NEHEMIA 6:14 - BAIBEL (BSI)

¹⁴ Ino ishi inikhu, “O Alhou, Tobia ngo Sanbalat pama no kiu mlave keno ithino pama ghimelo. Ti atotiu Nodia ngo tungkupumi kutamiqono ishikumsaniye pukaputsa keqo ghimelo.”

Sumi Naga CL (Re-edited) Bible (BSI)

¹⁴ O I Lhou, Tobiah ngo Sanballat pama no hitoi shike ghenguno pama kümsülu lo, eno tungkupliu Noadiah ngo tungkupmi khunoqo I shikümsa niye shikeno panongu ghi kümsülu lo.

NEHEMIA 6:14 Mawu Ofanana

NEHEMIA 13:29

O Alhou, timi tipaqoye kiu toi achine kumla shikeu eno nono achinemi ngo Levimi sasu puloshoqhi shikeu shikuchhubeve tsu keno nono jupuku tsulo.

NEHEMIA 5:19

Ino ovilo khu anike, O Alhou, timi hipaqo ghenguno kiu mlatsu keno ti kumsulu tsulo.

LESHELE 137:7

AMPEU, Jerusalem leilo-hepho akelo Edumiami no kiushi keno kumsululo, panonguno, “aboqha kutolo hepho pinyive tsulo” ipi piakeu hu kumsululo.

LESHELE 22:1

ILhou, iLhou, noye kushiye iqhive ani kya? ikuphupe nikeu ighamuku aghimeshi akeu lo noye kushiye putosu auve akya?

LESHELE 63:1

O Alhou, noye iLhou ke, ino ophu cheni. Ingulhono tughuthi akeshi muamzu ophucheni;

IPEKULU 15:20

Aron chepu Miriam tungkupliuno amqulebo ikhilu eno totimi kumtsuno li papesu amqulebo kuigha eno ilheke.

JEREMIYA 14:15

Tungkupmi hupaqoye ino panoqo puwumo amu ije lono aghukishi ngo akhu-ava ye hipa yeghi jole ighimo nani kepi pikeqo shou ino kiu shini cheni keno ni, AMPEU no ovilo piani, ike aghukishi ngo akhu-ava lono ino panoqo heqhipithi nani.

JEREMIYA 14:18

Kughou ino aluzalo wuju keno, aghukishi lono thivekemi sukumo ino ithulu; kughou ino taunlo wuju keno, akhu-ava lono thivekemi ino ithuluke. Tungkupmi ngo achinemino pano kumla mla ake ikemu panonguye kiu shiani keno panonguno ithi amoe.”

JEREMIYA 28:1

Tipa mpelo, tiye Zedekiya no akukau shikeu mpe abidiu aqhi apunguulo, Gibeon taun lono tungkupu lakhi Azur nu Hananiya no Achineki lono iputsake. Achinemi ngo timiqo nhekithe lono pano ivilo pikeuno

JEREMIYA 28:10

Tileno Hananiya no ikuo lono kuokhasu ikhiluveno tipau hechhe pinyive,

JEREMIYA 28:15

Tileno ino tipau pesu Hananiya vilo pi eno highi pikuqhatsuke, “Hananiya, inilo! AMPEU ye opuwu puamoe, noye timi hipaqo pelo akimki pulu anipeke.

MATTHEW 24:11

Kichile tungkupmi kutomo ipeghi puzu timi kutomo sakughuzu sawuve nani.

MATTHEW 24:24

Kughengu kichile Mesiya eno kichile tungkupumi ipeghi nani eno panonguno amchipu ngo akumzapu kumla shipe piye puzu, shikulupu shi aye kisheluvekemi ghi sakughuzu sawuve nikeu shi nani.

MATTHEW 7:15

“Kichile tungkupmi jukutomasa, panonguno ashouye bheri toi nongu lau ighi cheni, ikemu panongu loloye tungtugha yikusa toike.

2 Tim. 3:8

Joana ngo Jambre pamano Muse mujochile ketoi timi hipaqo ghi kuchou mujochile chenie. Timi hipaqoye kusakugha kumsuchekemi eno akupululo chighi chilaikemike.

1 John 5:16

Nongu gholo khualano pa thikuzumi lakhino thimokepu xine shiaghikeu ithulu aye, nono Alhou vilo khulo, eno khunoqo xineno akithipu kumokeno Alhou no akuxupu pesu pa tsu nani. Akithipu xine acheni, eno niye nongu vilo tipau ghenguno Alhou vilo inikhu lopi piamoe.

Piyeküsü 19:20

Tughashi ngo pa gholo kichile tungkupu pa zulono akumzapu kumla shichekeu ngo ishi akughu shipeniye kughaluve. (Kichile tungkupuno akumzapu kumla shipuzu khunoqono tughashi wu amchi pe-a eno khunoqono tughashi wu ajulho shisukeu mllachekeno tipaqo pishiqhi acheke.) Tughashi ngo kichile tungkupu pama kini kujo akuxuno amiyizulo amichu pesu pitiakeulo vesuve.