NEHEMIA 9:16 - BAIBEL (BSI)

¹⁶ Ikemu nipuasuqono qhezauve, hebidewuve eno oyezahqo gholumo no milive.

Sumi Naga CL (Re-edited) Bible (BSI)

¹⁶ “Ikemu panongu eno ni puasüqo no akuchhoma shi pano kütsü kughove eno O zakütsüqo pape move.

NEHEMIA 9:16 Mawu Ofanana

KUKAMI AKINIU 17:14

Ikemu panonguno agholumoe; eno Panongu puasuqo toi amlo thoshelo eno panongu Lhou AMPEU lau pulu bemoe.

YEKIKITHI AKINIU 29:6

Ningu puasu ye AMPEU ningu Lhou lau pukhukulu shimove ke eno pa mlo qimo kepu kiu keno tipau shiuve ke. Panonguno pa qhive eno pano khilehi ngo cheni keno ti kudau azupo kugho puwove ke.

YEKIKITHI AKINIU 30:8

Panoqo toi nonguye kuthovi akevilo ikemu AMPEU gholulo. Jerusalem lo Achineki khipau AMPEU nongu Lhou no alhokupuju ghenguno akimthe shive tsu keno tilehi ighilo eno pa mllalo tishianguno paye nongu lau aloghu ide kithe pemo nike.

YEKIKITHI AKINIU 36:13

Akukau Nebukadnezar no tsuyikhomo Zedekiya pelo Alhou je lono paye aghokulu shini kepu tushoqhive pekemu paye hebideve. Pano xaideveni keulo kuthovi auve no AMPEU Israil Lhou lau ideighimo nikeu shive.

NEHEMIA 9:10

Nono Akukau shou akumzapu kumla mlae, pawu kijemi eno pa yeghilo kuami shou, kughengu panonguno kishishi owu timiqo nedaqoda che keno nono ithie. Nono ishi tsalalo ojekipi aketoi tipa ghuloki loghi nono toluke.

NEHEMIA 9:29

Okukutsu tsa gholupe niye nono panoqo kutughuke, ikemu panonguno aqhekuza shi ozahqo milivetsu ke, tishi pinamu oyezah pelukeulo akuxupu la anike. Panonguno kuthovi puzu agholumo kepi milive ke.

LESHELE 106:6

Ni puasuqo toi ningu ghi axine shiveake; ninguye kixikila eno alhoksake.

LESHELE 81:8

Iwu timiqo ino nongu kutughuakeu inilo; Israil, niye nongu pelo itsa initsu penishi anike!

IPEKULU 15:26

Pano ishi pi,”Ino khipaqo pesu achipiu kepi chenikeno tipau shikeu eno ino ahza tsukeu pelu aye ino Ijipmi shou akusu jeli sughikeu lakhimu pesu nongu ghimeqhimo nanike. Niye AMPEU nongu shipivi chekeuke.”

IPEKULU 32:9

Timi hipaqoye kiutoi kuthovi cheni keno ino ithi anike.

AHOLE 29:1

Oshikumzu tsukeu kumtsulo nono alaushi omlo hekighike auve aye ghulo lakhilo noye mukhumuno shive nani eno khilemu idethughi mlave nani.

ISAIAH 48:18

“Nonguye ino ahza tsukeu chiluke aye nongu ghenguno kukumghano aghoki khilemu qopuhamla keshi qoighini cheke! Azu fukukuchono azu mukulo kuzu susu ighikeshi tokulupu nongu lau ighini cheke.

ISAIAH 48:4

Nonguye shio shighai nani kepi ino ithi ake, ayi toi tsatsayi eno alazayi kumka toike.

ISAIAH 63:10

ikemu panonguno pa hebideke eno pa pelo amlo kusapu shivepeke. Ikehu AMPEU ye panoqo ghumi shive eno panoqo sasu aghushiwuveke.

JEREMIYA 19:15

Aqokitikhi MPEU, Israil Lhou no pilo pikeu pesu ishi pi, “Ino aphughi hipau shou eno taun akupunulo akeqo shou aghimepu shinikeu shi pipuakeu kumtsu sughiniye ani, kughengu nonguye kuthoviloke eno ino kiu piniye anikeno nonguye initsumo nanike.”

JEREMIYA 2:31

Israil lo akemiqo, ino kiu piani keno inijulo. Nongu lau niye asayeqha lakhi toive, momu zumoi akumsapu yeghi lakhi toive kesha? Tishiaye nonguye kushiye nongu pulou shinikeu pi kya? Nonguye khilemu ilau ideighimopi pikya?

JEREMIYA 7:26

Ikeghi milakhi nomu initsumo momu amlo tsuqhiyikeu kuhake. Tishinike zuqhulo nonguno nopuasu nguno alau kuthovi kithe eno hebide kitheke.”

EZEKEL 5:6

Ikemu Jerusalem no ino azah tsukeu hebideke eno liye ashiayeh kutami kumtsu nguno alau lhoksakugha shi pephe piyeke eno li suhupe akeu yeghiqha kutau nguno alau aghekulu kumo shike. Jerusalem ye ino ahza tsukeu pevetsu eno iyezah penikeu milivetsuke.

Apostolmi 7:51

“Nongu aghekulukumomi, amlolo kusakugha eno Alhou sutsa chikumlamiqo. Nonguye nongu puasuqo toi kena, nongu ghi pulhapuju Aghungu Kimthe mujochile cheni.

Rommi 2:5

Ikemu noye amlo kumka likhi thono amlo-ighikeu kuhae.Ike Alhou ghakighide eno Pano achipi lono kughatsukeu pephepiye nike tsalalo noye olikhi oghengu aghime kitikhi ithulu kepu pekike auvae.

ZAKINIU 31:27

Panonguye kiutoi kuthovi eno hekibidemi keno ino ithi anike. Panonguno ino xuakelo AMPEU hebide cheke eno ino thive kethiuye tinguno alaushi hebide nanike.

ZAKINIU 32:15

‘AMPEU wu timiqoye kinikulu shiuve ikemu hebideuve; Panonguye chhibochhilei eno achuqupuno shepichhi cheuve. Panonguno Alhou panoqo pulhokusuu qhiveno akughushu shi pano xakuluu peive.

ZAKINIU 5:29

Panonguno pulhapuju hikithipu shi igihu eno ino ahza tsukeu kumtsu gholu ke aye! Tishilu aye panongu eno pano polo kughukomiye alhokupujulo aloqhiyi achelu nanike.

ZAKINIU 9:13

“AMPEU no tinguno alau ghi ivilo pi, ‘Timi hipaqoye kiu toi kuthovikemi keno ino ithi anike.

ZAKINIU 9:27

Oqeu Abraham, Isak eno Jakob kumsulu tsulo eno timi hipaqono kuthovi akeu, lhoksa kugha shi akeu eno panoqo xine shou jupukutsu kevilo.

ZAKINIU 9:6

Nonguno ithulu kuzupu shi aghike ghenguno AMPEU no aghuma yeghi hipau nongu tsuani kepi kumsu kevilo, khilemu tikumoke. Moe, nonguye kuthovilo kemiqoke.

IBRIMI 3:13

Ikemu kuchoyesulo “Ishi tsala” ipiake kutolo nonguye tsalakipetsulo lakhino lakhi shikumtolo, tishianguno axineno nongu lakhimu pishiqhive pemonike eno amlo mukamughaive pemonike.

IBRIMI 3:15

Kuchoyesulo ishi pipuani: “Ishi tsalalo nonguno Alhou sutsa chilukeulo, Nonguno pahebideve kelo toi, Nongu mlo shikumka kevilo.”