NEHEMIA 2:17 - BAIBEL (BSI)

¹⁷ Tileno ino panoqo vilo pi, “Ninguye kiu vekusapulo ani keno julo kughengu Jerusalem ye ixapiniyi ani eno tipaulo khaghoqoye ixapiniyi anie! Ninguno aphughi kupuwuqo mlanie eno ningu kukujopu tavepe nie.”

Sumi Naga CL (Re-edited) Bible (BSI)

¹⁷ Tile I no panoqo vilo pi, “Ningu ye kiu veküsa lo ani keno julo, Jerusalem ye ixapinyi ani eno tipau khaghoqo ye pitileve no ani. Ighilo, ningu akupuwu shiqheni, tishianguno ningu kukujopu ye tave nani.”

NEHEMIA 2:17 Mawu Ofanana

EZRA 9:9

Kughengu ninguye akutsughalo acheke ikemu akutsugha lono ni Lhou no niqhive moe eno nono Persia kukatomi pelo ningu kimiyeno xuaghipe puzu ochineki shikithe eno shipsavekeqo shikithelu penike eno Juda ngo Jerusalem lono sukusho phulupeniyeke.

NEHEMIA 1:3

Panonguno ivilo pi, “Akuxu achilishi aghi puzu aghakhulo ideighi kulumiqo hu ighono aghime shi anie eno inaghami pano cheaxulo kuamiqono tha igha achenie eno Jerusalem kupuwu hu hexavae eno tile khaghoqo hu pitiveke lono ishi kutolo tishi aphie.”

NEHEMIA 2:13

Ino aphughi qhiveno kulolau Akhila Khagho vechesu apeu Dragon Zupuki hechesu Akutsukumna Khagholo wuke eno tishi ake kutolo putho shi ae. Ino wuche kelo aphughi kupuwu ipopiniyive keqo eno amino pitivekeu khaghoqo xujusu wu.

NEHEMIA 2:16

Tile kuami khumu ino khilau wu eno kiu shi akeno mthae. Tikutolo niye ikusami Judami vilo, achinemi vilo, kijemi vilo eno mlaniye akemiqo khuu vilomu kiumu pimono ae.

NEHEMIA 3:15

Kolhoze nu Shalum, Mizpa distrik lo ayehpeuno Azupuki Khagho mlave. Pano khagho la ghakhave eno khaghoqo thosu alo mlasu eno boltu ngo akhaduqo mlasuve. Shela Zukikhelo pano kukami ghutu kutolo akupuwu mlave, tiye David phughi lono anepa iqi akeu kutolo mlaveke.

LESHELE 102:15

Ashiayeh qono AMPEU sumsa nani ayeghilo kukami kumtsuno pa kuka sumsa nani.

LESHELE 44:13

Nono ni sumxape akeqo pelo ni jukunathapeke, eno panonguno ni thaigha eno ni junuke.

LESHELE 44:14

Nono ashiayeh kutami gholo ni pelo aphikumqhupu shivepeke; panonguno akutsu kungu-ghi ni jukunathake.

LESHELE 79:12

Ashiayeh kutamino oshou opiputha keu tsa pikeu ghenguno aghime ghuthu tsuni kutolo tsulo, O AMPEU!

LESHELE 79:4

Ashiayeh nisumxape akemiqono ni piputhake, panonguno ni junu eno ni thaighake.

JEREMIYA 24:9

Ino kutsakungo keu lakhi pakutakeu panoqo shou sughikeulo ayeghiqhalo ashiayeh kutami kumtsuno thughuive nani. Timiqono panoqo thaigha nani eno panoqo pesu azukutunupu lakhi shinani, panoqo thakepu shi nani, eno ino panoqo halepuwu vekeqha kumtsulo panoqo je pesu musuinikeu lakhi shi peitha nani.

AKUMLO 2:2

Kimiyekeu kuha puzu AMPEU no Juda lo aphu akeqo kutsaveke, eno aghakhu sushope akeu liwoqo tuleqhive. Akukaqha ngo tipaulo ayehkipemiqo shou pano kujomza kepu sughive.

AKUMLO 3:51

Niphughilo lhothelimi shou kiu shivekeno jupe imlo kighishi shive.

EZEKEL 5:14

No sumxape akeqo shiayeh khunoqono vechesu wunikeno ojukunatha nani eno putouno wuve nani.

MICAH 7:11

Jerusalem lo akemiqo, aphughi kuputu shikithe puku nikeu ghuloki wocheni. Tipa ghulokiloye noghakhuqhaye pekhove nani.

SAMUEL ATUGHIU 11:2

Nahas no khochile, “Ino thime lakhi lono nongu sasu vishoshini: ino timi kumtsu nhethi ajeu chixejo pevetsuni eno tishikeu lono Israilmi lau jukusa sughipeni.”