NEHEMIA 9:17 - BAIBEL (BSI)

¹⁷ Panonguno agholumove, nono shitsukeqo kumtsu kumsu mave; nono akumzapu kumla shikeqo panonguno kumsumave. Panongu qhekuza launo pano sakipheu kisheluve eno panongu sachile sasu Ijip lo aquaxe shive peniye kughu. Ikemu noye axine qhivekutsu Lhou ke; noye kupukini eno kimiye kiniu, asheshino amlo ide kicheuke. Okikimiye ye kije ke, noye panongu phevemoke.

Sumi Naga CL (Re-edited) Bible (BSI)

¹⁷ Panongu no agholu move, Nono akümzapu kümla shikeqo shou amlo tsümove no panongu kütsü kughope Egypt qüaxe lo idewove nike pano sakipheu kisheve. Ikemu No ye axine qhikütsü Lhou ke; No ye küpükini eno kimiyekiniu, asheshi no amloide kicheu eno kikimiye no pofushi achekeu Lhou kehu panongu pheve moe.

NEHEMIA 9:17 Mawu Ofanana

KUKAMI ATUGHIU 6:13

Ino iwu timi Israilmi gholo nono khikhi akumllaki hipau shi anikeno tipau vechewo ngoni eno niye khilemu panongu phevemoe.”

KUKAMI ATUGHIU 8:57

AMPEU Alhou pelo nipu asuqo gholo acheke toi ningu gholo ghi alu pelo; pa pelo khilemu ni pheve momu kumsumave keu shipemonie.

YEKIKITHI AKINIU 36:13

Akukau Nebukadnezar no tsuyikhomo Zedekiya pelo Alhou je lono paye aghokulu shini kepu tushoqhive pekemu paye hebideve. Pano xaideveni keulo kuthovi auve no AMPEU Israil Lhou lau ideighimo nikeu shive.

EZRA 9:9

Kughengu ninguye akutsughalo acheke ikemu akutsugha lono ni Lhou no niqhive moe eno nono Persia kukatomi pelo ningu kimiyeno xuaghipe puzu ochineki shikithe eno shipsavekeqo shikithelu penike eno Juda ngo Jerusalem lono sukusho phulupeniyeke.

NEHEMIA 9:31

Tishimu okikimiye ye kije kehu noye panoqo qhivemoe momu panoqo pughave moe. Noye kupukini eno kimiyekini Lhou ke!”

LESHELE 106:13

Ikemu panonguye pano mlakeu hu pai kumsumave; eno pa kukutsu khemono mlaitha wuve.

LESHELE 106:7

Ijip lo ni puasuqoye Alhou no akumzapu kumla shikeu vethamlake; ghuthu kutomo pa kikimiye panoqo piyekeu kumsumaveke, panonguye Akuhu Zughilo chekelo Akughushuu shou hebideveke.

LESHELE 130:4

Ikemu nono ni kipimi qhivetsu, ikehu ninguye ojupe akumzaqhiyi puthugho anike.

LESHELE 78:10

Panonguye Alhou sasu puloshoqhi shikeu pelumoke, panonguye pa yezah papenikeulo miliveke.

LESHELE 78:11

Panonguye pano kiu mlaithakeno kumsumave, pano akumzapu kumla shikeu panonguye ithulu puake.

LESHELE 78:38

Ikemu Alhou ye pawu timiqo kimiye kutuke. Pano panongu xine pevetsu eno panongu kutsa pinyivemoke. Ghuthu kutomo pa xukighide eno aloghu suchile pesu ngoveke.

LESHELE 86:15

Ikemu O AMPEU, noye kupukini eno kimiyekini Lhou ke; alhokupujulo kutuukulu, kimiyekeu eno pukhukulupu.

LESHELE 86:5

Noye nilau akivipu eno ikhilukeu shiacheni, ovilo inikhukemi kumtsu lau iqemokeu kikimiyeno chhitoi anike.

IPEKULU 32:9

Timi hipaqoye kiutoi kuthovi cheni keno ino ithi anike.

AHOLE 1:24

Niye nongu ku acheni, nongu pelo ighipe niye ku-su acheni ikemu nonguno initsu chemoe.

JEREMIYA 18:15

Ikeghi iwu timiqoye ikumsumave ani; panonguno asu atu julho lau tsungqui keu pitikumna cheni. Panonguye wukepushi akeu lalo kupuxalu ani, panonguye puzuu laghilo che chemovae. Panonguye alaghila lo kumono lavelalo wuveake,

JEREMIYA 19:15

Aqokitikhi MPEU, Israil Lhou no pilo pikeu pesu ishi pi, “Ino aphughi hipau shou eno taun akupunulo akeqo shou aghimepu shinikeu shi pipuakeu kumtsu sughiniye ani, kughengu nonguye kuthoviloke eno ino kiu piniye anikeno nonguye initsumo nanike.”

JEREMIYA 7:26

Ikeghi milakhi nomu initsumo momu amlo tsuqhiyikeu kuhake. Tishinike zuqhulo nonguno nopuasu nguno alau kuthovi kithe eno hebide kitheke.”

EZEKEL 5:6

Ikemu Jerusalem no ino azah tsukeu hebideke eno liye ashiayeh kutami kumtsu nguno alau lhoksakugha shi pephe piyeke eno li suhupe akeu yeghiqha kutau nguno alau aghekulu kumo shike. Jerusalem ye ino ahza tsukeu pevetsu eno iyezah penikeu milivetsuke.

DANIEL 9:9

Nino oghobide amu noye kimiye kiniu kehu nikipimi qhive tsuke.

JOYIL 2:13

Nongu mlo kughuta shikeu huno nongu mlokusa piyelo; Nongu phimini suxuve keuno lumkhake kumoe.” Nongu Lhou AMPEU lau idechile ighilo. Paye kimiyekini eno kupukeuno chhitoike; paye kheakulu eno pano piqhivekeu pecheni; Paye pulhapujulo axine pevetsunike kutope ani eno ghimeqhimo nanike.

ACHINE 26:44

Ikemu tishive kelomu, panonguno pano ghumi yeghilo achephilo pinamu niye qhoi panoqo qhivemo momu kutsavemo nanike. Tishini keloye panoqo sasu ino puloshoqhi shikeu ashekha shiveni ake eno niye panoqo Lhou AMPEU ke.

NAHUM 1:3

AMPEU ye mlalei aloghu ide chemoe, ikemu paye akuka kumtouke, eno kuquvekeu khilemu ghime- mono puwuve chemoe. AMPEU no khile chewuni keno pasapagha ipeghi cheni; khungkusuye pa pukhuno hekutho keu mukhuke!

AKIKIHI 14:11

AMPEU no Muse vilo pi, “Timi hipaqo ye khitohi imilive ache nani kya? Ino panongu dolo akichiqhipu kumla kutomo shitsu pulano panonguye khitohi ipulu mlano auvea kya?

AKIKIHI 14:41

Ikemu Muse no pi, “Tishiaye nonguye itehiye kushiye AMPEU ghobide ani kya? Nonguye tomla nani!

AKIKIHI 16:14

Noye kuchouno ningu sasu kinikulu yeghilo ighi nikekumoe momu nimheghi shipe nike khilehi aluqa ngo atsayilu nitsuni chemoe, noye ningu pishiqhivenike pukaputsa anie. Nikujoye ighimo nanike!”

Apostolmi 7:39

Nisunoqono pa gholunikeu pulomo eno pa tudapeve, eno panongu mloloye Ijip lo idewove nishikeu kumsuve.

Rommi 9:15

Hi ghenguno pano Muse vilo pi, “Ino khunoqo shou qhuivulayi cheni keno tipanoqo shou ino qhuivulayi nani, eno khunoqo shou ino imlo ighiqhiyi cheni keno tipanoqo shou ino imlo ighiqhiyikeu anani.”

IBRIMI 12:25

Tighenguno, khuno pi ani keno tipau tsa inimovekeu shikevilo, kughengu ayeghi lono Alhou tsape shipesu panongu kutughukeu inimovekelo panonguye pomlave aye, tishiaye kungugha lono atsape shipesu kutughukeu ninguno initsumoaye ninguye kitilamu pokulupu kuhae.

SAMUEL ATUGHIU 12:22

AMPEU no tsaquino tushoqhivae eno paye khilemu nongu phevemo nani, kughengu nongu pesu pawu timi shini keu pano kughakutha shiluvae.