyeküsü 15:6

Kungumi tsuni pusa ashekhau tsuni peakeqono achineki lono ipeghi. Panonguye tsughukhuyi mulapuyikeu phi pepuae, eno shunayino shikeu akichhekighi pesu panoqo mla khapu ae.

Piyeküsü 16:17

Kungumi akutsuniuno amlhulo pa bohu leqhipuku. Tileno asutsa kuloghi lakhi achineki lono ipeghi eno ishi pi, “Hiye tavae!”

Piyeküsü 6:10

Panonguno asutsa kuloghi lono ishi igha, “Akughushu Mpeu, akimthe eno kuchou, ayeghilo akemino nighiqhi pithivekeu ghenguno panongu shou ado khitohi lono nimukhu lutsuni cheni kya?”