Piyeküsü 11:3 - BAIBEL (BSI)

³ Ino ishepemi kini puwu nani, eno pamano yeqhiye phi upuzu atsala 1260 kutolo Alhou tsa pesu asheshulu kepu akuka tsu nani.”

Sümi Tiqhelimi Bible

³ Eno I no iw thopimi kini süküsü shi nani, eno panongu no yeqhiyephi pepusü atsala 1,260 kutólo tungkuptsa pi nani.”

Sumi Naga CL (Re-edited) Bible (BSI)

³ I no kükagha pesü I shepemi kini tsüni, eno pama no kumshophi pepusü atsala 1,260 kutolo tungkuptsa sheshu nani.”

Piyeküsü 11:3 Mawu Ofanana

BOTHUBO 37:34

Jakob no pa mlo ghime launo pa phimini suxu piniyive eno aphi tsubuyi keu pesu papo hekuxapu, eno ado kushuwa panu Josef ghenguno mlo-qa ache.

SAMUEL AKINIU 3:31

David no Joab ngo pawu timiqo vilo panongu phi suxu velopi ahza tsu, eno yeqhiye phi uno Abner ghenguno mloqa lo pi. Akumo qhowunikelo Akukau David no akumo thiu shino alache.

KUKAMI ATUGHIU 21:27

Kughou Elija no pa tsa pitavekeno, tipau mtsa lono Ahab ye pa phikuzu suxulave eno ikiqiveno yeqhiyephi uluve. Paye kumu chu shomove eno yeqhiyephi ususu zuve eno ighono pa mlo saqhiyi agi zumoi wove.

KUKAMI AKINIU 19:1

Akukau Hezekiya ghi panonguno pithi ighikeu tsa chilu kemtsa pa mlo ghime launo paphi suxuve no yeqhiyephi uno AMPEU Achine kilo wu.

YEKIKITHI ATUGHIU 21:16

Kungumino pa ulo azuta pesu amlhu mtalo puthugho akeu eno Jerusalem kutsaveniye kutope akeu David no ithulu. Tile David ngo sakiphemiqo yeqhiyephi uakeqo kumtsu panongu gino ayeghilo shosupe itsaqive.

NEHEMIA 9:1

Tipau qhi atsala muku abidiulo Israilmino panongu xine ghenguno amlo ghime piyenike kumvu nike kuho kumqolu. Panonguye inaghami launo panoqo kutashi luve. Panonguno yeqhiyephi uluveno amlo ghime michishi ayeghi mukhu pe akutsulo ebeluve. Tishieno panonguno puthughono panongu eno pano puasuno axine shivekeqo piphe thuve.

JOB 16:15

Niye muloqa eno thoilaphi ue ikumto kumtsu ayeghi mukhulo ilovae.

LESHELE 69:11

Ino qa-mlokeu phimini pepuke eno panonguno ijunuqhie.

ISAIAH 22:12

Tishiaye AMPEU Aqokitikhi Lhou ye nongu pelo qamlo eno anhezu piji penike eno nongu kutsusa miyeveno yeqhiyephi upenike nongu kuanike.

JEREMIYA 1:10

Ishi tsala lono ashiayehqo ngo akukaqhaqo nhuvepe eno tulevepe nikeu, kutsave eno halevepe nikeu, shipuku eno shosupenikeu kuka ino otsu ani.”

AKUMLO 2:10

Jerusalem lo kitemiye panoqo kutsulo ayeghi mukhu xapu eno yeqhiye phi pepu puzu inaqhoi ayeghilo iqae. Ilimiqono pano kutsu pishiqhope anike.

EZEKEL 4:6

Nono tipau shitave kethiu ojibo ajeu kudau idewolo eno Juda wu kuquvekeu ghimepu tsala lhobidi imelo, ampe lakhi panonguno kuquvekeu ghimepu ghenguno atsala lakhi imenike.

DANIEL 12:7

Tileno kungumi huno pau kinijujo chhope atsutsu kudau peqhepe ngo puzu, Lhokta Lhou jelono tushoqhi pikeu ino chilu, “Ado hu ampe kuthuno tuxake. Kughono Alhou wu timiqo ghime keu ashekha shiveni keno, hipaqo kumtsu shikha nanike.”

DANIEL 7:25

Pano Akughushu Lhou ghobide keu tsa pi nani eno Alhou wu timiqo ghime nani. Pano panongu chineyeh eno pinyichekeu kilivetsu nike pukaputsa nani. Eno Alhou timiqo pa kuka qholo ampe kuthuno tuxa ngo nani.

DANIEL 8:14

Kungumi lakhiuno khochile keu ino chilue, “Atsala 1150 kutolo ishi ananike, hipa doloye avelau eno inaqhe ghiqhipe mlla chekeu hu tsumulano ananike. Tipathiuno achineki puhavekeu ithulu chileve nani.”

JOYIL 1:13

Yeqhiyephi pepuno qanimlolo, nongu achinemi, akipti-alo mlachekeqo! Achinekilo ilolo eno puthotsu mloqalo! Nongu Lhou mlla kepu thi momu atsayiji kuhake.

JONAH 3:5

Nineve lo akemiqono Alhou tsape puluveno kumtsuno kumvu nikeu asheshuve; eno akijeu lono akitilau kutolo panoqo kuxu xachile ighivekeu kiqishi yeqhiye phi uke.

JONAH 3:8

Timi ngo pichepighi kumtsu yeqhiye phi umasake. Timi kumtsuno Alhou vilo amlo tsuqhiyi inikhu masa eno pawu ghushoghili lhoksa eno akumla lhoksa phevemasa.

AKIKIHI 11:26

Lhotsuni gholo mikini ti Eldad ngo Medad pamaye aghazulo ngo auveno Aphikilo ipeghimove. Aghazu tilau ghi aghunguno pama shou ikughi eno pama ghi tungukupmi toi ighono asheshu atsa pilue.

MATTHEW 11:21

“Khorazin, oghenguno ahasapu anie! Bethsaida, oghenguno ahasapu anie! Kughengu nongu gholo akumzapu kumla shikeu hu Tur ngo Sidon lo shitsuke aye, panonguye khaghino yeqhiye phi pepu eno ayevu pesu aphi nupu puzu panongu mlo Alhou lau xaideghivekeu piyeve aghini cheke!

MATTHEW 18:16

Ikemu pano otsa initsumo aye, ogholo timi lakhia kinia, sawulo, tishi anguno mikini momu mikuthuno thopi shino ashepe shikeu vechewo atsakughapu kumtsu xatha kepue.

Luke 10:13

“Khorazinmi, oghengu aha! Bethsaidami, oghengu ghi aha! Kughengu olau akumzapu kumla shitsukeu Tur ngo Sidon lau shi kenapi aye, panonguye yeqhiye phi pepu puzu ayevu kuchhuno khaghino xukitheluve aghini cheke.

Luke 24:48

Nonguno hipaqo vehu thopimi shinikemiqoe.

John 15:27

Eno nongu ghi ishepe shitsu nani, kughengu nonguye abothu lono igholo acheke.”

John 3:27

Johan no khochile. “Timi khumu Alhou no pa tsumokeloye kiumu pe aghimo nanike.

Apostolmi 1:8

ikemu kughou Aghungu Kimthe nongu shou ighi nikeno nonguno akumto ithulu nani, nonguye Jerusalem lo ngo Judia qha kumtsulo. Samaria lo eno ayeghi shekha kutolo ishepemi shimasa nani.”

Apostolmi 13:31

Atsala kutomo kutolo timi khunoqo Galil lono pa sasu Jerusalem kuto pa gholo iqho keno tipanoqo sasu kusho, eno itehiye panonguno timiqo lau pa shepe shikemiqoe.

Apostolmi 2:32

“Alhou no Jisu hipau hu xuputhuve eno ninguno tipaulo thopi miqoe.

Apostolmi 3:15

eno nonguno akuxupu Mpeu pithiveke. Ikemu Alhou no akithi lono pa xaputhuve eno ninguye tipau thopimike.

1 Kor. 12:28

Ike Alhou no akukuholo hitoi qhipuatsua: atughushi apostolmi, akiniuno tungkupmi, akuthuuno akukutsumi; tithiuno akumzapu kumlami, tithiuno shikipivi kuka tsupuakemi, kuphukulumi, saphe kulumi, amili jeli lono pikemi.

2 Kor. 13:1

Hi ghuthu akuthu-u niye nongu putsa ighini cheni. “Kiukiu ngukukile keu aghinamu thopimi kini momu kuthuno mutsumishei ashepe shikeu lono xatha kepuke.”

Ephesiami 4:11

Pano kumsagho tsukeuye khamino apostolmi, khamino Tungkupmi, khamino tsavipemi khamino Pastormi, khamino Shikukami shipeniyeke.

ZAKINIU 17:6

Tishinamu thopimi mikini momu tinguno alauno ashepe shikelo likhino pa pithilu nani; thopi lakhi shepelo likhiye pa pithi kepu kumo.

ZAKINIU 19:15

“Thopiu lakhi shepe likhiye heqhibuqhive keulo akipimi tsuni keu luzulake; timi lakhiye kuquve akepi mutsumishei shitsulu nikeuye akimkheuno thopi shinikemi kini avehupu shi ani.

Piyeküsü 1:5

eno Jisu Khristo no amikuchoshi ashepe shichekeu, kithimi gholono xuputhu tughiu, ayeghilo kukami shou ayehkipeu launo kupukini eno aloinokeu nongu wu shilupeniu. Khuno ningu kimiye eno pa jih vechewo axine lono ningu xaphelu,

Piyeküsü 11:2

Ikemu akikhala bochoye mighiju kevilo, kughengu tipaqhaye Alhou yeh kumthamiqo tsuveake, eno panonguno aqhi lhobidi kini ghenguno Akimthe phughi hu nedaqoda nani.

Piyeküsü 11:6

Pamaye atsutsu khave kepu kuka ani, tighianguno pamano Alhou tsa pesu asheshu ake tsala thaqhulo tsutsughu kitilamu ghuqhi pemo niyeke; eno pamaye azu pesu ahji kughulhove kulupu kuka ghi ani eno pamano shinishike thaqhu ayeghi shou pusa jeli vepuku kulupu kuka ghi ani.

Piyeküsü 12:6

Totimi huye timi kughunamokeu alo Alhou no li ghenguno a-a kutope qhipuakeulo pove, tilehino liye atsala 1260 kutolo tucho-heju peniyeke.

Piyeküsü 13:5

Tughashi pelo aqhekuza tsa eno Alhou thaighakeu tsa pilukepu kichi eno tipau pelo aqhi lhobidi kini peithalukepu kuka tipau tsupua.

Piyeküsü 19:10

Tileno ino pa pukhu phivilo mllaniye iluiqive, ikemu pano ivilo ishipi, “Tishikevilo! niye no eno othikuzumi khunoqono Jisu no kuchou shepe shikeu ikhilu cheni keno tipaqo kumtsu gholo akusami aqemi lakhike. Alhou mllalo!” Kughengu Jisu no kuchou shepe shikeuno tungkuptsa pinikeu nguaghapuke.

Piyeküsü 20:4

Tileno ino akuka lakhu eno tipaqolo iqa akeqo ithulu; panongu pelo kughatha penikepu kuka tsupe pua. Timi khunoqono Jisu no kuchou pephepiyevekeu eno Alhou tsa pesu asheshuke ghenguno ghiqhive keno tipaqo ngulho ghi ino ithulu. Panonguye tughashi momu tipau julho shisukeu mllamoe momu panongu kishelo eno panongu ulo tughashi wu amchi ikhilumokeqoke. Panonguno Khristo gholo xupuzu ampe 1000 ayehpeke.