NEHEMIA 13:15 - BAIBEL (BSI)

¹⁵ Tipa ghulokilo Juda lo timiqono Sabat pinye tsalalo atsaithi lono atsaizu qophe aghikeu ino ithulu. Kutami khamino athi, aji, atsaithi, khughuthi eno kutau thimeqo pano wu gadaha shou pipeno Jerusalem alou pewu cheghi; panongu ye Sabat tsalaloye kiumu jemla kepi ino panoqo lakhave.

Sumi Naga CL (Re-edited) Bible (BSI)

¹⁵ Tipa ghuloki lo Judah lo timiqo no Sabbath tsala lo atsaithi lono atsaizü qophe aghikeu I no ithulu, eno athi amoqhepe qhikeqo ngo atsaizü, atsaithi, mubuthi, eno kütau thimeqo panow khurha pipe no Sabbath tsalani no Jerusalem lo pewu cheghi. Ikehu I no Sabbath tsala loye kiumu jemla kepi lakhave.

NEHEMIA 13:15 Mawu Ofanana

YEKIKITHI AKINIU 24:19

AMPEU no tungkupumi puwu puzu pa lau ideighi penike kutughuu pe ikemu timiqono initsumoe.

NEHEMIA 10:31

Inaghamino athi momu tuxatini kiu kiumu Sabat pinye tsalalo momu kiu kiu kimthe tsala lono nivilo jesuniye sughimu ninguye panoqo launo qhulumoni. Ampe akutsuniu loye ninguye alu chimoni eno apiagha kumtsu qhikhave tsuni.

NEHEMIA 10:32

Ampe atsu-tsulo ningu lakhikhino tsandiyi gram pungu achineki vehupulo qhasutsuni.

NEHEMIA 13:16

Tur phughi lono timi khami ighieno Jerusalem lo xu ache eno panonguno Sabat lono akha ngo anhemgha kutau jeli kutomo pesu niw timiqo vilo jesuniye aphughilo suiloghi.

NEHEMIA 13:21

Ino panoqo vilo ishi kutughuve, “Inaqhe kuto khe akepu avehupu kuhae, Nonguno itaghi hikithipu shi nike pukaputsa aye ino nongu shou anguka peithave nanike.” Tinguno tilauye panonguye Sabat pinyelo ighikithe move.

NEHEMIA 9:29

Okukutsu tsa gholupe niye nono panoqo kutughuke, ikemu panonguno aqhekuza shi ozahqo milivetsu ke, tishi pinamu oyezah pelukeulo akuxupu la anike. Panonguno kuthovi puzu agholumo kepi milive ke.

JOB 39:12

Noye pa pelo ghile hupughi kepu shi pichebelu nani ma? Momu athi xapuwo ole lo leqhitsu pelu nani ma?

LESHELE 50:7

“Inilo, iwu timiqo, ino pinike, O Israilmi, nono achipishi achemokeu pini: Niye Alhou, nongu Lhou ke.

IPEKULU 31:12

AMPEU no Muse vilo ahza tsukeuno

IPEKULU 31:16

Israilmiye puloshoqhi michipu lakhi shi hipa tsala pekepuke.

IPEKULU 34:21

“Nonguno akumla shi kepu do atsala tsugho ani ikemu atsala akutsuniu loye aghisho tusho shi aghi pinamu akumla shikevilo.

IPEKULU 35:2

Nongu kumla mlanike ghenguno atsala tsugho ani, ikemu atsala akutsuniuye AMPEU lau akimthe shilo eno iquighai akulhokiqhi tsala lakhi shilo. Timi khuu no tipa tsalani akumla kiu kiumu shinikeno pa pithivelo.

AHOLE 28:4

Nono ayezah phimo gihumo cheniaye noye kixikilami kudaumike; ikemu nono tipau ghokulu shicheniaye noye kixikilami ghumike.

ISAIAH 58:13

AMPEU no pi, “Nonguno Sabat akimtheshi peitha puzu tipa tsalalo nonguno pulokeu papewumo aye; nonguno ikimthe tsla ame kuapushi eno tipau tsala ikhilu izuwumo, mlamo momu adou tsa kughamo aye

JEREMIYA 17:24

“Timi hipaqo vilo pilo, panonguye izah kutsu kumtsu papelu masake. Panonguye Sabat lo aphughi hipau kikhaqo vechesu kiu khomu xapu ilo kepu kumoke. Sabat ye akimthe tsala lakhi shi ikhilu masa eno akumla kiumu shikepu kumoe.

JEREMIYA 17:27

Ikemu panonguye ighokulu shi masake eno Sabat ye akimthe tsala lakhi shi ikhilu masake. Tipa tsalaniye panonguye kiu khomu xapusu Jerusalem kikhaqo vechesu wumoni, kughengu panonguno tishiaye, ino Jerusalem kikhaqolo ami suvetsu nani. Amino Jerusalem lo akighikiqo pitileqhive nani eno khunomu tipau ghapinhemla nanike.”

JEREMIYA 42:19

Tileno ino itaghi pi, “Nongu Juda lo ghupe puaghikemi vilo AMPEU no Ijip lo wukevilo pi pivae. Ike itehino ino nongu vilo kutughuve anike

EZEKEL 20:13

Ikemu timi kughuna moke-alo ghi panonguno ihebideke. Panonguno iyezah kuboleve eno ino ahza tsukeu khunono tipaqo pelu nikeno akuxupu sughi chekeu panonguno milive. Panonguno Sabat pinye shipixi khavetsu. Timi kughuna moke-alo ino panoqo pelo iloghu kighide kumgha pupeniye kutove eno panoqo kutsaveni keu shive.

AMUS 8:5

Nonguno nolikhi novilo ishi picheni, “Ninguye akimthe tsalaqo wove penikeu khelho kutuke tishianguno niwu athi jelu nike. Sabat thiuno nino ame alau lu, ahu kichileu peithalu eno ahuu shikideveno qhuighikemi pishiqhini.

MICAH 6:3

AMPEU no pi, “iwu timiqo, niye nongu shou kiu shive kya? Niye kiu lono nongu zupuzuve kya? Ikhochilelo.

Apostolmi 2:40

Pano atsa kutau kutomo pesu ashepe shi eno panoqo hakutho ghi pi, “Hi chighichilai keu tiqheli launo nongu xaluvepelo.”

Apostolmi 20:21

Judami vilo ghi Grikmi vilo ghi ishi Alhou kudau xaide ighinikeu eno ningu mpeu Jisu shou pulube nikeu shepe thumuyishi pithie.

Galatiami 5:3

Khunoqono pa likhi pa kughape aphighu yiko ghavepe anikeno tipau vilo ino ghuttu kithe akeuno tipaqoye Ayezah kuchopu pelumoaye saputsake.

Ephesiami 4:17

Tishiaye, Ampeu je lono ino hipau piani eno hi pikithe ani: nonguye khilemu Alhou kuhakemi toi xukevilo; panongu kukumsu abokumsake,

ZAKINIU 8:19

AMPEU nongu Lhou khilemu pheve kevilo momu kutau lhouqo mlla eno qenike tsughusu wukevilo. Nonguno tishi aye ino ishi tsala lono nongu vilo piputove anike nonguye mutsuqhei kutsaleve nanike.

1 Thes. 4:6

Hipau vehulo timi khumu pa thikuzuu lau akumou shikevilo momu pawu kiu keno hexatsu kevilo, kughengu ninguno puzuuno nongu kutughuve ketoi khunoqono tikithipu shicheni keno Ampeu no tipauqo ghime nanike.