Piyeküsü 11:19 - BAIBEL (BSI)

¹⁹ Tileno kungughalo Alhou chineki khaqhive, eno Puloshoqhi Bohu hu tile akeu ithulu. Tileno tsutsupha kulo kong kong shi tsutsusu igha ayeghi ilu eno shishe murasu qie.

Sümi Tiqhelimi Bible

¹⁹ Tile no kungugha lo Alhou chineki khaqhive, eno achineki alou paw puloshoqhi bohu akeu ithulu pe. Tile no tsütsüpha kulo ipeghi eno kong-kong shi tsütsü-küsü shi, ayeghi küghütha eno shishe murasü qie.

Sumi Naga CL (Re-edited) Bible (BSI)

¹⁹ Tileno kungugha lo Alhou chineki khaqhi eno tilehi Paw Puloshoqhi bohu akeu ithulu. Ikelo tsütsüküsü küvü no phaphashi, vekipighi igha, ayeghi no ilüuve no mürasü kuloghi ghuqhi thuve.

Piyeküsü 11:19 Mawu Ofanana

LESHELE 105:32

Tsutsughu zuqhulo Alhou no ayeghi shou apughu ngo tsutsu kukulo puwu;

LESHELE 18:12

Pa zulo tsutsu-pha akeu lono apughu ngo ami tsutsupha ighi eno pawu khungkusu chhethae.

ISAIAH 28:2

AMPEU no timi khami pelo panoqo leighi peniaye akumtomi eno akuka akemi kuto ani, khunokela tipauye pasapaghalo murasu qikeutoi ighi nani, tsutsughu zale ketoi, atshunazu toi ayeghi yimve nani.

ISAIAH 29:6

Aqokitikhi MPEU no tsutsukusu pasapagha khumuyi keu eno ayeghi kughutha gholono oxaphelu nani. Pano miyitsu pasapagha eno ghuleqhikeu mi kuyiqu puwu nani.

ISAIAH 30:30

AMPEU no timi lakhikhi pelo pa sutsa kumgha chilu pe eno pa loghu kighide ithipe nani. Tilehi pitimulakeu mi kuyiqu, tsuqhutsughukeu, pasapagha eno muraqi nani.

ISAIAH 32:19

(Ikemu Aghasulo avu qi puku nani eno aphughi suphopinyive nani.)

EZEKEL 13:11

Tungkupmiqo vilo panowu akuptu huye ikiqive nani kepi pilo. Zaleqhive penike ino tsutsughu puwu nani. Tipau shou murasu qipuku nani eno pasapagha mulhu tipau shou ghaiku nani.

EZEKEL 13:13

Akughushu MPEU no kiu pikeno tiye hike: “Iloghu lono ino pasapagha, tsuqhu tsughukeu eno murasu puwu puzu akuptu kutsaleve penike.

EZEKEL 38:22

Ino kusukini ngo ghiqhikile keu pesu pa ghimeqhi nani. Pa eno pawu aghushimi eno ashiayeh kumzapu pa kudau shi akemiqo shou tsuqhu tsughukeu ngo apughu eno tipa gholo ami ngo amichu lepukutsu nani.

AKIKIHI 10:33

Timiqono Sinai akimthe naghuto qhiveno atsala kuthu izu chekelo AMPEU wu Puloshoqhi Bohu huno panonguno khile aghazu shikepu shi akeno panongu piyenike panongu zuu shino cheche.

AKIKIHI 4:15

Kughono aghazu xakepu ghuloki shinikeno Aron ngo panuliqo no kuzukhave kethiu likhino Kohat limino akimthe thime nhemgha kuzupe puakeqo xapupe. Kohat limiye thivenosake akimthe nhemgha thime bupe kevilo. Kugho kughomu Aphiki kiqheve kelo Kohat limino amakho hipaqo pupe.

AKIKIHI 4:5

AMPEU no Muse lau akukutsu hipaqo mijetsuke. Kughono aghazu xani keno Aron ngo panuli qoye Aphikilo iloni, Puloshoqhi Bohu zulo akeu nhaqhiphi kuqhoqhino tipau pesu Abohu kuzuve penikeu shi.

JOSHUA 10:11

Amarimi no Israilmi zulo posu naghuto lalo pochekelo AMPEU no murasu kuloghi Azeka laghi kutolo ghuqhipuku. Israilmino heqhivetsu keu nguno akichiu no murasuno veqhive.

Piyeküsü 11:13

Tipa mutsa ayeghi shishe ilu, aphughi hu kikije achighiuye kutsapinive eno timi 7000 pithivetsu. Timi achilishi aghikeqoye shishe musaveno akimthe jekipipushi kungugha Lhou sheqhetsue.

Piyeküsü 11:15

Tileno kungumi akutsuniuno pa fuko kuyigha, ikelauye atsutsulo vekipighi asutsa shiae eno ishipi “Ayeghi kukaqhaye niMpeu eno pawu Mesiya wu akukaqha shiluvae eno pano alhokupujulo kacheuve nani.”

Piyeküsü 12:1

Tileno atsutsulo akichiqhi kepu lakhi ipeghi, totimi lakhino tsukinhe upu, li pukhuno aqhi nepe eno li kutsukuqholo ayepu chighikini ae.

Piyeküsü 16:1

Tileno achineki lono asutsa kuloghi lakhino kungumi tsuni vilo ishi pikeu sutsa ino chilu: “Wulo eno Alhou loghu bohu ayeghi shou lepukulo!”

Piyeküsü 16:18

Tileno tsutsupha kuloe, asutsa eno tsutsusu eno shishe ayeghi- ilue. Timi lhophe kethiu khilemu tikithipushi ayeghi ilumphie; hiye ayeghi ilukeu kumtsu nguno alhoksauke!

Piyeküsü 16:21

Apughu tuqu kije lakhi khino kilogram lhopungu toi mishisheyikeu kunguuno timi shou ikiqi ikughi. Eno aphughu pusa ghenguno timino Alhou ghushoke, kughengu pusa tiye shishe akuighupuke.

Piyeküsü 19:11

Tileno kungugha khaqhikeu ino ithulu eno tilehi khurshi akimiye lakhi ae. Tipau shou iku puzu chekeu pesu Pukhukulu eno Kuchou ipi kutsue; pano achipiu xakutha pesu kughatha eno aghu shiche.

Piyeküsü 4:1

Tipathiu ino kungunhetsu kutau lakhi ithulu ike kungughalo ahukikha lakhi khaqhipua. Puzuu afuko ghugha toikeuno iputsakeu sutsa huno ishipi, “Hilau ikughilo eno hipathiu kiu shiveni cheni keno ino opiyenike.”

Piyeküsü 4:5

Akuka lakhu lono tsutsupha eno tsutsukusu sutsa ipeghi. Tipau gizulo akulu tsuni iqu ake, tiye Alhou kimthe ghahwu tsuni huke.

Piyeküsü 7:15

Tighenguno panonguye Alhou kuka lakhu zulo puthughono pa chinekilo putho pucho pa huthu anike. Akuka lakhulo iqa akeuno panongu susholu nani.

Piyeküsü 8:5

Tileno kungumino tsungquyikeu kiptibohu ikhilu eno agho kiptia lono ami hipesu tipaulo suno ayeghi shou vepuku. Tileno kong- kong shi tsutsu-sue, tsutsu pha kulo eno ayeghi ilue.

Piyeküsü 8:7

Kungumi atughiuno pa fuko kuigha. Tipa mtsa apughu, ami, eno ajih pesu xukutshuno ayeghi shou leqhipuku. Ayeghi kikije kuthulo lakhi, asubo kikije kuthulo lakhi eno atsuni kuxu kumtsu pitilekhave.