NEHEMIA 9:31 - BAIBEL (BSI)

³¹ Tishimu okikimiye ye kije kehu noye panoqo qhivemoe momu panoqo pughave moe. Noye kupukini eno kimiyekini Lhou ke!”

Sumi Naga CL (Re-edited) Bible (BSI)

³¹ Ikeghi Ow kimiyekini kije lono Nono pano püghave mo momu qhive moe. No ye küpükini eno kimiyekini Lhou ke.

NEHEMIA 9:31 Mawu Ofanana

KUKAMI AKINIU 13:23

ikemu AMPEU no panongu lau kimiye eno kupukeu ache. Panongu pelono puhavepeni keu pano pulomoe tighenguno panongu kuphutsu, tiye pano puloshoqhi Abraham, Isak eno Jakob lau shipe puakehu paye khilemu pawu timiqo kumsumavemoe.

YEKIKITHI AKINIU 30:9

Nonguno AMPEU lau xaideghi aye timi nosholokumi sasu akughumi shi sawuve kemiqono panoqo shou amlo ighi qhiyive nani eno panoqo pelo aghakhu lo ide ighiluve pe nani. AMPEU nongu Lhou ye kimiyekini eno kupukini ke eno nonguno pa lau xaide ghi napi aye pano nongu ikhilu nani.”

NEHEMIA 9:17

Panonguno agholumove, nono shitsukeqo kumtsu kumsu mave; nono akumzapu kumla shikeqo panonguno kumsumave. Panongu qhekuza launo pano sakipheu kisheluve eno panongu sachile sasu Ijip lo aquaxe shive peniye kughu. Ikemu noye axine qhivekutsu Lhou ke; noye kupukini eno kimiye kiniu, asheshino amlo ide kicheuke. Okikimiye ye kije ke, noye panongu phevemoke.

NEHEMIA 9:19

Ikemu noye asayeqhalo panongu qhivemoke, kughengu owu iqemokeu kikimiye kijeke. Noye khungkusu momu ami tsukucho khipaqono putho pucho panongu la piye chekeno tipau ikhi suwutsu moe.

ISAIAH 48:9

“Timiqo pelo ije sheqhepe nike ghenguno, niye ixu kighide suchile pesu ani; niye tipau qhipe puani eno nongu kutsale vemo nanike.

JEREMIYA 4:27

(AMPEU no pikeuno ayeghiqha kumtsu asa itsumo keu shive nani, ikemu paye tipau qhoi shipusa khavemo nanike.)

JEREMIYA 5:10

Iwu timiqo tsayilu kutsavetsu penike ino aghumi puwu nani, ikemu tipaqo qhoyi kutsavepe monani. Alokaqo likhi xidive penike ino panoqo vilo pinani, kughengu aloka tipaqoye iwu kumoke.

JEREMIYA 5:18

AMPEU no pi, “Tipa tsalaqo loghi niye iwu timiqo qhoyi kutsakhave mo nani.

AKUMLO 3:22

AMPEU wu ikiqivemo keu kikimiye ngo kupuqhiyikeuye achephi.

DANIEL 9:9

Nino oghobide amu noye kimiye kiniu kehu nikipimi qhive tsuke.

ZAKINIU 4:31

Paye kimiyekini Lhou ke. Paye nongu qhivemo nani, nongu kutsalevemo nani eno pa ampino nopuasuqo sasu puloshoqhi shive keu kumsumamo nanike.